(ខេត្តស្ទឹងត្រែង)÷ នៅថ្ងៃទី 27 ខែ កុម្ភៈ ឆ្នាំ 2024ក្រុមបងប្អូនសារព័ត៌មានជាច្រើនអង្គភាពបានចុះមកយកព័ត៌មាននៅសកម្មភាពឈ្មួញចូលឈូសឆាយដីព្រៃនៅចំណុច ភូមិតាទ្បាត ឃុំតាទ្បាត ស្រុកសេសាន ខេត្តស្ទឹងត្រែង ចប់ព្រុំប្រទល់ ភូមិស្រែ.គ.ឃុំស្រែ.គ.ក្រោមការគ្រប់គ្រងរបស់ មេឃុំតាឡាត និង ក្រោមការគ្រប់គ្រងរបស់ មេឃុំស្រែ.គរ .មេឃុំ ជឿន គឺជាអ្នកបើកដៃឱ្យនាំយក ត្រាក់ទ័រ ចូលឈូសឆាយដីព្រៃដីរបស់រដ្ឋយ៉ាងរំភើយនៅចំណុចទីតាំង ភូមិ ឃុំ ខាងលើប៉ុន្តែដីនោះគឺមានពីរទីតាំងផ្សេងៗគ្នា រីឯទីតាំងទី 1 នៅ ឃុំស្រែ.គរ .ស្រុកសេសាន ខេត្តស្ទឹងត្រែង រីឯចំណុចទី 2 នៅ ឃុំតាឡាត ស្រុកសេសាន្តខេត្តស្ទឹងត្រែង
តើបុគ្គលទាំងនោះមានអំណាចធំប៉ុណ្ណាទៅទើបហ៊ាននាំយក ត្រាក់ទ័រ ឈូសឆាយដីព្រៃដីរបស់រដ្ឋយកមកធ្វើជាកម្មសិទ្ធិនិងលក់ដូរ ប៉ុណ្ណឹងហើយនៅតែមិនឃើញមានមន្ត្រីជំនាញណាមួយចុះបង្ក្រាប់បុគ្គលទាំងនោះឬក៏អ្នកទាំងនោះចេះបំបាំងកាយទើបបង្ក្រាប់មិនបានបែបនេះ
ជាក់ស្ដែងគេសង្កេតឃើញថាបន្ទាប់ពីរមានបណ្ដាញផ្សព្វផ្សាយព័ត៌មានក្នុងស្រុកមួយចំនួន បានធ្វើការផ្សព្វផ្សាយអំពីសកម្មភាពរបស់បុគ្គលដែលបានលួចឈូសឆាយរុករានទន្ទ្រានយកដីព្រៃរបស់រដ្ឋយ៉ាងអាណាធិបតេយ្យកន្លងមកពលរដ្ឋរងចាំមើលថាតើមន្ត្រីបរិស្ថាន ខេត្ត និង អាជ្ញាធរ ភូមិ ឃុំ ខាងលើអាចធ្វើការបង្ក្រាបមេខ្លោងនាំយក ត្រាក់ទ័រ ឈូសឆាយដីព្រៃនិងលក់ដីព្រៃដីរបស់រដ្ឋបានដែរឬទេ? ឬក៏ខ្លាចអំណាចទើបមិនបង្ក្រាបបែបនេះ។
មហាជនដែលមិនសូវយល់អំពីផ្លូវច្បាប់បានដាក់ជាសំណួសួរទៅមន្ត្រីជំនាញ ខេត្តស្ទឹងត្រែង ថាតើអ្នកកាប់បំផ្លាញព្រៃឈើ និង នាំយក ត្រាក់ទ័រ ឈូសឆាយដីព្រៃ រុក រាន ទន្ទ្រានយក ដីព្រៃដែលជាសម្បត្តិរបស់រដ្ឋ រាប់សិបហិចតាមកធ្វើជាកម្មសិទ្ធិ និងលក់ដូរយ៉ាងអាណាធិបតេយ្យបែបនេះតើអាចមានទោសដែរឬទេឬក៏ពួកគេទាំងនោះមានខ្សែអ្នកធំនៅពីក្រោយខ្នងទើបមិនមានទោសបែបនេះ។
ជាចុងក្រោយបងប្អូនប្រជាពលរដ្ឋសំណូមពរដល់ ឯកឧត្តម ស្វាយ សំអ៊ាង អភិបាលនៃគណៈអភិបាល ខេត្តស្ទឹងត្រែង និង លោកស្រេង ជា ហេង ប្រធានមន្ទីរបរិស្ថាន ខេត្ត មេត្តាជួយមានវិធានការទៅលើបុគ្គលកាប់បំផ្លាញព្រៃឈើទាំងអស់នោះផងកុំបណ្ដោយឲ្យកាប់បំផ្លាញព្រៃឈើបែបនេះ។
ពីព្រោះពួកគាត់លក់ដីព្រៃឈូសឆាយដីព្រៃ រាប់សិបហិចតា យ៉ាងរំភើយប៉ុណ្ណឹងហើយនៅតែមិនដែលឃើញមន្ត្រីជំនាញណាបង្ក្រាបអ្នកទាំងនោះបានម្ដងណាឡើយប្រហែលជាដីព្រៃរបស់រដ្ឋ ដែលនៅសេសសល់ក្នុង ខេត្តស្ទឹងត្រែង ច្បាស់ជាហិនហោចក្នុងពេលដ៏ខ្លីខាងមុខនេះជាក់ជាពុំខាន ។
ជុំវិញនៃការផ្សព្វផ្សាយព័ត៌មានខាងលើនេះ ប្រសិនបើសមីជនណា គិតថាជាព័ត៌មាន មិនពិត មិនសុក្រឹត និងយុត្តិធម៌សម្រាប់ខ្លួនទេនោះ អង្គភាពយើងខ្ញុំរង់ចាំទទួលស្វាគមន៍ ក្នុងការបកស្រាយជូន រៀងរាល់ម៉ោងធ្វើការ។