ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
ឯកឧត្តម អភិបាលរងខេត្តប៉ៃលិននិងជា គណ:កម្មការរដ្ឋបាលក្នុងតំបន់វិនិច្ឆ័យបាន អញ្ជើញចូលរួមប្រជុំ ចុះបញ្ជីលក្ខណៈជាប្រព័ន្ធ ==> លោក ហុក មុន នាយរងសង្កាត់រដ្ឋបាលជលផលឃុំពាមបាង ស្រុកស្ទោងខេត្តកំពង់ធំ បានច្រើនចោលទាំងស្រុងរាល់ការចុះផ្សាយព័ត៌មានមិនពិតពីសំណាក់ website online មួយចំនួន! ==> កម្លាំងអធិការដ្ឋានក្រុងប៉ោយប៉ែតចុះសម្អាតអនាម័យតាមដងផ្លូវនិងសួនច្បារតេជោ ឈ្នះ ឈ្នះ ត្រៀមអបអរពិធីបុណ្យចូលឆ្នាំខ្មែរប្រពៃណីជាតិ ==> យប់រំលងអាធ្រាត្រទៅហើយសង្ស័យជារឿងគំនុំ មានករណីបាញ់ស្រោចចូលក្នុងផ្ទះជាច្រើនគ្រាប់ ==> កម្លាំងនគរបាលក្រុងប៉ោយប៉ែត ចេញយាម ល្បាតតាមដងផ្លូវ និងទីប្រជុំជន ដើម្បីពង្រឹងសន្តិសុខ សណ្តាប់ធ្នាប់ ជូនប្រជាពលរដ្ឋ!!! ==> ​អភិបាលខេត្ត​ស្វាយរៀង ណែនាំ​ឱ្យ​បង្កើន​ការប្រុងប្រយ័ត្ន​គ្រោះ​អគ្គិភ័យ​នៅ​ឱ​កា​បុណ្យ​ចូលឆ្នាំថ្មី​ខាង​មុខ ==> មន្ត្រីរាជការ និង​មន្ត្រី​កិច្ចសន្យា​ចំនួន​២៧៦​នាក់ ធ្វើតេស្ត​ពិនិត្យ​រក​សារធាតុ​ញៀន​នៅ​សាលាខេត្ត​ស្វាយរៀង ==> ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! ==> ​រដ្ឋមន្ត្រី​ក្រសួង​បរិស្ថាន ចុះ​ពិនិត្យ និង​វាយតម្លៃ​ដោយ​ផ្ទាល់​លើ​គម្រោង​វិនិយោគ​ទេសចរណ៍​ចំនួន​១៣​កន្លែង ក្នុង​តំបន់ការពារធម្មជាតិ នៅ​ខេត្ត​ពោធិ៍សាត់ ==> ​បញ្ចុះ​ខណ្ឌសីមា ពុទ្ធា​ភិ​សេក និង​សម្ពោធ​សមិទ្ធិផល​នានា នៅ​វត្ត​សាល​វនរ​ង្សី តម្លៃ​ជិត​៥២​ម៉ឺន​ដុល្លារ​, តំណាងរាស្ត្រ មាស សុភា ថ្លែងថា ការកសាង​សមិទ្ធិផល​នេះ ជា​ចំណុច​វិជ្ជមាន នៃ​ការរីកចម្រើន​របស់​កម្ពុជា
0

ឯកឧត្តម​រដ្ឋមន្ត្រី​វេង សា​ខុន​បាន​អញ្ជើញ​ចូលរួម​ក្នុង​ពិធី​បើក​វេទិកា​សេដ្ឋកិច្ច​និង​ធុរកិច្ច​អាស៊ី​-​អឺរ៉ុប​លើក​ទី​១

ឯកឧត្តម​រដ្ឋមន្ត្រី​វេង សា​ខុន​បាន​អញ្ជើញ​ចូលរួម​ក្នុង​ពិធី​បើក​វេទិកា​សេដ្ឋកិច្ច​និង​ធុរកិច្ច​អាស៊ី​-​អឺរ៉ុប​លើក​ទី​១

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

នៅ​ទីស្តីការ​ក្រសួង​កសិកម្ម​រុក្ខាប្រមាញ់​និង​នេសាទ នៅវេលា​ម៉ោង ៩:០០ ព្រឹក​ថ្ងៃ​ពុធ ៩​រោច ខែ​កត្តិក ឆ្នាំ​ឆ្លូវ ត្រី​ស័ក ព​.​ស ២៥៦៥ ត្រូវ​នឹង​ថ្ងៃទី​២៤ ខែ​វិច្ចិកា ឆ្នាំ​២០២១ ឯកឧត្តម​រដ្ឋមន្ត្រី វេង សាខុន អម​ដោយ​ឯកឧត្តម​ទីប្រឹក្សា​បាន​អញ្ជើញ​ចូលរួម​ក្នុង​ពិធី​បើក​វេទិកា​សេដ្ឋកិច្ច និង​ធុរកិច្ច​អាស៊ី​-​អឺរ៉ុប​លើក​ទី​១ ក្រោម​អធិបតីភាព​ដ៏​ខ្ពង់ខ្ពស់​សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​។ ប្រធានបទ​នៃ​វេទិកា​ដ៏​សំខាន់​នេះ​គឺ “​ការផ្លាស់ប្ដូរ​ទៅ រក​គន្លង​ប្រក្រតីភាព​ថ្មី​៖ ការធ្វើ​អានុ​ភាវូបនីយកម្ម​ខ្សែច្រវាក់​តម្លៃសកល ពហុភាគី​និយម និង​បដិវត្ត​ឧស្សាហកម្ម ៤.០” ដើម្បី​ប្រមូលផ្តុំ​អ្នករៀបចំ​គោលនយោបាយ បញ្ញាវ័ន្ត ក្រុម​ធុរជន និង​ជំនាញការ​តាម​វិស័យ​សំខាន់ៗ​មក​ពី​អាស៊ី និង​អឺរ៉ុប​ដែល​មាន​សមត្ថភាព និង​ចំណេះដឹង​លើ​ផ្នែក​ប្រតិបត្តិការ​ធុរកិច្ច ភស្តុភារ និង​សេដ្ឋកិច្ច ដែល​ពាក់ព័ន្ធ​នឹង​ខ្សែ​ច្រវាក់​តម្លៃ​/​ផ្គត់ផ្គង់​នៃ​បដិវត្ត​ឧស្សាហកម្ម​៤.០ ដើម្បី​ពិភាក្សា និង​ឆ្លុះបញ្ចាំង​ពី​ឧត្តមា​នុវត្តន៍ ដែល​ពាក់ព័ន្ធ​។​

