ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
​សម្ដេច​តេជោ ហ៊ុន សែន អបអរសាទរ​ទិវា​អន្តរជាតិ​នារី ៨ មីនា ២០២១! ទន្ទឹម​នឹង​ការ​ចូល​រូ​ម​អបអរសាទរ​ថ្ងៃ​ឈប់សម្រាក ៨ មីនា សូម​បងប្អូន​ជនរួមជាតិ​ថែរក្សា​សុខភាព​កុំ​អោយ​ឆ្លង​ជំងឺ​កូវី​ដ​-១៩ ==> អភិបាលខេត្ត​ប៉ៃលិន បាន​អញ្ជើញ​ជួប​សំណេះសំណាល​សួរសុខទុក្ខ និង​ចែក​អំណោយ ដល់​បងប្អូន​អតីតយុទ្ធជន​ពិការ និង​ជនពិការ​ចំនួន​៨០​គ្រួសារ នៅ​ស្រុក​សាលា​ក្រៅ ដែល​កំពុង​រង​វិបត្តិកូ​វីដ​១៩ ==> ​សម្តេច​ពិជ័យ​សេនា ទៀ បាញ់ លើកទឹកចិត្ត​ឱ្យមាន​ការរៀបចំ​តំបន់​អតីត​សមរភូមិ​ក្លាយទៅជា​តំបន់​ទេសចរណ៍​ប្រវត្តិសាស្ត្រ ==> ​ពិធី​សំណេះសំណាល និង​ផ្សព្វផ្សាយ​គោលនយោបាយ​របស់​គណ​ប​ក្យ និង​បាន​នាំយក​វិទ្យុទាក់ទង​ចំនួន​១០​គ្រឿង រួម​នឹង​ថវិកា​មួយចំនួន​របស់ ឯកឧត្តម អ៊ុន ចាន់​ដា​ ==> ​ក្រសួង​សុខាភិបាល ចាប់ផ្តើម​ដាក់ឱ្យ​ប្រើប្រាស់ សណ្ឋាគារ THE GREAT DUKE ធ្វើ​ជា​មន្ទីរពេទ្យ​ពិនិត្យ ថែទាំ និង​ព្យាបាល​អ្នកជំងឺ​កូវី​ដ​-១៩ កម្រិត​ស្រាល ! ==> ​អំណោយ​ប្រចាំខែ របស់លោក​ឧត្ដមសេនីយ៍ឯក រ័ត្ន ស្រ៊ាង បាន​ប្រគល់​ដល់ដៃ​ពលរដ្ឋ​ទីទាល់ក្រ​១៨​គ្រួសារ​! ==> ឧត្តមសេនីយ៍ឯក ហ៊ុន ម៉ា​ណែ​ត ប្រាប់​កងកម្លាំង​ការពារ​នៅ​តំបន់​ចត្ដា​ឡី​ស័ក ត្រូវ​ទទួលខុសត្រូវ​ខ្ពស់​លើ​ប្រតិបត្តិការ និង​ត្រៀម​ជានិច្ច​អនុវត្ត​បទបញ្ជា​ថ្នាក់ដឹកនាំ ដើម្បី​ទប់ស្កាត់​ការឆ្លង​រីក​រាលដាល​ជំងឺ​កូវី​ដ​-១៩ ==> ស្លាប់​ពីរ​ក្នុង​ដោយសារ​ហេតុការណ៍​គ្រោះថ្នាក់​ចរាចរ រថយន្ត​បុក​ម៉ូតូ​ ==> ​ក្រសួងទេសចរណ៍​ចេញ​សេចក្ដីណែនាំ​ចំពោះ​បុគ្គល​មិន​អនុវត្ត​វិធានការ​របស់​សុខាភិបាល និង​ទីតាំង​ដែល​មិន​សហការ​ផ្ដល់​ព័ត៌មាន​ស្រាវជ្រាវ​និង​ទប់ស្កាត់​ការរីក​រាលដាល​នៃ​ជ​ងឺ​កូវី​ដ​១៩ ==> សម្ដេច​កិត្ដិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន ផ្ញើ​សារលិខិត​ជូនពរ សម្ដេច ធម្ម​វិសុទ្ធ​វ​ង្សា សៅ ទី ហេង សំរិន ក្នុង​ឱកាស​ប្រារព្ធ​ខួប​លើក​ទី​១១០ ទិវា​អន្តរជាតិ​នារី ៨​មីនា ឆ្នាំ​២០២១
0

