ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
អធិការនគរបាលខណ្ឌឫស្សីកែវរៀបចំកម្លាំងល្បាតត្រួតពិនិត្យសភាពការណ៍និងបង្ការទប់ស្កាត់បទល្មើសក្រុមក្មេងទំនើងបង្កអុកឡុកធ្វើអោយបាត់បង់សណ្តាប់ធ្នាប់សាធារណៈក្នុងសង្គម ==> សម្ដេចក្រឡាហោម ស ខេង និងលោកស្រី បានអញ្ជើញចូលជួបសម្តែងការគួរសម និងគោរពជូនពរ សម្តេចអគ្គមហាពញាចក្រី ហេង សំរិន ប្រធានកិត្តិយសគណបក្សប្រជាជនកម្ពុជា និងជាប្រធានកិត្តិយសក្រុមឧត្តមប្រឹក្សាផ្ទាល់ព្រះមហាក្សត្រ ក្នុងឱកាសចម្រើនអាយុវឌ្ឍនៈមង្គល ==> លទ្ធផលបណ្តោះអាសន្ននៃការឆ្នោតជ្រើសរើសក្រុមប្រឹក្សាខេត្តអាណត្តិទី៤ ឆ្នាំ២០២៤ នៅខេត្តព្រះវិហារ ==> សូមអបអរសាទរ ! កុមារា ហ៊ុន ពេជមុន្នីរិទ្ធិសិដ្ឋ កូនប្រុសសម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ឡើងទទួលមេដាយមាសពីការប្រឡងគណិតវិទ្យានៅអាស៊ី ==> ឃាត់ខ្លួននាយករងសាលាបឋមសិក្សាថ្មពួក ដែលល្បួងសិស្សយកទៅរំលោភបាន ១៣ដង ជាថ្នូរ នឹងការដាក់ពិន្ទុឲ្យល្អ តែត្រូវបែកការណ៍ ==> ក្មេងទំនើង ២នាក់ ត្រូវកម្លាំងនគរបាលស្រុកគូលែន ខេត្តព្រះវិហារឃាត់ខ្លួន ក្រោយធ្វើសកម្មភាពយកដាវបម្រុងចាក់អ្នកដំណើរតាមផ្លូវ ==> បុណ្យផ្ការស្មីមហាសាមគ្គីវត្តអង្គវង្សពិសី(ហៅវត្តបាក្រុង)ស្ថិតនៅភូមិបាក្រុងឃុំ ស្វាយចេក ស្រុក រំដួល ខេត្ត ស្វាយរៀង ==> លទ្ធផលបណ្តោះអាសន្ននៃការបោះឆ្នោតជ្រើសរើសក្រុមប្រឹក្សា អាណត្តិទី៤ នៅខេត្តបៃលិន គណបក្សប្រជាជនទទួលបាន ៤៧សំឡេង ==> កងរាជអាវុធហត្ថខេត្តបន្ទាយមានជ័យ បញ្ជូនក្មេងទំនេីង៤នាក់ ទៅសាលាដំបូងខេត្តអនុវត្តតាមនីតិវិធី ពាក់ព័ន្ធករណីហិង្សាដោយចេតនាស្ថានទម្ងន់ទោស... ==> ឧត្តមសេនីយ៍ទោ សិទ្ធិ ឡោះ នាំយកអំណោយរបស់ឧបនាយករដ្ឋមន្រ្តី ស សុខា និងលោកជំទាវ ប្រគល់ជូនដល់កុមារកំព្រា វិសាខានៃក្តីសង្ឃឹម
0

ទេសរដ្ឋមន្ត្រី ស៊ុន ចាន់ថុល ស្នើមន្ត្រីធ្វើជាគំរូនៃការគោរពច្បាប់ចរាចរណ៍ 

ទេសរដ្ឋមន្ត្រី ស៊ុន ចាន់ថុល ស្នើមន្ត្រីធ្វើជាគំរូនៃការគោរពច្បាប់ចរាចរណ៍ 

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

 

(ភ្នំពេញ)៖ អត្រាគ្រោះថ្នាក់ចរាចរណ៍នៅតែស្ថិតក្នុងអត្រាខ្ពស់គួរឱ្យព្រួយបារម្ភ ដែលកើតចេញពីការបើកបរដោយមិនបានគោរពច្បាប់ចរាចរណ៍។ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានស្នើដល់មន្ត្រីរាជការទាំងអស់ ឱ្យធ្វើជាគំរូគោរពច្បាប់ចរាចរណ៍ គំរូក្នុងការបើកបរ និងជួយអប់រំសាច់ញាតិ ដើម្បីឆ្ពោះទៅការកាត់បន្ថយអត្រាគ្រោះថ្នាក់ចរាចរណ៍។

ការអំពាវនាវរបស់លោកទេសរដ្ឋមន្ត្រី ស៊ុន ចាន់ថុល បានធ្វើឡើងក្នុងពិធីសំណេះសំណាល និងប្រគល់មួកសុវត្ថិភាពជាងមួយពាន់មួកជូនមន្ត្រីរាជការក្រសួងសាធារណការ និងដឹកជញ្ជូន ដែលធ្វើដំណើរដោយម៉ូតូ។