​វេទិកា​ដ៏​មាន​សារសំខាន់​នេះ ត្រូវបាន​រៀបចំឡើង​តាមរយៈ​ប្រព័ន្ធ​វីដេអូ ក្នុង​ទម្រង់​ជា​ព្រឹត្តិការណ៍​អម​សំខាន់​មួយ​នៃ​កិច្ចប្រជុំ​កំពូល​អាស៊ី​-​អឺរ៉ុប​លើក​ទី​១៣​។ វេទិកា​នេះ ក៏​មាន​ការអញ្ជើញ​ចូលរួម ពី​ថ្នាក់ដឹកនាំ​ពិភពលោក អ្នករៀបចំ​គោលនយោបាយ បញ្ញាវ័ន្ត ធុរជន និង​ដៃគូ​អភិវឌ្ឍន៍​ដទៃ​ទៀត​មក​ពី​អាស៊ី និង​អឺរ៉ុប ក្នុង​គោលបំណង​ពិគ្រោះ​ពិភាក្សា​ឲ្យបាន​យ៉ាង​ស៊ីជម្រៅ​-​ទូលំទូលាយ​រវាង​អ្នកពាក់ព័ន្ធ​សំខាន់ៗ​ទាំងអស់​លើ​ប្រធានបទ​ផ្សេងៗ​គ្នា​មាន​ជាអាទិ៍​៖
​ក​- ភាពជឿនលឿន​នៃ​ឌី​ជី​ថ​លូ​ប​នីយកម្ម​ជំរុញ​ខ្សែ​ច្រវាក់​តម្លៃ​សកល និង​លទ្ធផល​
​ខ​- ផលប៉ះពាល់​នៃ​ជំងឺ​កូវី​ដ​-១៩ លើ​ពាណិជ្ជកម្ម ការវិនិយោគ និង​សេដ្ឋកិច្ច និង​ការស្ដារ​សេដ្ឋកិច្ច​ឡើងវិញ​ក្រោយ​ជំងឺឆ្លង​
​គ​- តួនាទី​សំខាន់​នៃ​ប្រព័ន្ធ​ពាណិជ្ជកម្ម​ពហុភាគី និង​កិច្ចព្រមព្រៀង​ពាណិជ្ជកម្ម​សេរី​នៅក្នុង​បដិវត្ត​ឧស្សាហកម្ម​៤.០ និង​គន្លង​ប្រក្រតីភាព​ថ្មី​
​ឃ​-​កាលានុវត្តភាព​កំណើន​ថ្មី​សម្រាប់​ពាណិជ្ជកម្ម​សកល និង​អាជីវកម្ម ជាពិសេស​ធុរកិច្ច​ថ្មី និង​មីក្រូ​សហគ្រាស សហគ្រាស​ធុន​តូច និង​មធ្យម ដែល​កើតចេញ​ពី​បច្ចេកវិទ្យា​ថ្មី និង​ឌី​ជី​ថ​លូ​ប នីយកម្ម​នៅក្នុង​បដិវត្ត​ឧស្សាហកម្ម​៤.០ រួមជាមួយ​នឹង​ការកែសម្រួល និង​កំណែ​ទម្រង់​របស់​រដ្ឋាភិបាល​ដែល​កំពុង​ដំណើរការ​រួម​បញ្ចូល​ទាំង​បញ្ញតិ្ត​គោលនយោបាយ និង​ការគាំទ្រ​ផ្នែក​ហិរញ្ញវត្ថុ និង​ការវិនិយោគ​លើ​ការអភិវឌ្ឍ​ធនធានមនុស្ស​សម្រាប់​កំណើន​ប្រកបដោយ បរិយាប័​ន្ន ជាពិសេស​ការផ្តល់​សិទ្ធិ​អំណាច​ដល់​ស្ត្រី និង​
​ង​- ការវិនិយោគ​លើ​ហេដ្ឋារចនាសម្ព័ន្ធ​បៃតង និង​ធុរកិច្ច​បៃតង ដើម្បី​សម្រប​ទៅ​នឹង​បម្រែបម្រួល​អាកាសធាតុ និង​ការគ្រប់គ្រង​គ្រោះមហន្តរាយ ដើម្បី​កសាង​ភាព​ធន់​ប្រឈម​នឹង​វិបត្តិ និង​ដើម្បី​ធានា​និរន្តរភាព និង​ការអភិវឌ្ឍ​សេដ្ឋកិច្ចសង្គម​៕​សហការី​

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.