ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
រដ្ឋបាល​ខណ្ឌដូនពេញ បាន​បើក​កិច្ចប្រជុំ​សាមញ្ញ​លើក​ទី​១៨ របស់​ក្រុមប្រឹក្សា​ខណ្ឌដូនពេញ​អាណត្តិ​ទី​៣ ==> ​សម្ដេច​ក្រឡាហោម ស ខេង បាន​ណែនាំ អ្នក​ធ្វើ​ខុសច្បាប់​ត្រូវអនុវត្ត​តាម​ច្បាប់ កុំ​រត់​រក​អ្នកមានអំណាច​មក​ជួយ​អន្ដរាគមន៍​ ==> ​រថយន្ត ១០ គ្រឿង ត្រូវបាន​ប្រគល់ជូន​ដល់​បញ្ជាការដ្ឋាន​កងទ័ព​ជើងគោក និង​បញ្ជាការដ្ឋាន​ជាតិ​កម្លាំង​ពិសេស​ប្រឆាំង​ភេរវកម្ម រថយន្ត ១០ គ្រឿង ត្រូវបាន ប្រគល់ជូន​ដល់​បញ្ជាការដ្ឋាន​កងទ័ព​ជើងគោក និង​បញ្ជាការដ្ឋាន​ជាតិ​កម្លាំង​ពិសេស​ប្រឆាំង​ភេរវកម្ម​ ==> សន្និសីទ​សារព័ត៌មាន​ស្តីពី « ការចុះបញ្ជី​ពាណិជ្ជកម្ម និង​កិច្ច​ការពារ​ម៉ាក និង​ពាណិជ្ជ​នាម សម្រាប់​អាជ្ញា​បណ្ណ​លើ​វិស័យ​ព័ត៌មាន និង​សោតទស្សន៍ » ==> កម្លាំង​ក្រុម​អន្តរាគមន៍​បង្ការ​បង្ក្រាប​ចុះ​ប្រតិបត្តិការ​បង្ក្រាប​ករណី​លួច​មាន​ស្ថាន​ទម្ងន់ទោស​(​កាច់​សោ​រយ​ក​ម៉ូតូ​)០១​ករណី​និង​បាន​ធ្វើ​ការឃាត់ខ្លួន​ជនសង្ស័យ​ចំនួន​០២​នាក់ ==> ​សម្ដេច​ក្រឡាហោម ស ខេង បាន​អញ្ជើញ​ជា​អធិបតី​ក្នុង​ពិធី​កិច្ចប្រជុំ​ស្ដីពី “​ការពង្រឹង​ការអនុវត្ត​តួនាទី និង​ភារកិច្ច​របស់​រដ្ធបាល​ខេត្ត​មណ្ឌលគិរី “ ==> ​ឯកឧត្តម វេង សាខុន បាន​អញ្ជើញ​ចូលរួម​ក្នុង​កិច្ច​ប្រជា​កដី​ពី​”​ពង្រឹង​ការអនុវត្ត​តួនាទី ភារកិច្ច​របស់​រដ្ធបាល​ខេត្ត​មណ្ឌលគិរី​” ==> នាយ​ឧត្តមសេនីយ៍ សែន សុវណ្ណនី អញ្ជើញ​ចូលរួម​ពិធី​ប្រគល់​វិញ្ញាបនបត្រ​បញ្ជាក​ការសិក្សា​ភាសា​បារាំង​កំ​រឹត​A1-B1 ==> ឧត្តមសេនីយ៍ឯក ហ៊ុន ម៉ា​ណែ​ត ជួបប្រជុំ​តាមរយៈ​ប្រព័ន្ធ​វីដេអូ ជាមួយ​មេបញ្ជាការ​កងទ័ពជើងគោក​សិង្ហ​បុរី ==> ពិធី​ប្រកាស​ប្តូរ​សមាសភាព​មន្ត្រី​នៅ​តាម​ស្ថានីយ​ជញ្ជីង​អចល័ត ដើម្បី​ផ្លាស់ប្តូរ​បទពិសោធន៍​ការងារ និង​ពង្រឹង​ប្រសិទ្ធភាព​នៃ​ការអនុវត្ត​ការងារ​ឱ្យ​កាន់តែ​ប្រសើរ​ឡើង​
0

