ឯកឧត្តម ហ៊ុន ម៉ាណែត និងលោកជំទាវ ពេជ ចន្ទមុន្នី ឧបត្ថម្ភសម្ភារ: ជូនបញ្ជាការដ្ឋានទ័ពពិសេស
ភ្នំពេញ៖ ម៉ាស់ក្រណាត់ចំនួន ១៧,៨៣២ម៉ាស់ និងជែលលាងដៃចំនួន ១៤,៨៦០ដប អំណោយរបស់ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងលោកជំទាវ ពេជ ចន្ទមុន្នី បានឧបត្ថម្ភជូនបញ្ជាការដ្ឋានទ័ពពិសេស សម្រាប់នាយទាហាន នាយទាហានរង និងពលទាហានប្រើប្រាស់ការងារប្រចាំថ្ងៃ និងទប់ស្កាត់ជំងឺកូវីដ-១៩។ ពិធីប្រគល់ ទទួលបានធ្វើនៅបញ្ជាការដ្ឋានទ័ពពិសេស (កំបូល) នាព្រឹកថ្ងៃទី២៥ ខែតុលា ឆ្នាំ២០២១នេះ នៅបញ្ជាការដ្ឋានទ័ពពិសេស ។
ឧត្តមសេនីយ៍ឯក កែន តារា មេបញ្ជាការរងកងទ័ពជើងគោក បាននាំយកម៉ាស់អំណោយឧបត្ថម្ភដ៏ថ្លៃថ្លារបស់ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងលោកជំទាវ ពេជ ចន្ទមុន្នី ជូនបញ្ជាការដ្ឋានទ័ពពិសេស សម្រាប់នាយទាហាន នាយទាហានរង និងពលទាហានប្រើប្រាស់ការងារប្រចាំថ្ងៃ និងទប់ស្កាត់ជំងឺកូវីដ-១៩ ។
ឧត្តមសេនីយ៍ឯក កែន តារា មេបញ្ជាការររងកងទ័ពជើងគោក បានលើកឡើងថា ឯកឧត្តម មេបញ្ជាការកងទ័ពជើងគោក និងលោកជំទាវ ជានិច្ចកាលតែងតែបានយកចិត្តទុកដាក់ជានិច្ច ចំពោះសុខទុក្ខរបស់យោធិនទាំងអស់គ្រប់កាលៈទេសៈ និងបានផ្តល់ការឧបត្ថម្ភជានិច្ច ។ ឧត្តមសេនីយ៍ឯក កែន តារា ក៏បានថ្លែងកោតសរសើរឯកឧត្តមេបញ្ជាការ នាយទាហាន នាយទាហានរង និងពលទាហាន បញ្ជាការដ្ឋានទ័ពពិសេសមានវិធានម៉ឺងម៉ាត់មិនអោយជំងឺកូវីដ-១៩ ឆ្លងចូលអង្គភាព និងបានសំណូមពរបន្ថែមត្រូវបន្តយកចិត្តទុកដាក់ចូលរួមជាមួយរាជរដ្ឋាភិបាល ក្នុងការទប់ស្កាត់ជម្ងឺដ៏កាចសាហាវកូវីដ-១៩ ។
ក្នុងនាមបញ្ជាការដ្ឋានទ័ពពិសេស ឧត្តមសេនីយ៍ឯក ចាប ភក្តី មេបញ្ជាការរងកងទ័ពជើងគោក មេបញ្ជាការ បញ្ជាការដ្ឋានទ័ពពិសេស នាយទាហាន នាយទាហានរង និងពលទាហាន ទាំងអស់មានសេចក្តីរីករាយ និងថ្លែងអំណរគុណយ៉ាងជ្រាលជ្រៅ ចំពោះឯកឧត្តម មេបញ្ជាការ កងទ័ពជើងគោក និងលោកជំទាវ ព្រមទាំងប្តេជ្ញារួមគ្នាបញ្ចប់ការឆ្លងរីករាលដាលជំងឺកូវីដ-១៩ ចូលសហគមន៍ និងអនុវត្តវិធានការ ៣ការពារ និង៣កុំ របស់សម្តេចតេជោឲ្យបានដាច់ខាត ៕