ខេត្តបាត់ដំបង-ស្រុករតនមណ្ឌល៖ លោកមេភូមិដង្គត់ ឃុំស្តៅ ស្រុករតនមណ្ឌល ខេត្តបាត់ដំបងបានចេញសេចក្តីជូនដំណឹង ដល់បងប្អូន ប្រជាពលរដ្ឋ ទាំងអស់គ្នា មេត្តាប្រុងប្រយត្ន័មើលថែទាំព្រទ្យសម្បត្តិផ្ទាល់ខ្លួនជាពិសេស សត្វគោ ក្របី របស់បងប្អូន ព្រោះនៅក្នុងថ្ងៃចន្ទទី ០៤.ខែធ្នូ.ឆ្នាំ២០២៣ វេលាម៉ោង ប្រមាណ ១:៣០’ រសៀល គឺមានក្រុមចោរប្រុស ចំនួន០៣នាក់ បានលួចដឹកនាំសត្វគោរបស់ប្រជាពលរដ្ឋរស់នៅក្នុងក្រុមទី ១៥ ភូមិដង្គត់ ឃុំស្ដៅ ស្រុករតនមណ្ឌល ខេត្តបាត់ដំបង។
លោកមេភូមិបានឲ្យដឹងថាសត្វគោ ចំនួន ០៦ក្បាល ដែលម្ចាស់ចងអោយស៊ីស្មៅ តែត្រូវក្រុមចោរដឹកចូលក្នុងចម្ការមៀន នៅជាប់នឹងផ្លូវកៅស៊ូ រួចរាល់ហើយ ពួកវាបានបើកឡានតូរីសពណ៌ស ពាក់ស្លាកលេខ បាត់ដំបង 2A-7546 ចម្ងាយប្រមាណ៥០ម ដើម្បីដេញគោទាំងអស់បញ្ចូលក្នុងឡានដឹកបំរ៉ុងចេញទៅ តែចៃដន្យចំពេលម្ចាស់គោកំពុងតែដើររកគោ បានជួបក្រុមចោរម្នាក់ដែលឈរ យាមនៅ ច្រកចូល ម្ចាស់គោក៏បានសួរវាថាមានឃើញគោរគាត់ទេ ក្រុមចោរឆ្លើយថាគោដើរទៅលិចហើយ ក្នុងពេលដំណាលគ្នានោះ សត្វគោឮសូរសំឡេងម៉ាស៊ីនម៉ូតូម្ចាស់ ស្ដាប់ស្គាល់ ក៏បានអើតក រត់ចេញពីព្រៃបង្ហាញខ្លួនឲ្យម្ចាស់ឃើញ ខណះនោះ ម្ចាស់គោ០២នាក់ ប្ដីប្រពន្ធបានស្រែកឆោឡោឡើង ឲ្យបងប្អូនដែលកំពុងធ្វើដំណើរតាមផ្លូវជួយចាប់ចោរផង និងបានទូរស័ព្ទទៅរកកម្លាំង មានសមត្ថកិច្ចឲ្យជួយអន្តរាគមន៍ ឃើញសភាពការណ៍បែបនេះ ក្រុមចោរដែលឈរយាមផ្លូវម្នាក់និងម្នាក់ទៀតបានលោតចុះពីឡានរត់ចូលព្រៃបាត់ នៅសល់តៃកុងឡានម្នាក់ឯង ខំថយឡានពីក្នុងព្រៃយ៉ាងលឿនបំរ៉ុងរត់ តែជ្រុលឆ្លងទៅម្ខាងផ្លូវកៅស៊ូធ្លាក់ក្នុងប្រព័ន្ធប្រឡាយផ្លូវ មកមុខវិញមិនរួច ក៏ត្រូវបានប្រជាពលរដ្ឋ រួបរួមគ្នា ចាប់បាន ។ បន្តិចក្រោយមក កម្លាំងមានសមត្ថកិច្ច នគបាល ប៉ុស្តិ៍នគរបាលរដ្ឋបាលស្ដៅ និង កម្លាំងអធិការដ្ឋានស្រុករតនមណ្ឌល មកធ្វើអន្តរាគមន៍ នាំយកចោរម្នាក់ ឡាន១គ្រឿង ព្រមទាំងឱ្យម្ចាស់សត្វគោ ទៅដាក់ពាក្យបណ្តឹង រួចរាល់ … ៕