ស្វាយរៀង÷លោកឧត្តមសេនីយ៍ត្រី សែ វុទ្ធី មេបញ្ជាការ កងរាជអាវុធហត្ថខេត្តស្វាយរៀង អញ្ជេីញដឹកនាំប្រជុំត្រួតពិនិត្យការអនុវត្តតួនាទី ភារកិច្ច និងវឌ្ឍនភាពការងារកងរាជអាវុធហត្ថប្រចាំខែតុលា និងទិសដៅការងារត្រីមាសទី៤ ឆ្នាំ២០២១។ ក្នុងពិធីនោះដោយមានការអញ្ជេីញចូលរួមពីសំណាក់ លោក លោកស្រីមេបញ្ជាការរង លោកនាយសេនាធិការ លោកប្រធានមន្ទីរ លោកនាយការិយាល័យហិរញ្ញវត្ថុ និងលោកមេបញ្ជាការ មូលដ្ឋានកងរាជអាវុធហត្ថក្រុង-ស្រុកទាំង៨ ផងដែរ។
ថ្លែងនាឱកាសនោះ លោកឧត្តមសេនីយ៍ត្រី មេបញ្ជាការ បានកោតសរសេីដល់នាយទាហាន នាយទាហានរងទាំងអស់ដែលខិតខំកន្លងមកទាំងការការពារ ថែទាំសុខភាព ការធ្វេីអនាម័យសម្អាតអង្គភាពដេីម្បីប្រឆាំងនឹងជម្ងឺកូវីដ-១៩ ។ លោកមេបញ្ជាការ បានជំរុញឱ្យតាមបណ្ដាមូលដ្ឋានកងរាជអាវុធហត្ថក្រុង-ស្រុក ជាពិសេសកងរាជអាវុធហត្ថខេត្ត ត្រូវបន្តអប់រំ និងផ្សព្វផ្សាយឱ្យបានម៉ឺងម៉ាត់ ជាលក្ខណៈយុទ្ធនាការជាប្រចាំ ក្នុងមូលដ្ឋានរបស់ខ្លួន នូវវិធីសាស្ត្រការធ្វើអនាម័យអោយបានញឹកញាប់ កុំមានការប្រមូលផ្ដុំគ្នា ពេលចេញក្រៅត្រូវពាក់ម៉ាស់អោយបានត្រឹមត្រូវ និងណែនាំដល់សមាជិកក្រុមគ្រួសាររបស់ខ្លួនម្នាក់ៗ ឱ្យគោរពតាមការណែនាំរបស់ក្រសួងសុខាភិបាល។
លោកឧត្តមសេនីយ៍ត្រី មេបញ្ជាការ ដាក់ទិសដៅបន្ដ៖ ពង្រឹងការងារគ្រប់គ្រងដឹកនាំបញ្ជា និងគ្រប់គ្រងអនុវត្តម៉ឺងម៉ាត់ ច្បាប់លក្ខន្តិក បទវិន័យទូទៅនៃកងយោធពលខេមរភូមិន្ទ, ជំរុញបន្ថែមការងារបង្កបង្កើនផល និងចិញ្ចឹមសត្វ, ចូលរួមសហការជាមួយអង្គភាពដែលពាក់ព័ន្ធ, ពង្រឹងវេនប្រចាំបញ្ជា ប្រចាំការទាំងខេត្ត និងតាមបណ្ដាក្រុង-ស្រុក។
ជាចុងក្រោយ លោកឧត្តមសេនីយ៍ មេបញ្ជាការ ផ្ដាំផ្ញើ និងជូនពរដល់នាយទាហាន នាយទាហានរងទាំងអស់ជៀសផុតពីជំងឺកូវីដ-១៩ មានសុខភាពល្អ មានសុភមង្គលក្នុងគ្រួសារ គ្រួសាររកស៊ីទទួលទានមានបានគ្រប់ៗគ្នា ជាពិសេសជោគជ័យគ្រប់ភារកិច្ចដែលថ្នាក់លេីដាក់ឱ្យធ្វេី៕