បន្ទាយមានជ័យ: នៅព្រឹកថ្ងៃទី ៣១ ខែ ឧសភា ឆ្នាំ២០២៣ គណ:កម្មាធិការគណបក្សមូលដ្ឋាន ខ២៧ សាខាខេត្តបន្ទាយមានជ័យ បានបើកកិច្ចប្រជុំត្រួតពិនិត្យផែនការឆ្ពោះទៅកាន់ការបោះឆ្នោតជ្រើសរើសតំណាងរាស្ត្រ នីតិកាលទី ៧ នៅទីស្នាក់ការគណបក្សខ ២៧ និងដាក់ទិសដៅអនុវត្ត របស់ក្រុមការងារ ខ២៧ ដើម្បីត្រៀមការបោះឆ្នោតអាណត្តិទី៧ ឆ្នាំ២០២៣ ខាងមុខ។

ពិធីនេះត្រូវបានប្រារពធ្វើឡើងក្រោមអធិបតីភាពឯកឧត្តម ឈើយ ចាន់ណា ប្រធានគណៈបញ្ជាការ យុទ្ឋនាការឃោសនាបោះឆ្នោត លោក សិទ្ធិ ឡោះ សមាជិកអចិន្ត្រៃយ៍គណៈកម្មាធិការគណបក្សខេត្ត និងជាប្រធានក្រុមការងារចុះជួយស្រុកស្វាយចេក លោក លឿង សុភ័ក្តិ ប្រធានគណៈកម្មាធិការគណបក្សស្រុកស្វាយចេក ,លោក ដា តឹង ប្រធានក្រុមប្រឹក្សាស្រុក លោក ហ៊ុយ ឡេង លោក ហង្ស សំអន និងមានការចូលរួមពីប្រធាន អនុប្រធាន ក្រុមការងារ ចុះជួយទាំងឃុំ ៨ លោកមេឃុំ លោកមេភូមិ សមាជិក សមាជិការ បក្សជាច្រើនរូប ។

លោក សិទ្ធិ ឡោះ សមាជិកអចិន្ត្រៃយ៍គណៈកម្មាធិការគណបក្សខេត្ត និងជាប្រធានក្រុមការងារចុះជួយស្រុកស្វាយចេកបានដាក់ចេញគោលការណ៍ សំណូមពរ សម្រាប់អនុវត្តន៍ដូចត៏ទៅ :
១-ក្រុមការងារទាំងអស់ ត្រូវចុះចែកប័ណ្ណព័ត៌មាន ជូនចំពោះសមាជិក សមាជិការ នៅតាមខ្នងផ្ទះត្រូវគ្រប់គ្រងបញ្ជីឈ្មោះរបស់សមាជិក សមាជិការក្នុងឃុំភូមិ ឱ្យបានត្រូវត្រូវ និង រក្សាចាស់ បង្កើតថ្មី របស់សមាជិកបក្ស ក្នុងមូលដ្ឋាន ។
២-ក្រុមការងារទាំងអស់ត្រូវចុះបង្រៀនគូសសន្លឹកឆ្នោតដល់ សមាជិក សមាជិការ ហើយបង្រៀនចំពោះសមាជិក សមាជិការ ដែលមានឈ្មោះក្នុងបញ្ជីបោះឆ្នោត ។
៣-ក្រុមការងារទាំងអស់ត្រូវដោះស្រាយរាល់បញ្ហាប្រឈម របស់បងប្អូនប្រជាពលរដ្ឋ ជាពិសេស សេវាតម្រូវការខាង អត្តសញ្ញាណប័ណ តុត្តិយតា ខូច បាត់ -ល- ដើម្បីពន្លើនដល់បងប្អូនប្រជាពលរដ្ឋ ក្នុងការយកទៅប្រើប្រាស់ និងបម្រើប្រជាពលរដ្ឋដោយយកបេះដូងទៅប្រើជាមួយប្រជាពលរដ្ឋ ដើម្បីទទួលបានសម្លេងគាំទ្រនិងឈ្នះឆ្នោតនៅពេលខាងមុខបន្ត។
៤ក្រុមការងារទាំងអស់ត្រូអនុវត្តាមគោលនយោបាលរបស់បក្ស ត្រូវមានស្មារតីទទួលខុសត្រូវខ្ពស់ សាមគ្គីភាព ឯកភាពជាភ្លុងមួយ ដើម្បីជោគជ័យ និងសម្រេចគោលដៅនិងការបោះឆ្នោតឱ្យបាន ១០០% នាពេលខាងមុខ ។

បន្ទាប់ពីការប្រជុំចប់ គណអធិបតីក៏បាននាំយកអំណោយ ឯកឧត្តម ឧបនាយករដ្ឋមន្រ្តី កែ គឹមយ៉ាន ប្រធានក្រុមការងាររាជរដ្ឋាភិបាល ចុះជួយខេត្តបន្ទាយមានជ័យ និងលោកជំទាវ អគ្គមហាឧបាសិកាពុទ្ធសាសន៍រូបត្ថម្ភក៍ បណ្ឌិត ម៉ៅ ម៉ាល័យចែកជូនដល់សមាជិកបក្ស ចំនួន ៧១នាក់ ក្នុងម្នាក់ទទួលបានថវិកា ២ មុឺនរៀល ៕