តំណាង​នាយ​ឧត្តមសេនីយ៍ សៅ សុខា នាំ​អំណោយ​ប្រគល់ជូន​ប្រជាពលរដ្ឋ​ចាស់ជរា និង​មាន​ជីវភាព​ខ្វះខាត​១៥០​គ្រួសារ ក្នុងស្រុក​រមាស​ហែក

តំណាង​នាយ​ឧត្តមសេនីយ៍ សៅ សុខា នាំ​អំណោយ​ប្រគល់ជូន​ប្រជាពលរដ្ឋ​ចាស់ជរា និង​មាន​ជីវភាព​ខ្វះខាត​១៥០​គ្រួសារ ក្នុងស្រុក​រមាស​ហែក

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

ស្វាយរៀង ៖ នៅ​ព្រឹក​ថ្ងៃទី​៣០ ខែតុលា​ឆ្នាំ​២០២០ លោក រស់ ឆាយ សមាជិក​ក្រុមប្រឹក្សា​ខេត្ត​ស្វាយរៀង បាន​ចូលរួម​ជួប​សំណេះសំណាល​និង​នាំយក​អំណោយ​នាយ​ឧត្តមសេនីយ៏សៅ សុខា​មេបញ្ជាការ​កងរាជអាវុធហត្ថ​លើ​ផ្ទៃ​ប្រទេស​និង​ជា​ប្រធាន​ក្រុមការងារ​រាជរដ្ឋាភិបាល ចុះជួយ​ស្រុក​រមាស​ហែក​ប្រគល់ជូន​ប្រជាពលរដ្ឋ​ចាស់ជរា​និង​មាន​ជីវភាព​ខ្វះខាត​១៥០​គ្រួសារ ស្ថិតក្នុង​ភូមិ​ត្រពាំង​តាកែវ ឃុំ​ជ្រៃ​ធំ ស្រុក​រមាស​ហែក​ខេត្ត​ស្វាយរៀង​។​

​ពិធី​នេះ​មាន​ការចូលរួម​ពី​សំណាក់​លោក​ស៊ូ ម៉ុល​អភិបាលស្រុក​លោក អ៊ិន សា​បន​ប្រធាន​ក្រុមប្រឹក្សា​ស្រុក​លោក​មេឃុំ​មន្ត្រី​សាលាស្រុក និង​កងកំលាំង​ព្រមទាំង​ប្រជា​ការពារ​ភូមិ​ជាច្រើន​នាក់​ផងដែរ ។​

​លោករ​ស់ ឆាយ​សមាជិក​ក្រុមប្រឹក្សា​ខេត្ត​ស្វាយរៀង​បាន​ផ្ដាំផ្ញើ​សាកសួរ​សុខទុក្ខ និង​ក្តី​នឹករលឹក​ពី​សំណាក់​លោក​នាយ​ឧត្តមសេនីយ៍ សៅ សុខា ប្រធាន​ក្រុមការងារ​រាជរដ្ឋាភិបាល​ចុះ​ជួយ​ស្រុក​រមាស​ហែក លោក​តែងតែ​គិតគូរ​អំពី​សុខទុក្ខ​ដល់​បងប្អូន​ប្រជាពលរដ្ឋ​នៅ​ស្រុក​រមាស​ហែក ជា​ពិសេស​ប្រជាពលរដ្ឋ​ដែល​ជួប​ការលំបាក​និង​ខ្វះខាត​។​

​លោក​បន្តថា​ដោយសារ​ប្រទេសជាតិ​មាន​សុខសន្តិភាព ស្ថិរភាព​នយោបាយ និង​ការអភិវឌ្ឍ​គ្រប់​ទីកន្លែង ធ្វើឱ្យ​ប្រជាពលរដ្ឋ​យើង​មាន​ឱកាស​បាន​ធ្វើដំណើរ​កម្សាន្ត ប្រកប​របរ​ក​ស៉ី​បាន​ដោយ​សេរី និង​ធ្វើ​បុណ្យទាន​បាន​គ្រប់​ទីកន្លែង​ទូទាំងប្រទេស​។​