ដើមឈើ​លិច​ទឹក​ធំៗ នៅ​បឹង​ទន្លេសាប ខេត្ត​កំពង់ឆ្នាំង រង​ការកាប់​បំផ្លាញ តែ​មិន​ទាន់​ឃើញ​សមត្ថកិច្ច​បង្ក្រាប និង​ចាត់វិធានការ​ទប់ស្កាត់​នៅឡើយ​

ដើមឈើ​លិច​ទឹក​ធំៗ នៅ​បឹង​ទន្លេសាប ខេត្ត​កំពង់ឆ្នាំង រង​ការកាប់​បំផ្លាញ តែ​មិន​ទាន់​ឃើញ​សមត្ថកិច្ច​បង្ក្រាប និង​ចាត់វិធានការ​ទប់ស្កាត់​នៅឡើយ​

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

កំពង់ឆ្នាំង ៖ ដើមឈើ​ធំៗ ដែល​ជា​ដើមឈើ​ព្រៃ​លិច​ទឹក​ជាច្រើន​កន្លែង ស្ថិត​នៅ​បឹង​ទន្លេសាប ក្នុង​ភូមិសាស្ត្រ​ទឹកដី នៃ​ស្រុក​កំពង់លែង ខេត្ត​កំពង់ឆ្នាំង ត្រូវ​បាន​រង​នូវ​ការកាប់បំផ្លាញ​ពី​ក្រុម​ជនល្មើស ដែល​ពួកគេ​កំពុងតែ​ធ្វើ​សកម្មភាព​កាប់បំផ្លាញ​ជា​រៀងរាល់ថ្ងៃ ដោយ​មិន​ឃើញ​មាន​សមត្ថកិច្ច​ពាក់ព័ន្ធ​នៅក្នុង​មូលដ្ឋាន​ធ្វើការ​បង្ក្រាប និង​មាន​វិធានការ​ទប់ស្កាត់​នៅឡើយ​ទេ​។​

​ពាក់ព័ន្ធ​នឹង​ការកាប់បំផ្លាញ​ព្រៃ​លិច​ទឹក​ខាង​នេះ បើតាម​ប្រជាពលរដ្ឋ​រស់នៅ​តាម​ដង​ទន្លេសាប បាន​ប្រាប់ថា គឺ​មាន​សកម្មភាព​ជា​យូរណាស់​មក​ហើយ​ឱ្យ​តែ​ដល់​រដូវ​នេះ គឺ​អំឡុង​ខែវិច្ឆិកា និង​ខែធ្នូ ដែល​ជា​រដូវ​គេ​ចាប់ផ្ដើម​ដាក់​សម្រាស់​យក​ត្រី គឺ​ជនល្មើស​តែងតែ​បាន​ដើរ​កាប់រំលំ​ដើមឈើ​ព្រៃ​លិច​ទឹក ទាំង​តូច​ទាំង​ធំ ដើម្បី​យកមក​ដាក់​ធ្វើ​ជា​សម្រាស់​ឱ្យ​ត្រី​កុំ លុះដល់​ខែ​សម្រក គឺ​ក្នុង​ខែ​មករា ខែ​កុម្ភៈ ខែ​មិនា ពិសេស​មុន​រដូវចូលឆ្នាំ​ចិន និង​ចូល​ឆ្នាំ​ខ្មែរ ពួកគេ​បាន​ចាប់ផ្ដើម ចាប់​ត្រី​នៅក្នុង​សម្រាស់ ដោយ​ប្រើ​អួន​ហ៊ុ​ជុំវិញ​សម្រាប់​រួចហើយ គេ​ក៏​ចាប់ផ្តើម​កៀរ​យក​ត្រី​តែម្តង​។​

