ជនមិនស្គាល់មុខបាញ់ បាញ់រះក្នុងធនាគារ CIMB Bank ក្បែរអង់តែនទួលគោក បណ្ដាលឱ្យសន្ដិសុខម្នាក់រងបួសធ្ងន់
ភ្នំពេញ៖ យោងតាមសេចក្តីរាយការណ៍ពីប្រជាពលរដ្ឋឃេីញហេតុការណ៍ បានឱ្យដឹងនៅរសៀលថ្ងៃពុធទី០៧ ខែកញ្ញា ឆ្នាំ២០២២នេះថា៖ មានករណីផ្ទុះអាវុធជាច្រើនគ្រាប់ នៅក្នុងធនាគារ CIMB Bank ក្បែរអង់តែនទួលគោក បណ្ដាលឱ្យសន្ដិសុខម្នាក់រងបួសធ្ងន់ ហេីយត្រូវបានដឹកយកទៅសង្គ្រោះបន្ទាន់នៅឯមន្ទីរពេទ្យ។
ហេតុការណ៍ខាងលើនេះ បានកើតឡើងនៅថ្ងៃពុធទី០៧ ខែកញ្ញា ឆ្នាំ២០២២នេះ នៅក្នុងធនាគារ CIMB Bank ដែលស្ថិតនៅតាមបណ្ដោយផ្លូវ៥១៦ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។
យោងតាមប្រភពព័ត៌មានពីសន្តិសុខម្នាក់សុំមិនបញ្ចេញឈ្មោះបានប្រាប់ឲ្យដឹងថា នៅមុនពេលកើតហេតុមានបុរសម្នាក់ ដែលស្លៀកពាក់ជាអង្គរក្សបានពាក់មួកសុវត្ថិភាពចូលទៅក្នុងធនាគារ ពេលនោះសន្តិសុខបានហាមឃាត់បុរសខាងលើមិនអនុញ្ញាតឲ្យពាក់មួកសុវត្ថិភាពចូលទៅខាងក្នុងធនាគារឡើយ។
ដោយឲ្យបុរសដែលជាជនសង្ស័យខាងលើដោះមួកចេញយកមកទុកនៅខាងក្រៅ ភ្លាមៗនោះ ស្រាប់តែជនសង្ស័យបានដើរចូលទៅខាងក្នុងរួចបានដកកាំភ្លើងខ្លីចេញពីចង្កេះបាញ់សំដៅមកលើសន្តិសុខយាមនៅខាងក្នុងបណ្ដាលឲ្យរងរបួសធ្ងន់ ក្រោយពីបង្កហេតុជនសង្ស័យបានរត់គេចខ្លួនចេញពីកន្លែងកើតហេតុបាត់ស្រមោល៕
