ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
​ឯកឧត្តម រ័ត្ន ស្រ៊ាង សូម​ផ្ញើ​សារ​រំលែក​ទុក្ខ ថ្វាយ​សម្តេច​ព្រះ​សង្ឃនាយក គណៈមហានិកាយ នៃ​ព្រះរាជាណាចក្រ​កម្ពុជា ចំពោះ​ការយាង​ចូល​ព្រះ​ទិវង្គត​របស់ សម្ដេចព្រះ​អគ្គ​មហា​សង្ឃ​រាជាធិបតី ទេព វង្ស​ ==> កម្លាំង​កងរាជអាវុធហត្ថ​រាជធានី​ភ្នំពេញ​តាម​បណ្តា​ខណ្ឌ​ទាំង​១៤ បាន​ធ្វើ​ការផ្លាស់ប្តូរ​គ្នា ហ្វឹកហាត់​បំប៉ន​ជាប្រចាំ​ ==> រដ្ឋបាលខេត្តពោធិ៍សាត់ ប្រកាសព័ត៌មានច្រានចោលការចុះផ្សាយតាមបណ្តាញសង្គម ពាក់ព័ន្ធការរស់នៅរបស់ប្រជាពលរដ្ឋនៅឃុំកំពង់លួង ==> មន្ទីរអប់រំ យុវជន និងកីឡាខេត្តប៉ៃលិន បើកការប្រកួតកីឡាសិស្សបឋមសិក្សា និងមធ្យមសិក្សាជ្រើសរើសជើងឯងថ្នាក់ខេត្ត ប្រចាំឆ្នាំ២០២៣-២០២៤ ==> គណៈកម្មការរៀបចំបុណ្យជាតិ និងអន្តរជាតិខេត្តប៉ៃលិន ប្រជុំត្រៀមរៀបចំធ្វើសង្រ្កាន្តឆ្នាំថ្មី ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ នាពេលខាងមុខ ==> តើអាជ្ញាធរពាក់ព័ន្ធ ឃុំតាឡាត និង ឃុំស្រែគរ បានដឹងរឿងឈូសឆាយដីព្រៃនេះដែរឬទេពីព្រោះមានបុគ្គលមួយចំនួនតូចកំពុងនាំយក ត្រាក់ទ័រ ចូលឈូសឆាយដីព្រៃយ៉ាងអនាធិបតេយ្យនៅចំណុចបួនទីតាំងផ្សេងៗគ្នា រីឯចំណុចទីមួយនៅ ឃុំតាឡាត រីឯចំណុចទី 2 នៅ ឃុំស្រែគរ តើអាជ្ញាធរ ភូមិ ឃុំ ទាំងពីរអាចធ្វើការបង្ក្រាបបុគ្គលខាងលើបានដែរឬទេឬ? ឬក៏ខ្លាចអំណាចទើបមិនហ៊ានបង្ក្រាបបែបនេះ ==> លោកឧត្តមសេនីយ៍ទោ សិទ្ធិ ឡោះ បានចាត់តំណាងនាំយក ថវិកា អង្ករ មុី ទឹកសុទ្ធ ទឹកក្រូច ទៅប្រគល់ជូនអតីតគ្រូបង្ហាត់កីឡាប្រដាល់សេរីម្នាក់ កំពុងធ្លាក់ខ្លួនឈឺ និង មានជីវភាពខ្វះខាត ==> សម្តេច ម៉ែន សំអន អញ្ជើញ​សម្ពោធ​ដាក់ឱ្យ​ប្រើប្រាស់​ជា​ផ្លូវការ​ស្តូប មិត្តភាព​កម្ពុជា​-​វៀតណាម​ខេត្ត​ស្វាយរៀង​ ==> ​ក្រសួង​កសិកម្ម​៖ មនុស្ស ៣១​នាក់​ត្រូវបាន​តុលាការ​សម្រេច​ឃុំខ្លួន ករណី​បង្ក្រាប​បទល្មើស​នេសាទ តាម​បណ្តា​ខេត្ត​ជាប់​បឹង​ទន្លេសាប រយៈពេល​ជិត​២​ឆ្នាំ​ ==> អភិបាល​ខេត្ត​ព្រះវិហារ ណែនាំ​ឲ្យ​អាជ្ញាធរ និង​មន្ត្រី ចូលរួម​សហការ​ជាមួយ​គម្រោង​របស់​អង្គការ​ទស្សនៈ​ពិភពលោក ដើម្បី​ទទួលបាន​ជោគជ័យ​
0

