ខេត្តសៀមរាប:ប្រភពពីមន្ត្រីដែលធ្វើការនៅក្នុងសាលាស្រុកសូទ្រនិគមបានលើកឡើងថាមានវង់ល្បែងស៊ីសងដ៍ធំមួយកំពុងតែបើកលេងបានដោយសេរីដដែល។ប្រភពខាងលើបានបន្តទៀតថាវង់ល្បែងដ៏ធំមួយនោះមានទីតាំង ស្ថិតនៅក្នុង ផ្ទះលោក(ឌូ) គឺស្ថិតក្នុងភូមិ សាលា កកោះ ឃុំកៀន សង្កែស្រុកសូទ្រនិគម ខេត្តសៀមរាប។
ប្រភពពីប្រជាពលរដ្ឋមូលដ្ឋាននៅហ្នឹងទីតាំងនោះបានឲ្យដឹងដែរថាវង់ល្បែងខាងលើនេះបើកលេងយ៉ាងដោះស្លែទៅហើយគឺពុំមានអាជ្ញាធរសមត្ថកិច្ចណាហ៊ានធ្វើការបង្ក្រាបនោះទេ។ផ្ទុយទៅវិញគេសង្ស័យថាលោកទេពចន្ទ័ណា អធិការនគរបាល ស្រុកសូនីគមលោក អុឹង មុន្នី មេកងរាជអាវុធហត្ថ ស្រុកសូនិគម ជាមេខ្លោងនៅពីក្រោយរឿងនេះទេីបបានរក្សាភាព ស្ងៀមស្ងាត់និងបណ្ដែតបណ្ដោយ ឱ្យវង់ល្បែងខាងលើនេះបើកលេងបានដោយរលូន។
ពាក់ព័ន្ធនឹងការលើកឡើងនេះដែរលោកអឹុងមុន្នី មេកងរាជអាវុធហត្ថ ស្រុកសូនីគម បានប្រាប់តាមទូរស័ព្ទ ថាបើសម្រួលគ្នា មិនត្រូវទេគាត់នឹងបញ្ជា កម្លាំងឱ្យទៅបិទភ្លាម។ចំណែកឯលោក ទេព ចាន់ណា អធិការស្រុកសូទ្រនិគម មិនអាចទាក់ទងបានទេដោយទូរសព្ទជាប់រវល់ ។ រីឯលោកនាយប៉ុស្តិ៍កៀនសង្កែ បានប្រាប់តាមទូរស័ព្ទ ថាគាត់ពុំមានសមត្ថភាព បង្ក្រាបបនល្បែងស៊ីសងនៅក្នុងទឹកដី របស់ខ្លួនទេ ។
ទោះយ៉ាងណាម្ចាស់វង់ល្បែងដ៏ធំមួយនេះកំពុងតែព្យាយាមសម្របសម្រួលឲ្យលុយអ្នកសារព័ត៌មានយើងដែរដើម្បីបញ្ចប់រឿង ។ ហើយគាត់បានបញ្ជាក់ទៀតថា សមត្ថកិច្ចក្នុងស្រុកសូត្រនីគមពិតជាបានផលប្រយោជន៍ពីគាត់យ៉ាងគាប់ចិត្តពិតមែន។
ប្រជាពលរដ្ឋមូលដ្ឋានសំណូមពរទៅដល់អភិបាលខេត្តសៀមរាបលោក ទា សីហា និងលោក ទិត្យ ណារ៉ុង ស្នងការនគរបាលក៏ដូចជាលោក ប៉ោ វណ្ណនិត មេបញ្ជាការកងរាជអាវុធហត្ថ ខេត្តសៀមរាបមេត្តាជួយអន្តរាគមន៍ទៅលើមន្ត្រី នៅក្នុងសូទ្រនិគមជាបន្ទាន់ផង ខណៈដែលមន្ត្រីក្នុងស្រុកនេះកំពុងតែប្រឆាំងនិងបទបញ្ជារបស់អភិបាលខេត្តសៀមរាប រួចហើយបណ្ដែតបណ្ដោយឲ្យបនល្បែងកើតឡើងយ៉ាងពេញបន្ទុក ៕
