ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
ឧត្តមសេនីយ៍ឯក រ័ត្ន ស៊្រាង បន្តជួយដល់គ្រួសារអតីតអ្នករួមការងារនាសម័យរដ្ឋកម្ពុជា! ==> នាយប៉ុស្តិ៍នគរបាលការពារព្រំដែនគោកទាំង ៦ប៉ុស្តិ៍ចំណុះអង្គភាពវរសេនាតូចលរខ៨៩១ ដឹកនាំដោយលោក វរសេនីយ៍ឯក ហាំ វណ្ណៈ មេបញ្ជាការវរសេនាតូចនគរបាលការពារព្រំដែនគោកលេខ៨៩១ អញ្ជើញចូលរួម កិច្ចប្រជុំបូកសរុបលទ្ធផលខែមីនា និងទិសដៅបន្តខែមេសាឆ្នាំ២០២៤!!! ==> សេចក្តីជូនដំណឹង ស្តីពីការបន្តសុពលភាពបណ្ណសារព័ត៌មានឆ្នាំ២០២៣ ==> ឯកឧត្តម អភិបាលរងខេត្តប៉ៃលិននិងជា គណ:កម្មការរដ្ឋបាលក្នុងតំបន់វិនិច្ឆ័យបាន អញ្ជើញចូលរួមប្រជុំ ចុះបញ្ជីលក្ខណៈជាប្រព័ន្ធ ==> លោក ហុក មុន នាយរងសង្កាត់រដ្ឋបាលជលផលឃុំពាមបាង ស្រុកស្ទោងខេត្តកំពង់ធំ បានច្រើនចោលទាំងស្រុងរាល់ការចុះផ្សាយព័ត៌មានមិនពិតពីសំណាក់ website online មួយចំនួន! ==> កម្លាំងអធិការដ្ឋានក្រុងប៉ោយប៉ែតចុះសម្អាតអនាម័យតាមដងផ្លូវនិងសួនច្បារតេជោ ឈ្នះ ឈ្នះ ត្រៀមអបអរពិធីបុណ្យចូលឆ្នាំខ្មែរប្រពៃណីជាតិ ==> យប់រំលងអាធ្រាត្រទៅហើយសង្ស័យជារឿងគំនុំ មានករណីបាញ់ស្រោចចូលក្នុងផ្ទះជាច្រើនគ្រាប់ ==> កម្លាំងនគរបាលក្រុងប៉ោយប៉ែត ចេញយាម ល្បាតតាមដងផ្លូវ និងទីប្រជុំជន ដើម្បីពង្រឹងសន្តិសុខ សណ្តាប់ធ្នាប់ ជូនប្រជាពលរដ្ឋ!!! ==> ​អភិបាលខេត្ត​ស្វាយរៀង ណែនាំ​ឱ្យ​បង្កើន​ការប្រុងប្រយ័ត្ន​គ្រោះ​អគ្គិភ័យ​នៅ​ឱ​កា​បុណ្យ​ចូលឆ្នាំថ្មី​ខាង​មុខ ==> មន្ត្រីរាជការ និង​មន្ត្រី​កិច្ចសន្យា​ចំនួន​២៧៦​នាក់ ធ្វើតេស្ត​ពិនិត្យ​រក​សារធាតុ​ញៀន​នៅ​សាលាខេត្ត​ស្វាយរៀង
0

សម្តេចតេជោ ហ៊ុន សែន បន្តអញ្ជើញចូលរួម កិច្ចប្រជុំកំពូលអាស៊ានបូក៣លើកទី២៤

សម្តេចតេជោ ហ៊ុន សែន បន្តអញ្ជើញចូលរួម កិច្ចប្រជុំកំពូលអាស៊ានបូក៣លើកទី២៤

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅរសៀលថ្ងៃទី២៧ ខែតុលា ឆ្នាំ២០២១នេះ បន្តអញ្ជើញចូលរួមកិច្ចប្រជុំកំពូលអាស៊ានបូក៣ លើកទី២៤ ដែលជាកិច្ចប្រជុំរវាងមេដឹកនាំប្រទេសអាស៊ាន និងមេដឹកនាំប្រទេសចិន ជប៉ុន និងកូរ៉េខាងត្បូង។

ក្នុងកិច្ចប្រជុំនេះ មានការអញ្ជើញចូលរួមពីនាយករដ្ឋមន្ត្រីចិន លោក លី ខឺឈាង, នាយករដ្ឋមន្ត្រីជប៉ុន លោក ហ្វូមីអូ គីស៊ីដា (Fumio Kishida) និងប្រធានាធិបតីសាធាណរដ្ឋកូរ៉េ លោក ម៉ូន ចែអ៉ីន ព្រមទាំងមេដឹកនាំប្រទេសអាស៊ានដទៃទៀត លើកលែងតែប្រទេសមីយ៉ាន់ម៉ាប៉ុណ្ណោះ មិនមានតំណាងចូលរួមនោះឡើយ។

លោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានឱ្យដឹងថា នៅក្នុងកិច្ចប្រជុំនេះ ប្រមុខរដ្ឋាភិបាលអាស៊ានបូកបី បានអនុម័តទៅលើឯកសារមួយ គឺសេចក្ដីប្រកាសរួមរបស់មេដឹកនាំអាស៊ានបូក៣ ស្ដីពីកិច្ចសហប្រតិបត្តិការលើសុខភាពផ្លូវចិត្តយុវជន និងកុមារ។ មេដឹកនាំអាស៊ានបូក៣ បានអនុម័តលើឯកសារមួយផងដែរ គឺរបាយការណ៍វឌ្ឍនភាពលើកទី៤ ស្ដីពីអនុវត្តផែនការសកម្មភាពនៃកិច្ចសហប្រតិបត្តិការអាស៊ានបូក៣ ឆ្នាំ២០១៨-២០២២។