សម្តេច​ក្រឡាហោម ស ខេង បើក​យុទ្ធនាការ​ឃោសនា​បោះឆ្នោត​ជ្រើសតាំង​សមាជិក​ព្រឹទ្ធសភា នីតិកាល​ទី​៥ នៅ​ខេត្ត​បាត់ដំបង​

សម្តេច​ក្រឡាហោម ស ខេង បើក​យុទ្ធនាការ​ឃោសនា​បោះឆ្នោត​ជ្រើសតាំង​សមាជិក​ព្រឹទ្ធសភា នីតិកាល​ទី​៥ នៅ​ខេត្ត​បាត់ដំបង​

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

(​បាត់ដំបង​)៖ សម្តេច​ក្រឡាហោម ស ខេង អនុប្រធាន​គណបក្ស​ប្រជាជន​កម្ពុជា និង​ជា​ប្រធាន​ក្រុមការងារ​បក្ស​ចុះ​មូលដ្ឋាន​ខេត្ត​បាត់ដំបង នា​ព្រឹក​ថ្ងៃទី​១០ ខែ​កុម្ភៈ ឆ្នាំ​២០២៤​នេះ បាន​ប្រកាស​បើក​យុទ្ធនាការ​ឃោសនា​បោះឆ្នោត​ជ្រើសតាំង​សមាជិក​ព្រឹទ្ធសភា នីតិកាល​ទី​៥ ឆ្នាំ​២០២៤ នៅ​ខេត្ត​បាត់ដំបង​។​

​ពិធី​បើក​យុទ្ធនាការ​ឃោសនា​នេះ​ក៏​មាន​ការចូលរួម​ពី​លោក កើត រិទ្ធ សមាជិក​គណ​:​អចិន្ត្រៃយ៍​នៃ​សមាជិក​គណ​:​កម្មា​ធិ​ការ​កណ្តាល​គណបក្ស​ប្រ​ជា​ជន​កម្ពុជា​និង​ជា​អនុប្រធាន​ទី​១​ចុះ​មូលដ្ឋាន​ខេត្ត​, លោក សក់ សេដ្ឋា សមាជិក​គណ​:​កម្មា​ធិ​ការ​កណ្តាល​គណបក្ស​ប្រ​ជា​ជនកម្ពុជា និង​ជា អនុប្រធាន​ទី​១​ក្រុមការងារ​បក្ស​ចុះ​មូលដ្ឋាន​ខេត្ត​,​និង​មាន​ការចូលរួម​ពី​សមាជិក​សមាជិកា​រដ្ឋ​សភា និង​អង្គ​បោះឆ្នោត និង​អ្នកពាក់ព័ន្ធ​ចូលរួម​ទូទាំង​ខេត្ត​ចំនួន​២,០៩៦​នាក់​។​

​ការ​បើ​យុទ្ធនាការ​ឃោសនា​បោះឆ្នោត​នេះ​មាន​ការចូលរួម​ពី​លោក សុខ លូ សមាជិក​គណ​:​កម្មា​ធិ​ការ​កណ្តាល​គណបក្ស​ប្រ​ជា​ជនកម្ពុជា និង​ជា​ប្រធាន​គណៈកម្មាធិការ​គណបក្ស​ប្រជាជន​កម្ពុជា​ខេត្ត​បាត់ដំបង សមាជិក​គណៈកម្មាធិកា​រ​គណបក្ស ក្រុង ស្រុក លោក លោកស្រី ក្រុមប្រឹក្សា​សង្កាត់​នៅ​ទូទាំង​ខេត្ត​បាត់ដំបង​។​