ក្នុងពិធីនេះលោកស្រី មឹន មាណវី រដ្ឋលេខាធិការ ក្រសួង សាធារណការ និង ដឹកជញ្ជូន និងជាអគ្គលេខាធិការ គណៈកម្មាធិការជាតិ សុវត្ថិភាពចរាចរណ៍ផ្លូវគោក បានគូសបញ្ជាក់ថា គ្រោះថ្នាក់ចរាចរណ៍បានកើតឡើងគួរឱ្យព្រួយបារម្ភ បន្ទាប់ពីរាជរដ្ឋាភិបាលបើកប្រទេសឡើងវិញក្រោយវិបត្តិជំងឺកូវីដ១៩។

លោកស្រី បានគូសបញ្ជាក់ថា ក្នុងអត្រាគ្រោះថ្នាក់ចរាចរណ៍ ១០០ករណី មានអ្នកជិះម៉ូតូ ៧០ភាគរយ ហើយអ្នកអត់ពាក់មួកសុវត្ថិភាពរហូតដល់ទៅ ៧៥ករណី។ មូលហេតុដែលនាំឱ្យកើតគ្រោះថ្នាក់ចរាចរណ៍ គឺបណ្តាលមកពីការបើកបរលើសល្បឿនកំណត់ ការមិនគោរពសិទ្ធិអាទិភាព ការបត់ និងវ៉ាជែងដោយប្រថុយប្រថាន ការមិនប្រកាន់ស្តាំ ស្រវឹង បច្ចេកទេសយានយន្ត និងងងុយ។

ដោយយោងទៅតាមការសិក្សារបស់អង្គការដៃគូអភិវឌ្ឍន៍ លោកទេសរដ្ឋមន្ត្រី ស៊ុន ចាន់ថុល បានឱ្យដឹងថា បច្ចុប្បន្នការខាតបង់របស់កម្ពុជាដោយសារគ្រោះថ្នាក់ចរាចរណ៍បានកើនចន្លោះពី ៤២០ ទៅ៤៥០លានដុល្លារអាមេរិកក្នុងមួយឆ្នាំ។

ដើម្បីចូលរួមកាត់បន្ថយអត្រាគ្រោះថ្នាក់ចរាចរណ៍ កាត់បន្ថយសោកនាដកម្មលើដងវិថី លោកទេសរដ្ឋមន្ត្រី ស៊ុន ចាន់ថុល បានអំពាវនាវដល់មន្ត្រីរាជការទាំងអស់ ជាពិសេសមន្ត្រីរបស់ក្រសួងសាធារណការ និងដឹកជញ្ជូន ត្រូវធ្វើជាគំរូ នៃការគោរពច្បាប់ចរាចរណ៍ ហើយជួយអប់រំបន្ថែមទៅដល់ក្រុមគ្រួសារសាច់ញាតិ និងមិត្តភក្តិ ឱ្យរួមគ្នាគោរពច្បាប់ចរាចរណ៍។

លោកទេសរដ្ឋមន្ត្រី បានអំពាវនាវដូច្នេះ «សូមមេត្តាចូលរួម ហើយធ្វើជាគំរូដល់ប្រជាពលរដ្ឋយើង។ បើយើងជិះម៉ូតូ យើងជាមន្ត្រីក្រសួងសាធារណការ និងដឹកជញ្ជូន អ្នកតាក់តែងច្បាប់ត្រូវតែគោរពច្បាប់។ ជាពិសេសរថយន្តយើងនេះផ្លាកលេខ២៥ អ្នកកាសែតចូលចិត្តណាស់ថត ឱ្យតែឃើញផ្លាកលេខ២៥ថតហើយ ២៥ហ្នឹងរបស់ក្រសួងសាធារណការ និងដឹកជញ្ជូន។ គាត់បង្ហោះហើយថា មើលអ្នកធ្វើច្បាប់មិនគោរពច្បាប់»។

លោកទេសរដ្ឋមន្ត្រី ក៏បានអំពាវនាវដល់ថ្នាក់ដឹកនាំក្រសួងសាធារណការ និងដឹកជញ្ជូន ត្រូវណែនាំដល់អ្នកបើករថយន្តរបស់ខ្លួន ឱ្យគោរពច្បាប់ចរាចរណ៍ និងប្រយ័ត្នប្រយែងខ្ពស់បំផុតលើការបើកបរ ដើម្បីជាគំរូសម្រាប់ប្រជាពលរដ្ឋ។

របាយការណ៍បានបង្ហាញថា ពេញមួយឆ្នាំ២០២១ គ្រោះថ្នាក់ចរាចរណ៍កើតមាន ២,៦៧០លើក។ គ្រោះថ្នាក់នេះថយចុះប្រមាណ ១៦ភាគរយ បើប្រៀបធៀបនឹងឆ្នាំ២០២០ ដែលមានចំនួន ៣,១៧៦លើក។

ក្នងនោះ អ្នកស្លាប់បាត់បង់ជីវិតមានចំនួន ១,៤៩៧នាក់ ថយចុះប្រមាណ ៩ភាគរយ បើប្រៀបធៀបនឹងឆ្នាំ២០២០ ដែលមានអ្នកស្លាប់ចំនួន ១,៦៤៦នាក់។ ចំណែកអ្នករងរបួសមានចំនួន ៣,៦១៥នាក់ គឺមានការថយចុះ ១, ០៧១នាក់ ស្មើនឹង ២៣ភាគរយ បើប្រៀបធៀបនឹងឆ្នាំ២០២០ ដែលមានអ្នករងរបួសរហូតដល់ ៤,៦៨៦នាក់៕

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.