ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
​អាជ្ញាធរ​រាជធានី​ភ្នំពេញ សម្រេច​បន្ត​ផ្អាក​ដំណើរការ​ផ្សារ​រដ្ឋ និង​ផ្សារ​មិន​រៀបរយ​ទាំងអស់ រយៈពេល​១​សប្តាហ៍​បន្ថែមទៀត​ ==> ​អភិបាល​ខណ្ឌ​ឫស្សីកែវ សន្យា​ជួយ​ស្ត្រី​មាន​ផ្ទៃពោះ​៦​ខែ និង​កូន​តូចៗ ដែល​ផ្ទុ​កកូ​វីដ​១៩ ក្រោយ​ប្ដី​ស្លាប់​ដោយសារកូ​វីដ ==> ស្បៀងអាហារ​ជា​អំណោយ​របស់​សម្តេច​តេជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ត្រូវបាន​យក​ទៅ​ចែកជូន​ប្រជាពលរដ្ឋ និង​កម្មករ​កម្មការិនី​នៅ​តាម​បន្ទប់​ជួល​ក្នុង​តំបន់ «​តំបន់​ក្រហម​» ខណ្ឌ​ឬ​ស្សី​កែវ ==> ​ឯកឧត្តម ណុប ដា​រ៉ា ធានា​ចេញ​ការព្យាបាល​ទាំងស្រុង​ក្នុងការ​វះកាត់​យក​ដែក​ដែល​អម​ក្នុង​ឆ្អឹង​ចេញ តាម​សំណើរ​សុំ​របស់​បងប្អូន​កង់​បី​ខ្មែរ​សន្តិភាព ==> ហាង​ក្លាសិ​ក​បើក​យ៉ាង​លួចលាក់​មួយកន្លែង​នៅក្នុង​ស្រុក​អន្លង់វែង​បំពាន​បំរាម​របស់​រដ្ឋបាល​ខេត្ត​ឧត្ដរមានជ័យ វិធានការ​ទាប់​ស្កាត់​ការរីក​រាលដាល​ជំងឺ​កូ​ូ​វីដ​១៩​នៅក្នុង​មូលដ្ថាន​ខេត្ត​ឧត្ដរមានជ័យ​ ==> ​មុខសញ្ញា​ជួញដូរ និង​ប្រើប្រាស់​គ្រឿងញៀន​២​នាក់ ត្រូវបាន​សមត្ថកិច្ច​បង្ក្រាប​ ==> ថវិកា​មូលនិធិ​មហា​គ្រួសារ​កងរាជអាវុធហត្ថ ជាង ៤០​លាន​រៀល ត្រូវបាន​ប្រគល់ជូន​គ្រួសារ​សព មេបញ្ជាការរង អាវុធហត្ថ​ខណ្ឌចំការមន នៃ​រាជធានី​ភ្នំពេញ​! ==> ​ឃាត់ខ្លួន​ជនសង្ស័យ ចំនួន​០៥​នាក់ ក្រោយ​បង្ក​របួស​ស្នាម​កាប់​ដាច់​កដៃ​ខាងឆ្វេង និង​របួស​ក្បាល​យ៉ាងធ្ងន់ធ្ងរ​ ==> រដ្ឋមន្ត្រី វង សូ​ត សម្ពោធ​ដាក់ឲ្យ​ប្រើប្រាស់​អគារ​មណ្ឌល​សុខភាព នៅ​ឃុំ​ជា​ច ស្រុក​កំចាយមារ ខេត្ត​ព្រៃវែង​ ==> ក្រសួងមហាផ្ទៃ ចេញប្រកាសផ្ទេរភារកិច្ច តែងតាំងមុខតំណែង និងតម្លើងឋានន្តរស័ក្តិមន្ត្រីនគរបាលជាតិ ១៤រូប នៅខេត្តបាត់ដំបង
0

​ក្រុម​ឈ្មួញ​សម្រុក​ដឹកជញ្ជូន​ឈើ​ចេញ​ពី​ខេត្ត​ព្រះវិហារ ចូល​ខេត្តកំពង់ធំ យ៉ាង​ពេញបន្ទុក​ដោយ​គ្នាន​រំខាន​ដល់​ដំណេក​អាជ្ញាធរ​រឺ​សម្ថកិច្ច​តាម​ដងផ្លូវ​ទាល់តែសោះ