​ប្រជាពលរដ្ឋ​បាន​បន្តថា ការដាក់​សម្រាស់​ឱ្យ​ត្រី​កុំ​ដើម្បី​ចាប់​យក​ត្រី​ខាងលើនេះ គឺ​កើតមាន​ជាច្រើន​ឆ្នាំ​មកហើយ ដែល​ត្រូវបាន​ជនល្មើស​ដាក់​យក​ត្រី ស្ទើ​នៅ​ពាសពេញ​ទន្លេ ក្នុង​ភូមិសាស្ត្រ ខេត្ត​កំពង់ឆ្នាំង ដែល​សម្រាស់​ទាំងអស់នោះ ត្រូវបាន​គេ​ដាក់​នៅ​តាម​បឹង ត្រពាំង ព្រែក ទន្លេ​។​ល​។ ។​

​បើ​តាម​មន្ត្រី​ជំនាញ​ផ្នែក​ជលផល ធ្លាប់បាន​ប្រាប់​ថា ការដាក់​សម្រាស់​ដើម្បី​ចាប់​យក​ត្រី គឺជា​បទល្មើស​ដែល​ត្រូវបាន​ច្បាប់​ហាមឃាត់​ដាច់ខាត ព្រោះ​វា​ប៉ះពាល់​ទីមួយ​ការធ្វើ​ឱ្យ​គោក​រាក់​ទន្លេ ទី​ពីរ​ការ កាប់បំផ្លាញ​ព្រៃ​លិច ទឹក​នៅ​ក្នុង​ទន្លេ ព្រោះ​ការ​ដាក់​សម្រាស់​នេះ ក្រៅពី​ការកាប់​យក​មែកឈើ​ពី​ព្រៃ​លិច​ទឹក​មក​ដាក់​ធ្វើ​ជា​សម្រាស់ គឺ​មិន​មាន​អ្វី​ផ្សេង​មក​ដាក់​ជំនួស​បាន​ឡើយ​។​

​ជាក់ស្ដែង​នា​ល្ងាច​ថ្ងៃ​ទី​១៥ ខែវិច្ឆិកា ឆ្នាំ​២០២០ មន្ត្រី​ជំនាញ​ជលផល​ក្រោម​ការបញ្ជា​ផ្ទាល់​ពី​លោក តាត សីហា​ក់ នាយ​ផ្នែក​រដ្ឋ បាល​ជលផល​កំពង់លែង បាន​ចាប់​ឃាត់​ទូក​ដឹក​សម្រាស់​មួយគ្រឿង ដែល​មាន​សម្រាស់​ជាច្រើន យក​មក​រក្សាទុក​នៅ​សង្កាត់​រដ្ឋបាល​ជលផល​ប្រឡាយ​មាស​។ ពាក់ព័ន្ធ​ក្នុង​ការចាប់​ឃាត់​ទូក​ដឹក​សម្រាស់​ខាងលើនេះ​។​

​បន្ថែម​ពី​នេះ​នា​ល្ងាច​ថ្ងៃទី​១៧ ខែវិច្ឆិកា ឆ្នាំ​២០២០ ម្សិលមិញ លោក តាត សីហា​ក់ នាយ​ផ្នែក​រដ្ឋបាល​ជល​ផល​កំពង់លែង បាន​ប្រាប់​អង្គភាព​ព័ត៌មាន ឱ្យដឹងថា បច្ចុប្បន្ននេះ លោក​បាន​ស្រាវជ្រាវ​ចាប់បាន​ជនល្មើស​បាន ១​នាក់ ក្នុងចំណោម ២​នាក់ ដែលជា​អ្នក​កាប់​បំផ្លាញ​ព្រៃ​លិច​ទឹក ហើយ​លោក​ក៏​បាន​កសាង​សំណុំរឿង​បញ្ជូនមក​តុលាការ​ហើយ​ដែរ​។​

