ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
​ឯកឧត្តម រ័ត្ន ស្រ៊ាង សូម​ផ្ញើ​សារ​រំលែក​ទុក្ខ ថ្វាយ​សម្តេច​ព្រះ​សង្ឃនាយក គណៈមហានិកាយ នៃ​ព្រះរាជាណាចក្រ​កម្ពុជា ចំពោះ​ការយាង​ចូល​ព្រះ​ទិវង្គត​របស់ សម្ដេចព្រះ​អគ្គ​មហា​សង្ឃ​រាជាធិបតី ទេព វង្ស​ ==> កម្លាំង​កងរាជអាវុធហត្ថ​រាជធានី​ភ្នំពេញ​តាម​បណ្តា​ខណ្ឌ​ទាំង​១៤ បាន​ធ្វើ​ការផ្លាស់ប្តូរ​គ្នា ហ្វឹកហាត់​បំប៉ន​ជាប្រចាំ​ ==> រដ្ឋបាលខេត្តពោធិ៍សាត់ ប្រកាសព័ត៌មានច្រានចោលការចុះផ្សាយតាមបណ្តាញសង្គម ពាក់ព័ន្ធការរស់នៅរបស់ប្រជាពលរដ្ឋនៅឃុំកំពង់លួង ==> មន្ទីរអប់រំ យុវជន និងកីឡាខេត្តប៉ៃលិន បើកការប្រកួតកីឡាសិស្សបឋមសិក្សា និងមធ្យមសិក្សាជ្រើសរើសជើងឯងថ្នាក់ខេត្ត ប្រចាំឆ្នាំ២០២៣-២០២៤ ==> គណៈកម្មការរៀបចំបុណ្យជាតិ និងអន្តរជាតិខេត្តប៉ៃលិន ប្រជុំត្រៀមរៀបចំធ្វើសង្រ្កាន្តឆ្នាំថ្មី ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ នាពេលខាងមុខ ==> តើអាជ្ញាធរពាក់ព័ន្ធ ឃុំតាឡាត និង ឃុំស្រែគរ បានដឹងរឿងឈូសឆាយដីព្រៃនេះដែរឬទេពីព្រោះមានបុគ្គលមួយចំនួនតូចកំពុងនាំយក ត្រាក់ទ័រ ចូលឈូសឆាយដីព្រៃយ៉ាងអនាធិបតេយ្យនៅចំណុចបួនទីតាំងផ្សេងៗគ្នា រីឯចំណុចទីមួយនៅ ឃុំតាឡាត រីឯចំណុចទី 2 នៅ ឃុំស្រែគរ តើអាជ្ញាធរ ភូមិ ឃុំ ទាំងពីរអាចធ្វើការបង្ក្រាបបុគ្គលខាងលើបានដែរឬទេឬ? ឬក៏ខ្លាចអំណាចទើបមិនហ៊ានបង្ក្រាបបែបនេះ ==> លោកឧត្តមសេនីយ៍ទោ សិទ្ធិ ឡោះ បានចាត់តំណាងនាំយក ថវិកា អង្ករ មុី ទឹកសុទ្ធ ទឹកក្រូច ទៅប្រគល់ជូនអតីតគ្រូបង្ហាត់កីឡាប្រដាល់សេរីម្នាក់ កំពុងធ្លាក់ខ្លួនឈឺ និង មានជីវភាពខ្វះខាត ==> សម្តេច ម៉ែន សំអន អញ្ជើញ​សម្ពោធ​ដាក់ឱ្យ​ប្រើប្រាស់​ជា​ផ្លូវការ​ស្តូប មិត្តភាព​កម្ពុជា​-​វៀតណាម​ខេត្ត​ស្វាយរៀង​ ==> ​ក្រសួង​កសិកម្ម​៖ មនុស្ស ៣១​នាក់​ត្រូវបាន​តុលាការ​សម្រេច​ឃុំខ្លួន ករណី​បង្ក្រាប​បទល្មើស​នេសាទ តាម​បណ្តា​ខេត្ត​ជាប់​បឹង​ទន្លេសាប រយៈពេល​ជិត​២​ឆ្នាំ​ ==> អភិបាល​ខេត្ត​ព្រះវិហារ ណែនាំ​ឲ្យ​អាជ្ញាធរ និង​មន្ត្រី ចូលរួម​សហការ​ជាមួយ​គម្រោង​របស់​អង្គការ​ទស្សនៈ​ពិភពលោក ដើម្បី​ទទួលបាន​ជោគជ័យ​
0

ផ្លូវបេតុងអាមេ នៅភូមិកែវក្រសាំង ត្រូវបានសម្ពោធដាក់ឱ្យប្រេីប្រាស់ជាផ្លូវការនៅថ្ងៃនេះ