​លោក រស់ ឆាយ​ក៏​បាន​អរគុណ​សន្តិភាព និង​ស្ថាបនិក​សន្តិភាព​សម្ដេច​តេជោ ហ៊ុន សែន ដែល​បាន​តស៊ូ​ប្រឹងប្រែង​ឆ្លងកាត់​គ្រប់​ឧបសគ្គ​រាប់រយ​ជំពូក និង​បាន​រំដោះ​ប្រទេស​ជាតិ​ពី​របប​ប្រល័យ​ពូជសាសន៍ ប៉ុល ពត ស្វែងរក​សុខសន្តិភាព​ជូន​ប្រជាពលរដ្ឋ និង​សង្គមជាតិ ព្រមទាំង​ជម្រុញ​ការអភិវឌ្ឍ​ប្រទេស​តាំង​ពី​ចំណុចសូន្យ រហូត​មាន​ការអភិវឌ្ឍ​លើ​គ្រប់​វិស័យ​ដូច​សព្វថ្ងៃនេះ​។
​លោក​បាន​អំពាវនាវ​ដល់​អាជ្ញាធរ​គ្រប់​លំដាប់ថ្នាក់​ប្រជាពលរដ្ឋ សូម​ចូលរួម​ថែរក្សា​សន្តិភាព​ទាំងអស់គ្នា និង​ដឹងគុណ​សន្តិភាព ពីព្រោះ​សន្តិភាព​មានតម្លៃ​មិន​អាច​កាត់ថ្លៃ​បាន សម្រាប់​មនុស្ស​ជាតិ​លើ​ពិភពលោក​។​

​លោក​បាន​ក្រើនរម្លឹក​ដល់​ប្រជាពលរដ្ឋ​ទាំងអស់ មិន​ត្រូវ​ធ្វេសប្រហែស​អំពី​ជំងឺ​កូវី​ដ ១៩ ដែល​ជា​បញ្ហា​ប្រឈម​រួម​ទូទាំង​សកលលោក​នាពេលនេះ​ឡើយ បើ​ទោះ​បី​ចំនួន​អ្នក​ឆ្លង​នៅក្នុង​ប្រទេស​យើង​មាន​តិចក្តី តែ​យើង​ត្រូវ​បង្កើន​ការយកចិត្តទុកដាក់​ខ្ពស់ និង​ត្រៀម​ទប់ស្កាត់​គ្រប់ពេលវេលា ដោយ​ត្រូវ​ធ្វើ​អនាម័យ​សុខភាព​ឱ្យបាន​ជា​ប្រចាំ ដើម្បី​ការពារ​អាយុជីវិត​សម្រាប់​ខ្លួនឯង​ផ្ទាល់ និង​ក្រុមគ្រួសារ​កុំឱ្យ​មាន​ឆ្លង​មេ​រោគកូ​វីដ​១៩ នេះ​ឱ្យ​សោះ​ក្នុង​ការចូលរួម​ប្រយុទ្ធប្រឆាំង​ទប់ស្កាត់​ជា​មួយ​រាជរដ្ឋាភិបាល​យើង ។​

​លោក​ក៏​បាន​បន្តថា​ការ​អំពាវនាវ​ដល់​បង​ប្អូន​ប្រជាពលរដ្ឋ​ទាំងអស់ ត្រូវតែ​អនុវត្ត​ឱ្យបាន​ជា​ប្រចាំ​នូវ​សេចក្តីណែនាំ​របស់​ក្រសួង​សុខាភិបាល​គឺ ត្រូវ​ដុសលាង​សម្អាត​ដៃ​ជាប្រចាំ​ដោយ​ទឹកសាប៊ូ អាល់​កុល ឬ​ជែល និង​ពាក់​ម៉ាស់​ឱ្យបាន​ត្រឹមត្រូវ និង​ត្រូវ​ខ្ទប់​មាត់​ជាមួយ​ក្រ​ម៉ា ឬ​ម៉ាស នៅពេល​ក្អក ឬ​កណ្តាស នៅក្នុង​ចំណោម​ក្រុម​មនុស្ស​ច្រើន ឬ​ទីប្រជុំជន​នានា ។

​បន្ទាប់មក​លោក​ក៏​បាន​ប្រគល់​គ្រឿង ឧបភោគ​បរិភោគ​ដល់​ប្រជាពលរដ្ឋ​ក្រីក្រ​ខ្វះខាត​ចំនួន​១៥០​គ្រួសារ ដោយ​មួយ​គ្រួសារ​ទទួលបាន​មី​មួយ​កេស បំពង់​ទឹក​ក្ដៅ​មួយ និង​ថវិការ​១៥០០០​រៀល​ផង​ដែរ​៕

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!