ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
រដ្ឋមន្រ្តីក្រសួងព័ត៌មាន ដឹកនាំកិច្ចប្រជុំគណៈកម្មការដើម្បីត្រៀមរៀបចំជួបជុំរវាង សម្តេចធិបតី ហ៊ុន ម៉ាណែត ជាមួយអ្នកសារព័ត៌មាន លើកទី៦ ==> អភិសន្តិបណ្ឌិត ស សុខា និងគណៈប្រតិភូ អញ្ជើញស្ដាប់បទបង្ហាញ ស្ដីពី «ប្រព័ន្ធនយោបាយស្វីស» និង «តួនាទីទីក្រុង» ==> លោកឧត្តមសេនីយ៍ត្រី ធិន ស៊ីនដេត ស្នងការរង ទទួលផែនការងារប្រចាំគ្រឿងញៀនដឹកនាំកម្លាំងចុះធ្វើការបង្ក្រាបឃាត់ខ្លួនជនសង្ស័យប្រុស.ស្រី២នាក់ករណីជួញដូរចែកចាយគ្រឿងញៀនត្រូវបានដកហូតទម្ងន់៦.៧៧៧,១១ក្រាម ស្មើជាង៦គីឡូក្រាម នៅក្នុងក្រុងប៉ោយប៉ែត ==> សម្តេចតេជោ ហ៊ុន សែន អនុញ្ញាតឱ្យប្រមុខការទូតចិន ជួបសម្តែងការគួរសម និងពិភាក្សាការងារ ==> ឯកឧត្ដម ឌិត ទីណា និងលោកជំទាវ ថៃ វិឡាល័យ បរិច្ចាគថវិកា ៥ម៉ឺនដុល្លារ ក្នុងឱកាសខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៤ ==> កម្លាំងនគរបាល រួមគ្នាបើកប្រតិបត្តិការបង្ក្រាបករណីគ្រឿងញៀននៅស្រុកពួក ខេត្តសៀមរាប ដកហូតថ្នាំប្រភេទម៉ាទឹកកកជាង១២០គីឡូក្រាម ==> នាយឧត្តមសេនីយ៍ ម៉ៅ សុផាន់ នឹងបំពេញទស្សនកិច្ចផ្លូវការនៅសាធារណរដ្ឋកូរ៉េ ចាប់ពីថ្ងៃទី២៣ ដល់ថ្ងៃទី២៦ ខែេមសា ==> ឯកឧត្ដមនាយឧត្ដមសេនីយ៍ សៅ សុខា និងលោកជំទាវ ព្រមទាំងបុត្រ និងចៅស្រី បរិច្ចាគថវិកា ១២លានរៀល ក្នុងឱកាសខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៤ ==> ឯកឧត្តម ខៀវ កាញារីទ្ធ និងលោកជំទាវ ទេព រង្ស៊ី បរិច្ចាគថវិកា ១ម៉ឺនដុល្លារ ក្នុងឱកាសខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៤ ==> ឧបនាយករដ្ឋមន្ដ្រី ហ៊ុន ម៉ានី ដឹកនាំក្រុមការងារចូលរួមគោរពវិញ្ញាណក្ខន្ធ លោកសាស្ត្រាចារ្យ សំបូរ មាណ្ណារ៉ា
0

​ប្រតិភូ​ខណ្ឌឫស្សីកែវ ខណ្ឌដូនពេញ និង​ខណ្ឌ​ជ្រោយចង្វារ នាំយក​អំណោយ​ចែក​ជូន​កងទ័ព​ស្រុក​ជាំ​ក្សាន្ត ខេត្ត​ព្រះវិហារ

​ប្រតិភូ​ខណ្ឌឫស្សីកែវ ខណ្ឌដូនពេញ និង​ខណ្ឌ​ជ្រោយចង្វារ នាំយក​អំណោយ​ចែក​ជូន​កងទ័ព​ស្រុក​ជាំ​ក្សាន្ត ខេត្ត​ព្រះវិហារ

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

(​ព្រះវិហារ​)៖ មុន​ពិធី​បុណ្យចូលឆ្នាំ​ប្រពៃណី​ជាតិខ្មែរ ចូល​មកដល់​នា​ពេល​ដ៏​ខ្លី​ខាងមុខ និង​ដើម្បី​បង្ហាញ​ពី​ការយកចិត្តទុកដាក់ និង​គាំទ្រ​ពី​សមរភូមិ​ខាងក្រោយ ចំពោះ​សមរភូមិ​ខាងមុខ​, រដ្ឋបាល​ខណ្ឌ​ដែល​ចង​សម្ព័ន្ធមេត្រីភាព​ចំនួន​៣ មាន​ខណ្ឌដូនពេញ និង​ខណ្ឌ​ជ្រោយចង្វារ តំណាង​ដោយ​លោក ជិន ប៊ុនធឿន អភិបាល​ខណ្ឌ​ឫស្សីកែវ បាន​ដឹកនាំ​គណៈប្រតិភូ​ចុះសួរសុខទុក្ខ និង​នាំយក​នូវ​សម្ភារ គ្រឿងឧបភោគ​បរិភោគ និង​ថវិកា​មួយចំនួន ចែកជូន​ដល់​កម្លាំង​យោធា​ឈរជើង​ការពារ​ទឹកដី នៃ​ទីបញ្ជាការដ្ឋាន​កងវរសេនាតូច​អន្តរាគមន៍​លេខ​៣៩១ ចំណុះ​កងពល​អន្ដរាគមន៍​លេខ​៩ ដែល​មាន​ទីតាំង​ស្ថិតក្នុង​ស្រុក​ជាំ​ក្សាន្ត ខេត្ត​ព្រះវិហារ នា​ព្រឹក​ថ្ងៃអាទិត្យ ទី​៣១ ខែ​មីនា ឆ្នាំ​២០២៤​។​