ផ្លូវបេតុងអាមេ នៅភូមិកែវក្រសាំង ត្រូវបានសម្ពោធដាក់ឱ្យប្រេីប្រាស់ជាផ្លូវការនៅថ្ងៃនេះ

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

ផ្លូវបេតុងអាមេ នៅភូមិកែវក្រសាំង ត្រូវបានសម្ពោធដាក់ឱ្យប្រេីប្រាស់ជាផ្លូវការនៅថ្ងៃនេះ

(ខេត្តកែប)៖ ផ្លូវបេតុងអាមេ១ខ្សែដែលមានប្រវែង១២៥០ម៉ែត្រ ស្ថិតក្នុងភូមិកែវក្រសាំង សង្កាត់កែប ក្រុង/ខេត្តកែប ត្រូវបានសម្ពោធដាក់ឱ្យប្រើប្រាស់ជាផ្លូវការ នៅរសៀលថ្ងៃទី១០ ខែមករា ឆ្នាំ២០២២ ក្រោមអធិបតីភាព ឯកឧត្តម​កិត្តិសេដ្ឋាបណ្ឌិត​ ចម ប្រសិទ្ធ ទេសរដ្ឋមន្ត្រីរដ្ឋមន្ត្រីក្រសួងឧស្សាហកម្ម​ វិទ្យាសាស្ត្រ​ បច្ចេកវិទ្យា​ និងនវានុវត្តន៍​។ ពិធីនេះក៏មានការអញ្ជើញចូលរួមផងដែរពីសំណាក់ ឯកឧត្តម សំ សារីន ប្រធានក្រុមប្រឹក្សាខេត្តកែប ឯកឧត្តម សោម ពិសិដ្ឋ អភិបាល​ នៃគណៈអភិបាលខេត្តកែប ឯកឧត្តម រដ្ឋលេខាធិការ​ អនុរដ្ឋលេខាធិការ​ អគ្គនាយក​ ក្រុមប្រឹក្សាខេត្ត គណៈអភិបាលខេត្ត មន្ត្រីរាជការ និងប្រជាពលរដ្ឋជាច្រើនរូបផងដែរ។

បើតាមរបាយការណ៍ស្វាគមន៍ របស់ឯកឧត្តម សោម ពិសិដ្ឋ អភិបាលខេត្ត ឱ្យដឹងថា ផ្លូវបេតុង មួយខ្សែដែរត្រូវកាត់ខ្សែបូរ សម្ពោធ ដាក់ឱ្យប្រើសប្រាសជាផ្លូវការនាពេលនេះមានប្រវែងសរុប ១.២៥០ម៉ែត្រ ទទឹង ១០ម៉ែត្រ​ តភ្ជាប់ ពីផ្លូវជាតិ៣៣A ទៅកាន់ផ្លូវជាតិលេខ៣៣។ ឯកឧត្តម​បាន បញ្ជក់ថា ខេត្តកែប​ បច្ចុប្បន្ននេះពីមួយថ្ងៃទៅមួយថ្ងៃ មានការអភិវឌ្ឍន៍លើហេដ្ឋារចនាសម្ព័ន្ធជាច្រើន និងជាបន្តបន្ទាប់ ខេត្តបាននឹងកំពុង ប្រឹងប្រែង កសាង ជួសជុលផ្លូវជាតិ ផ្លូវលំ រៀបចំរមណីដ្ឋានទេសចរណ៍ តំបន់ឆ្នេរឱ្យកាន់តែមានភាពស្រស់ត្រកាល និងមានអនាម័យបរិស្ថានល្អ ខ្យល់អាកាសបរិសុទ្ធ និងទិដ្ឋភាពគួរជាទីទាក់ទាញភ្ញៀវទេសចរជាតិ អន្តរជាតិ ចូលមកសម្រាក លំហែកំសាន្ត នៅតំបន់ឆ្នេរសមុទ្រខេត្តកែបកាន់តែមានសន្ទុះច្រើនឡើងៗទៅអនាគត​។ ពិសេសពេលនេះ ផ្លូវបេតុងថ្មីនេះ នឹងបម្រើតម្រូវការមមារញឹក ព្រោះបងប្អូនប្រជាពលរដ្ឋក្នុងតំបន់នេះ ក៏ដូចជាភ្ញៀវទេសចរមកពីភ្នំពេញនឹងបណ្ដាខេត្តផ្សេងៗ​ អាចធ្វើដំណើរឆ្លងកាត់ផ្លូវនេះទៅលេងឆ្នេរកែប ឬដឹកជញ្ជូនកសិផលទៅកាន់ទីផ្សាតាមផ្លូវនេះ បានយ៉ាងងាយស្រួលផងដែរ។