​ក្រុម​ឈ្មួញ​សម្រុក​ដឹកជញ្ជូន​ឈើ​ចេញ​ពី​ខេត្ត​ព្រះវិហារ ចូល​ខេត្តកំពង់ធំ យ៉ាង​ពេញបន្ទុក​ដោយ​គ្នាន​រំខាន​ដល់​ដំណេក​អាជ្ញាធរ​រឺ​សម្ថកិច្ច​តាម​ដងផ្លូវ​ទាល់តែសោះ

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

ប្រភពពី​ប្រជាពលរដ្ឋ​រស់នៅ​តាម​បណ្តោយ​ផ្លូវជាតិ​លេខ​៦២ ស្រុក​រវៀង ខេត្ត​ព្រះវិហារ បានឲ្យដឹងថា មួយ​រយៈ​ចុង​ក្រោយ​នេះ​ក្រុម​ឈ្មួញ​បានធ្វើ​សកម្មភាព​ដឹកជញ្ជូន​ឈើ​ពី​ខេត្ត​ព្រះវិហារ ចូល​ទៅ​ខេត្ត​កំពង់ធំ យ៉ាង​រលូន​ព្រោះ​គ្មាន​មន្ត្រី​ជំនាញ​ឬ​សមត្ថកិច្ច​ពាក់ព័ន្ធ​ណា​ចាត់វិធានកា​រប ង្ក្រា​បឡើយ​។ សេចក្តីរាយការណ៍​ពី​ប្រជាពលរដ្ឋ​បានឲ្យដឹង​ទៀត​ថា​ឈ្មួញ​ប្រើប្រាស់​រថយន្ត​ទំនើបៗ រថយន្ត​ប្រភេទ​សាំ​យ៉ុង ប្រភេទ​តា​កូម៉ា រថយន្ត​កូរ៉េ និង​តាម​គោយន្ត​ផង​ដែរ​ដឹកជញ្ជូន​ឈើ​ឆ្លងកាត់​ផ្លូវជាតិ​លេខ​៦២ ស្រុក​រវៀង ចូល​ទៅ​ខេត្ត​កំពង់ធំ យ៉ាង​គគ្រឹកគគ្រេង​។ ចំណែក​លោក ស៊ុ ស៊ី​វុត្ថា ហៅ​តា​វ៉ែនតា នាយ​ផ្នែក​រដ្ឋបាល​ព្រៃឈើ​រវៀង មិន​ចាត់​វិធានការ​បង្ក្រាប​ឈ្មួញ​ជាច្រើន​នាក់​ដែល​ធ្វើ​សកម្មភាព​ដឹកជញ្ជូន​ឈើ​ខុស​ច្បាប់​យ៉ាង​គឃ្លើន​នោះទេ​។​