​លោក ជិន ប៊ុនធឿន ក្នុង​ឱកាស​នេះ បាន​លើកឡើង​ថា សម្តេច​អគ្គមហាសេនាបតី​តេជោ ហ៊ុន សែន នាយ​ឧត្តមសេនីយ៍​ផ្កាយ​មាស​៥ ផុត​លេខ និង​ប្រធាន​ក្រុម​ឧត្ដមប្រឹក្សា​ផ្ទាល់​ព្រះមហាក្សត្រ និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ជាពិសេស​សម្តេច​មហា​ប​វរ​ធិបតី ហ៊ុន ម៉ា​ណែ​ត នាយករដ្ឋមន្ត្រី​កម្ពុជា ដែល​តែងតែ​យកចិត្តទុកដាក់​ខ្ពស់ និង​គិតគូរ​អំពី​សុខទុក្ខ​របស់​បងប្អូន ជា​នាយទាហាន នាយទាហានរង និង​ពលទាហាន​ទាំងអស់ ចំពោះ​ជីវភាព​រស់នៅ កន្លែង​ស្នាក់អាស្រ័យ និង​តម្រូវការ​ផ្សេងៗ​ជាច្រើន​ទៀត​។​

​លោក ជិន ប៊ុនធឿន បាន​លើកឡើង​ទៀត​ថា ការចុះ​សាកសួរ​សុខទុក្ខ និង​នាំយក​អំណោយ​ពី​សមរភូមិ​ក្រោយ មក​ជួយ​ឧបត្ថម្ភ​សមរភូមិ​មុខ​យ៉ាង​ទៀងទាត់ និង​មិន​ដែល​អាក់ខាន​នេះ​, គឺជា​ការបង្ហាញ​អំពី​ការ​រិត​ចំណង​សម្ព័ន្ធមេត្រីភាព​បន្ថែមទៀត រវាង​ខណ្ឌដូនពេញ ខណ្ឌ​ជ្រោយចង្វារ និង​ខណ្ឌ​ឫស្សីកែវ ជាមួយ​កម្លាំង​យោធា​ឈរជើង​ការពារ​ទឹកដី នៃ​ទីបញ្ជាការដ្ឋាន​កងវរសេនាតូច​អន្តរាគមន៍​លេខ​៣៩១ ចំណុះ​កងពល​អន្ដរាគមន៍​លេខ​៩​។​

​លោក​អភិបាល​ឫស្សីកែវ បាន​ពាំនាំ​នូវ​ប្រសាសន៍​ផ្ដាំផ្ញើ​សួរសុខទុក្ខ​ពី​ឯកឧត្តម ឃួ​ង ស្រេង អភិបាល​រាជធានី​ភ្នំពេញ ក្នុងឱកាស​ពិធី​បុណ្យចូលឆ្នាំថ្មី​ប្រពៃណី​ជាតិខ្មែរ ដែល​នឹង​ឈាន​មកដល់​នា​ពេល​ដ៏​ខ្លី​ខាងមុខនេះ ដោយ​សូម​ផ្ញើ​ក្ដី​នឹករឭក​យ៉ាង​ជ្រាលជ្រៅ​ជាទី​បំផុត​ចំពោះ មេបញ្ជាការ មេបញ្ជាការរង នាយទាហាន នាយទាហានរង និង​ពលទាហាន នៃ​កងវរសេនាតូច​អន្តរាគមន៍​លេខ​៣៩១ ដែល​បាន​ខិតខំ​ពុះពារ​ជម្នះ​រាល់​ការលំបាក និង​ធ្វើ​ពលិកម្ម​គ្រប់​បែបយ៉ាង​ក្នុង​ការបំពេញ​ភារកិច្ច​ការពារ​ឯករាជ្យ អធិបតេយ្យ និង​បូរណភាព​ទឹកដី ថែរក្សា​សុខសន្តិភាព សន្តិសុខ និង​សណ្តាប់ធ្នាប់​សាធារណៈ ក្រៅ​ពី​ការចូលរួម​កសាង និង​អភិវឌ្ឍ​ជាតិ និង​ពង្រឹង​ពង្រីក​ទំនាក់ទំនង​មិត្តភាព និង​កិច្ច​សហប្រតិបត្តិ​ល្អ​ជាមួយ​ប្រទេស​ជា​មិត្ត ទាំង​ក្នុង​ក្របខ័ណ្ឌ​ទ្វេភាគី និង​ពហុភាគី ដោយ​សម្រេចបាន​លទ្ធផល​ការងារ​គួរ​ជាទី​មោទនៈ​៕

ដោយ លឹម សាវុធ

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.