មានប្រសាសន៍ សំណេះសំណាលទៅកាន់ប្រជាពលរដ្ឋ និងមន្ត្រីរាជការ ក្នុងឱកាសនោះ ឯកឧត្តម​កិត្តិសេដ្ឋាបណ្ឌិត​ ចម ប្រសិទ្ធ បានលើកឡើងថា នៅគ្រប់កាលៈទេសៈទាំងអស់ រាជរដ្ឋាភិបាលក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជានិច្ចកាលតែងតែ គិតគូដល់សុខទុក្ខ ការលំបាក របស់បងប្អូនប្រជាពលរដ្ឋ ហើយបានឧបត្ថម្ភគ្រប់បែបយ៉ាង ជាក់ស្តែងថ្ងៃនេះ ក្រោមដំបូលនៃសុខសន្តិភាព ខេត្តកែបរបស់យើង ទទួលបាននូវសមិទ្ធផលថ្មីៗជាបន្តបន្ទាប់ ពិសេស ការពង្រីកហេដ្ឋារចនាសម្ពន្ធ ជាប្រយោជន៍សម្រាប់បម្រើឱ្យវិស័យសេដ្ឋកិច្ច សង្គមកិច្ច មានភាពងាយស្រួសដល់ការធ្វើដំណើររបស់បងប្អូនប្រជាពលរដ្ឋ សិស្សានុសិស្ស និងជួយសម្រួលការចរាចរកសិផល ផលនេសាទ របស់បងប្អូនប្រជាពលរដ្ឋ ធ្វើឱ្យជីវភាពប្រជាពលរដ្ឋកាន់តែធូរធា​ រួមចំណែកកាត់បន្ថយភាពក្រីក្រ កាន់តែឆាបរហ័ស។

ឯកឧត្តម​កិត្តិសេដ្ឋាបណ្ឌិត​ បាបន្ថែមទៀតថា​ ទោះយ៉ាងណា សមិទ្ធផលទាំងនេះពុំទាន់គ្រប់គ្រាន់តាមតម្រូវការនៅឡើយ យើងនឹងខិតខំរួមគ្នាបន្តទៀត ដើម្បីអភិវឌ្ឍន៍ប្រទេសឱ្យកាន់តែមានការរីកចម្រើនជឿនលឿនទៅមុខ ដូច្នេះយើងត្រូវតែរួមគ្នារក្សាការពារនូវសុខសន្តិភាព ដែលយើងកំពុងមានដូចបច្ចុប្បន្ននេះ កុំជឿការញ៉ុះញុង បង្ករអសន្តិសុខ និងអនាធិបតេយ្យក្នុងសង្គមជាតិ។

ឯកឧត្តមកិត្តិសេដ្ឋាបណ្ឌិត ក៏បានផ្តាំផ្ញើ ដល់បងប្អូនប្រជាពលរដ្ឋទាំងអស់ ខិតខំថែរក្សាសុខភាព ហូបស្អាត ផឹកស្អាត រស់នៅស្អាត និងបន្តអនុវត្ត នូវវិធានការ បីកុំ បីការពារ ព្រមទាំងទៅទទួលវ៉ាក់សាំង ដូសជម្រុញឱ្យបានគ្រប់ៗគ្នា ដើម្បីការពារការឆ្លងជំងឺកូវីដ-១៩ ដែលកំពុងបំប្លែងខ្លួនថ្មី(អូមីក្រុង)។

បន្ទាប់ពី ផ្តល់ជូនវត្ថុអនុស្សាវរីយ៍ជូនដល់បងប្អូនប្រជាពលរដ្ឋដែលមកចូលរួមនូវ ក្រមារពោះគោម្នាក់មួយ និងថវិកាមួយចំនួន រួចមក​ ឯកឧត្តមកិត្តិសេដ្ឋាបណ្ឌិត​ បានអញ្ជើញកាត់ខ្សែបូរ ជានិមិត្តរូបនៃការដាក់ឱ្យប្រើប្រាស់ជាផ្លូវការ នូវ ផ្លូវបេតុងដ៏ស្រស់ស្អាត់មួយនេះ៕ សេង ណារិទ្ធ

Filed in: Uncategorized, កសិកម្ម, គ្រឿងញៀន, គ្រោះថ្នាក់​ចរាចរណ៍, បញ្ហាផ្លូវភេទ, ព័ត៌មានជាតិ, ព័ត៌មានថ្មី, ព័ត៌មាន​សំខាន់ៗ, ព័ត៌មានអន្តរជាតិ, រាយការណ៍ពិសេស, វប្បធម៌, សន្តិសុខ សង្គម, សិល្បៈ, សូម​ជួយ​ស៊ើប​អង្កេត, សេដ្ឋកិច្ច, ស្នាដៃ​ និង អភិវឌ្ឍន៍, អគ្គិភ័យ

Recent Posts

Leave a Reply

Submit Comment
Daily Theme designed by Theme Junkie.