​នា​ឱកាស​នោះ​ដែរ សម្តេច​ក្រឡាហោម ស ខេង បាន​ថ្លែងថា យុទ្ធនាការ​ឃោសនា​នេះ​មាន​រយៈពេល​១៤​ថ្ងៃ គឺ​ពី​ថ្ងៃ​ទី​១០ ខែ​កុម្ភៈ ដល់​ថ្ងៃ​ទី​២៣ ខែ​កុម្ភៈ ឆ្នាំ​២០២៤ ដែល​ជា​ឱកាស​ឱ្យ​បេក្ខជន​ព្រឹទ្ធសភា​របស់​គណបក្ស​បាន​ជួប​ផ្ទាល់​ជាមួយ​អង្គ​បោះឆ្នោត ដើម្បី​ផ្សព្វផ្សាយ អំពី​គោលការណ៍​ចម្បង​សម្រាប់​នីតិកាល​ទី​៥ នៃ​ព្រឹទ្ធសភា​ឱ្យបាន​ទូលំទូលាយ ស៊ីជម្រៅ និង​ផ្សព្វផ្សាយ​លេខ​រៀង និង​រូប​សញ្ញា​របស់​គណបក្ស​លើ​សន្លឹកឆ្នោត​តាម​ការិយាល័យ​បោះឆ្នោត និង​ណែនាំ​អំពី​របៀប​គូស​សន្លឹកឆ្នោត​ដល់​អង្គ​បោះឆ្នោត​ទាំងអស់ សំដៅ​ដណ្ដើម​ប្រៀប​ឈ្នះ​ក្នុង​ការបោះឆ្នោត​ជ្រើសតាំង​សមាជិក​ព្រឹទ្ធសភា នីតិកាល​ទី​៥ នា​ថ្ងៃ​ទី​២៥ ខែ​កុម្ភៈ​២០២៤ ខាងមុខនេះ​។​

​នៅក្នុង​ឱកាស​នេះ សម្តេច​ក្រឡាហោម​អនុប្រធាន​គណបក្ស​បាន​ថ្លែងអំណរគុណ​ដល់​គណៈកម្មាធិកា​រ គណបក្ស​ខេត្ត គណបក្ស​ក្រុង ស្រុក លោក លោកស្រី​ក្រុមប្រឹក្សា សង្កាត់​នៅ​ទូទាំង​ខេត្ត​បាត់ដំបង ដែល​បាន​ខិតខំ​សម្រេច​បាន​សមិទ្ធផល​យ៉ាង​ច្រើន​នៅ​ទូទាំង​ខេត្ត ក្នុងនោះ​ការអនុវត្ត​គោលនយោបាយ អភិវឌ្ឍន៍​ឃុំ សង្កាត់ ឆ្នាំ​២០២២-២០២៧ បម្រើឱ្យ​ផលប្រយោជន៍​របស់​ប្រជាជន និង​សង្គមជាតិ​ពិតប្រាកដ ដែល​នេះ​គឺជា​មូលដ្ឋាន​សម្រាប់​ឱ្យ​គណបក្ស​ឈាន​ទៅ​អនុវត្ត​យុទ្ធសាស្ត្រ​បញ្ជ​កោណ​ដំណាក់កាល​ទី​១​នៃ​រាជរដ្ឋាភិបាល​អាណត្តិ​ទី​៧​ដឹក​ដោយ​សម្ដេច​ធិបតី ហ៊ុន ម៉ា​ណែ​ត ជា​នាយករដ្ឋមន្ត្រី ដែល​មាន​បាវចនា ចំនួន​៥​គឺ «​កំណើន ការងារ សមធម៌ ប្រសិទ្ធិភាព និង​ចីរភាព និង​មាន​អាទិភាព គន្លឹះ​ចំនួន​៥​គឺ «​មនុស្ស ផ្លូវ ទឹក ភ្លើង និង បច្ចេកវិទ្យា​» ដែល​ជា​គ្រឹះ និង​ជា​មធ្យោបាយ​សំខាន់ៗ​នៃ​ការសម្រេច​បាន​នូវ​ចក្ខុវិស័យ​ឆ្នាំ​២០៥០៕

 

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.