​សេចក្តីរាយការណ៍​ពី​សមត្ថកិច្ច​ពាក់ព័ន្ធ​បានឲ្យដឹងថា ក្រុម​ឈ្មួញ​ដែល​ធ្វើ​សកម្មភាព​ដឹកជញ្ជូន​ឈើ​ពី​ខេត្ត​ព្រះវិហារ ចូល​ទៅ​ខេត្ត​កំពង់ធំ​នោះ មានដូចជា​ឈ្មួញ​ឈ្មោះ តេន​, ឈ្មួញ​ឈ្មោះ ហួ​ង​, ឈ្មួញ​ឈ្មោះ ញ៉ី​, ឈ្មួញ​ឈ្មោះ យ៉េន​, ឈ្មួញ​ឈ្មោះ ឌី​ណា​, ឈ្មួញ​ឈ្មោះ ហឿន​, ឈ្មួញ​ឈ្មោះ ធី និង​ឈ្មួញ​ច្រើន​នាក់​ទៀត​។ ក្រុម​ឈ្មួញ​ទាំងនេះ​សុទ្ធតែ​មាន​ទំនាក់ទំនង​ជិតស្និទ្ធ​ជាមួយ​លោក ស៊ុ ស៊ី​វុត្ថា ហៅ​តា​វ៉ែនតា នាយ​ផ្នែក​រដ្ឋបាល​ព្រៃឈើ​រវៀង ទើប​ពួកគេ​អាច​ដឹក​ជញ្ជូន​ឈើ​ពី​ខេត្ត​ព្រះវិហារ ឆ្លងកាត់​ផ្លូវ​ជាតិ​លេខ​៦២ ស្រុក​រវៀង ចូល​ទៅ​ខេត្ត​កំពង់ធំ និង​ខេត្ត​ផ្សេងទៀតៗ​យ៉ាង​សុខ​ស្រួល​។ បើ​តាម​ប្រភព​ពី​មន្ត្រី​នៅក្នុង​មន្ទីរ​កសិកម្ម​ខេត្ត​ព្រះវិហារ មួយចំនួន​បាន​បង្ហើប​ឲ្យដឹងថា ប្រសិនបើ​គ្មាន​ការឃុបឃិត​បើកដៃ​ពី​សំណាក់​លោក ពឹង ទ្រី​ដា ប្រធាន​មន្ទីរ​កសិកម្ម​ខេត្ត​ព្រះវិហារ ក៏​ដូចជា​ពី​សំណាក់​លោក នួន សុខុម នាយ​ខណ្ឌ​រដ្ឋបាល​ព្រៃឈើ ខេត្ត​ព្រះវិហារ ទេ​នោះ​គឺ​លោក ស៊ុ ស៊ី​វុត្ថា ហៅ​តា​វ៉ែនតា នាយ​ផ្នែក​រដ្ឋបាល​ព្រៃឈើ​រវៀង មិន​ហ៊ាន​ធ្វើ​អ្វីៗ​តាម​អំពើ​ចិត្ត​ឡើយ​។​

​ប្រភព​ពី​សកម្មជន​ព្រៃឈើ​និង​មន្ត្រី​អង្គការក្រៅរដ្ឋាភិបាល​ក្នុង​ខេត្ត​ព្រះវិហារ បានឲ្យដឹងថា បច្ចុប្បន្ន​ព្រៃឈើ​នៅក្នុង​តំបន់​ព្រៃ​ព្រះ​រកា និង​តំបន់​ព្រៃ​ឡង់ ខេត្ត​ព្រះវិហារ កំពុង​ប្រឈម​នឹង​ការបំផ្លាញ​យ៉ាង​មហន្តរាយ​ហើយ​ក្រុម​ឈ្មួញ​អាចធ្វើ​សកម្មភាព​ដឹកជញ្ជូន​ឈើ​ពី​ខេត្ត​ព្រះវិហារ ចូល​ទៅ​ខេត្ត​កំពង់ធំ និង​ខេត្ត​ផ្សេងៗ​ទៀត​យ៉ាង​ពេញបន្ទុក​។ ចំណែក​លោក ពឹង ទ្រី​ដា ប្រធាន​មន្ទីរ​កសិកម្ម​និង​លោក នួន សុខុម នាយ​ខណ្ឌ​រដ្ឋបាល​ព្រៃឈើ​ខេត្ត​ព្រះវិហារ កំពុង​ប្រឈម​នឹង​ការរិះគន់​ថា នាំគ្នា​សម្ងំ​ទទួល​ផលប្រយោជន៍​ពី​ក្រុម​ឈ្មួញ​ដឹកជញ្ជូន​ឈើ​ខុស​ច្បាប់​យ៉ាង​ត្រជាក់ចិត្ត​តែម្តង​។ មជ្ឈដ្ឋាន​នានា​បាន​រិះគន់​ថា ចាប់តាំងពី​លោក ប្រាក់ សុវណ្ណ​ទទួលបាន​តំណែង​ជា​អភិបាល​ខេត្ត​ព្រះវិហារ គឺ​បទល្មើស​ព្រៃឈើ​ក្នុង​ខេត្ត​ព្រះវិហារ ពុំ​មាន​ការថយចុះ​នោះទេ ហើយ​ជាក់ស្តែង​បទ​លើ្មស​ព្រៃឈើ​កើតឡើង​ខ្លាំងក្លា​ជាង​មុន​ទៅ​ទៀត​៕

Filed in: ព័ត៌មានជាតិ, សូម​ជួយ​ស៊ើប​អង្កេត

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!