​ព្រៃ​លិច​ទឹក​មាន​តួនាទី​យ៉ាង​សំខាន់​ក្នុង​វិស័យ​ជលផល រហូតដល់​មាន​ការកំណត់​ថា​ព្រៃ​លិច​ទឹក ជា​កត្តា​ស្លាប់​រស់​របស់​វិស័យ​ជលផល​ទៀតផង ហើយ​ត្រូវបាន​កំណត់​នៅក្នុង​ច្បាប់​ស្តីពី​ផលថា​ជា​ដែន​នេសាទ ដែល​ត្រូវ​ថែរក្សា​ការពារ​យ៉ាង​ម៉ឹងម៉ាត់​បំផុត ដើម្បី​ធានា​កុំឱ្យ​បាត់បង់​។ ព្រៃ​លិច​ទឹក​ក៏​មាន​តួនាទី​ចម្បង ក្នុង​វិស័យ​ជលផល ដែល​គួរឱ្យ​ចាប់អារម្មណ៍​ដូចជា​៖ ព្រៃ​លិច​ទឹកជា​ទីជម្រក​យ៉ាងសំខាន់​ជា​ប្រភព​ផ្ដល់​ចំណី និង​ជា​កន្លែង​ពង​កូន​យ៉ាង​កក់ក្តៅ​របស់​ហ្វូង​មច្ឆជាតិ និង​សត្វ​ផ្សេងៗ​ទៀត ដែល​ជា​ធនធាន​ជលផល ព្រោះថា​នៅ​ក្នុង​ព្រៃ​លិច​ទឹក​មាន​ចំណី​ធម្មជាតិ​យ៉ាង​សំបូរបែប​ដែល​អាច​បំប៉ន​ជីវចម្រុះ​ធនធាន​ជលផល​ខាងលើនេះ ឱ្យមាន​ការរីកចម្រើន​យ៉ាង​ឆាប់រហ័ស​ផង​ដែរ​។​

​ព្រៃ​លិច​ទឹក​មាន​តួនាទី​ដ៏​ពិសិដ្ឋ​ក្នុងកា​រទប់ ស្កាត់​ការហូរ​ច្រោះ​ដី ពី​ទីទួល​ទៅ​កាន់​ទី​ទាប​នឹង​ការ​ដុះ​ដី​នៅក្នុង​ទី​ទំនាប​ហើយ​យ៉ាង​ហោ ចណាស់​ក៏​ព្រៃ​លិច​ទឹក​អាចជួយ​បន្ថយល្បឿន​នៃ​ការហូរ​ច្រោះ​ដី នឹង​ដុះ​ដី​ជា​រៀងរាល់ឆ្នាំ ដែល​ជា​ប្រភព​នៃ​ការ​គោក​រីង​បណ្ដាលឱ្យ​ខូច​ដែន​នេសាទ​។ ព្រៃ​លិច​ទឹក​ក៏​ជារ​បាំង​ខ្យល់ព្យុះ ការពារ​លំនៅដ្ឋាន​របស់​ប្រជា​នេសាទ ឬ​ប្រជាពលរដ្ឋ​ដែល​មាន​លក្ខណៈ​ជា​ភូមិ​បណ្ដែ ត​ទឹក ឬ​ភូមិ​ក្នុង​ទឹក​តាម​មាត់​ទន្លេ ព្រៃ​លិច​ទឹក​ក៏​បាន​ផ្ដល់​តាមរយៈ​សោភ័ណភាព​ធម្មជាតិ នៅ​ទេសភាព​យ៉ាង​ប្រណីត​សម្រាប់​ទាក់ទាញ​ភ្ញៀវ​ទេសចរណ៍ ក្នុង​ការដើរ​កម្សាន្ត​ផងដែរ​។ ហេតុនេះ​ព្រៃ​លិច​ទឹក​ជា​កត្តា​ចាំបាច់​សំខាន់​ក្រៃលែង សម្រាប់​វិស័យ​ជលផល​ដោយ​ពុំ​អាច​ខ្វះ​បាន​ឡើយ​៕ (plpt)

Filed in: ព័ត៌មានជាតិ, ព័ត៌មាន​សំខាន់ៗ, សូម​ជួយ​ស៊ើប​អង្កេត

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!