មេដឹកនាំអាស៊ានបូក៣ បានធ្វើការកត់សម្គាល់ការរីកចម្រើននៃកិច្ចសហប្រតិបត្តិការក្នុងក្របខណ្ឌអាស៊ាន បូក៣ ដែលចាប់ផ្ដើមតាំងពីឆ្នាំ១៩៩៧ ដែលពេលនោះមានវិបត្តិហិរញ្ញវត្ថុនៅអាស៊ីនេះ។ ចាប់តាំងពីនោះមក មេដឹកនាំអាស៊ាន បូក៣ មានកិច្ចប្រជុំរាល់ឆ្នាំ អាចចាត់ទុកថា ជាយន្តការមួយដ៏សំខាន់ សម្រាប់កិច្ចសហប្រតិបត្តិការនៅអាស៊ីបូព៌ានេះផងដែរ។

នៅក្នុងកិច្ចប្រជុំនេះមេដឹកនាំអាស៊ានបូក៣ បានគូសបញ្ជាក់អំពីការងារដែលបានធ្វើរួមគ្នាក្នុងការប្រយុទ្ធប្រឆាំងជាមួយជំងឺកូវីដ១៩។ ក្នុងនោះប្រទេសបូក៣ ក៏បានយកចិត្តទុកដាក់ជួយដល់ប្រទេសអាស៊ាន ជាពិសេសជួយលើវិស័យសុខភាពសាធារណៈ ដែលជាការងារសំខាន់។

លើសពីនេះទៀតប្រមុខរដ្ឋាភិបាលប្រទេសអាស៊ានបូក៣ បានគូសបញ្ជាក់អំពីសារសំខាន់ នៃការបន្តធ្វើការរួមគ្នា ដោយប្រើប្រាស់យន្តការនេះ ដើម្បីពង្រឹងកិច្ចសហប្រតិបត្តិការរវាងប្រទេសទាំងអស់។ ប្រមុខរដ្ឋាភិបាលអាស៊ានបូក៣ បានលើកពីយន្តការដែលមានស្រាប់ ជាពិសេសពាក់ព័ន្ធសន្តិសុខស្បៀង សន្តិសុខស្បៀងបម្រុង និងការតភ្ជាប់ ជាពិសេស គឺនៅក្នុងក្របខ័ណ្ឌអាស៊ាន ដែលមានផែនការមេនៃការតភ្ជាប់ឆ្នាំ២០២៥, ហើយក៏មានចក្ខុវិស័យក្នុងការកសាងសហគមន៍ មិនមិនត្រឹមតែអាស៊ាន គឺកសាងសហគមន៍អាស៊ានបូក៣តែម្តងនេះ។

ប្រមុខរដ្ឋាភិបាលអាស៊ាន បូក៣ ក៏បានគូសបញ្ជាក់អំពីផែនការការងារ និងកិច្ចសហប្រតិបត្តិការអាស៊ានបូក៣ នឹងត្រូវបញ្ចប់នៅក្នុងឆ្នាំនេះ ហើយនឹងត្រូវធ្វើនៅក្នុងឆ្នាំក្រោយ ហើយនិងការជំរុញធ្វើផែនការការងារ នៃអាស៊ានបូកមួយថ្មីសម្រាប់ ឆ្នាំ២០២៣-២០២៧ ហើយដែលត្រូវអនុម័តនៅឆ្នាំ២០២២ ក្នុងពេលកម្ពុជាធ្វើជាប្រធានអាស៊ាន។

ក្រៅពីនេះប្រមុខរដ្ឋាភិបាលអាស៊ានបូក៣ ក៏បានគូសបញ្ជាក់អំពីកិច្ចសហប្រតិបត្តិការដែលត្រូវបន្តទៀត គឺការស្ដាសេដ្ឋកិច្ច ការពង្រឹងកិច្ចសហប្រតិបត្តិការលើវិស័យសេដ្ឋកិច្ច។ ការជំរុញជាពិសេសក្របខណ្ឌភាពជាដៃគូ សេដ្ឋកិច្ចក្នុងតំបន់គ្រប់ជ្រុងជ្រោយ ដែលត្រូវជំរុញធ្វើយ៉ាងណាឲ្យបានផ្ដល់សច្ចាប័ន ពីប្រទេសអាស៊ានបូកបី ដើម្បីធ្វើយ៉ាងណាឲ្យកិច្ចព្រមព្រៀងនេះចូលជាធរមាន នៅដើមឆ្នាំ២០២២ខាងមុខនេះ។

ប្រមុខរដ្ឋាភិបាលអាស៊ាន បានស្នើសុំឱ្យប្រទេសបូកបី បន្តគាំទ្រនូវយន្តការដែលមាន ជាពិសេសក្របខណ្ឌការធ្វើដំណើរ និងការបង្កើតយន្តការថ្មីសម្រាប់សុខភាពសាធារណៈក្នុងក្របខណ្ឌអាស៊ាននេះ។ លើសពីនេះទៀត ប្រមុខរដ្ឋាភិបាលអាស៊ានបូកបី ក៏បានពិភាក្សាអំពីសភាពការណ៍ក្នុងតំបន់ ជាពិសេសសភាពការណ៍នៅឧបទ្វីបកូរ៉េ និងនៅមីយ៉ាន់ម៉ាជាដើម៕

 

 

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.