ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
ឯកឧត្តម អភិបាលរងខេត្តប៉ៃលិននិងជា គណ:កម្មការរដ្ឋបាលក្នុងតំបន់វិនិច្ឆ័យបាន អញ្ជើញចូលរួមប្រជុំ ចុះបញ្ជីលក្ខណៈជាប្រព័ន្ធ ==> លោក ហុក មុន នាយរងសង្កាត់រដ្ឋបាលជលផលឃុំពាមបាង ស្រុកស្ទោងខេត្តកំពង់ធំ បានច្រើនចោលទាំងស្រុងរាល់ការចុះផ្សាយព័ត៌មានមិនពិតពីសំណាក់ website online មួយចំនួន! ==> កម្លាំងអធិការដ្ឋានក្រុងប៉ោយប៉ែតចុះសម្អាតអនាម័យតាមដងផ្លូវនិងសួនច្បារតេជោ ឈ្នះ ឈ្នះ ត្រៀមអបអរពិធីបុណ្យចូលឆ្នាំខ្មែរប្រពៃណីជាតិ ==> យប់រំលងអាធ្រាត្រទៅហើយសង្ស័យជារឿងគំនុំ មានករណីបាញ់ស្រោចចូលក្នុងផ្ទះជាច្រើនគ្រាប់ ==> កម្លាំងនគរបាលក្រុងប៉ោយប៉ែត ចេញយាម ល្បាតតាមដងផ្លូវ និងទីប្រជុំជន ដើម្បីពង្រឹងសន្តិសុខ សណ្តាប់ធ្នាប់ ជូនប្រជាពលរដ្ឋ!!! ==> ​អភិបាលខេត្ត​ស្វាយរៀង ណែនាំ​ឱ្យ​បង្កើន​ការប្រុងប្រយ័ត្ន​គ្រោះ​អគ្គិភ័យ​នៅ​ឱ​កា​បុណ្យ​ចូលឆ្នាំថ្មី​ខាង​មុខ ==> មន្ត្រីរាជការ និង​មន្ត្រី​កិច្ចសន្យា​ចំនួន​២៧៦​នាក់ ធ្វើតេស្ត​ពិនិត្យ​រក​សារធាតុ​ញៀន​នៅ​សាលាខេត្ត​ស្វាយរៀង ==> ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! ==> ​រដ្ឋមន្ត្រី​ក្រសួង​បរិស្ថាន ចុះ​ពិនិត្យ និង​វាយតម្លៃ​ដោយ​ផ្ទាល់​លើ​គម្រោង​វិនិយោគ​ទេសចរណ៍​ចំនួន​១៣​កន្លែង ក្នុង​តំបន់ការពារធម្មជាតិ នៅ​ខេត្ត​ពោធិ៍សាត់ ==> ​បញ្ចុះ​ខណ្ឌសីមា ពុទ្ធា​ភិ​សេក និង​សម្ពោធ​សមិទ្ធិផល​នានា នៅ​វត្ត​សាល​វនរ​ង្សី តម្លៃ​ជិត​៥២​ម៉ឺន​ដុល្លារ​, តំណាងរាស្ត្រ មាស សុភា ថ្លែងថា ការកសាង​សមិទ្ធិផល​នេះ ជា​ចំណុច​វិជ្ជមាន នៃ​ការរីកចម្រើន​របស់​កម្ពុជា
0

សម្ដេច​ក្រឡាហោម ស ខេង អញ្ជើញ​ជា​អធិបតី​ពិធី​ប្រកាស ផ្សព្វផ្សាយ​ដាក់ឲ្យ​ប្រើប្រាស់​ជា​ផ្លូវការ ផែនការ​សកម្មភាព​ជាតិ ស្ដីពី ការទប់ស្កាត់​អំពើ​ហិង្សា​លើ​ស្ដ្រី​២០១៩-២០២៣

សម្ដេច​ក្រឡាហោម ស ខេង អញ្ជើញ​ជា​អធិបតី​ពិធី​ប្រកាស ផ្សព្វផ្សាយ​ដាក់ឲ្យ​ប្រើប្រាស់​ជា​ផ្លូវការ ផែនការ​សកម្មភាព​ជាតិ ស្ដីពី ការទប់ស្កាត់​អំពើ​ហិង្សា​លើ​ស្ដ្រី​២០១៩-២០២៣

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

(​ភ្នំពេញ​) នៅ​ព្រឹក​ថ្ងៃ​អង្គារ ៦​កើត ខែ​បុស្ស ឆ្នាំ​ជូត ទោ​ស័ក ព​.​ស​២៥៦៤ ត្រូវ​នឹង​ថ្ងៃទី​១៩ ខែ​មករា ឆ្នាំ​២០២១​នេះ សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ បាន​អញ្ជើញ​ជា​អធិបតី​ពិធី​ប្រកាស​ផ្សព្វផ្សាយ​ដាក់ឱ្យ​ប្រើប្រាស់​ជា​ផ្លូវការ ផែនការ​សកម្មភាព​ជាតិ​ស្ដីពី ការទប់ស្កាត់​អំពើ​ហិង្សា​លើ​ស្ត្រី ២០១៩-២០២៣ ប្រារព្ធ​នៅ​សណ្ឋាគារ​សូហ្វីតែ​ល ភ្នំពេញ ភូ​គី​ត្រា​។​

​លោកជំទាវ​កិត្តិ​បណ្ឌិត អ៊ឹង កន្ថាផាវី រដ្ឋមន្ត្រីក្រសួង​កិច្ចការនារី មានប្រសាសន៍ថា​ផែនការ​សកម្មភាព​ជាតិ​នេះ គឺជា​ផែនទី​តម្រង់​ទិស​សម្រាប់​ក្រសួង ស្ថាប័ន ប្រតិបត្តិ​ករ​នៅ​ថ្នាក់​ជាតិ​និង​ថ្នាក់​ក្រោម​ជាតិ អង្គការ​សង្គម​ស៊ីវិល វិស័យ​ឯកជន ប្រព័ន្ធ​ផ្សព្វផ្សាយ និង​អ្នកពាក់ព័ន្ធ​ទាំងអស់ ក្នុង​ការអនុវត្ត​ការងារ​បង្ការ​ទប់ស្កាត់ ឆ្លើយតប និង​ដោះស្រាយ​អំពើហិង្សា​លើ​ស្ត្រី​និង​ក្មេង​ស្រី​ឱ្យ​កាន់តែ​មាន​ប្រសិទ្ធភាព និង​ប្រសិទ្ធ​ផល​ខ្ពស់​។​
​លោកជំទាវ​បន្តថា​យុទ្ធសាស្ត្រ​នៃ​ផែនការ​សកម្មភាព​ជាតិ​នេះ ផ្តល់​អភិក្រម និង​មូលដ្ឋាន​ច្បាស់លាស់​ដើម្បី​លើកកម្ពស់​ការបង្កើន​កិច្ច​អន្តរាគមន៍​បង្កា​រទប់​ស្កាត់ ការបង្កើន​ការឆ្លើយតប ការបង្កើន​ការទទួលបាន​សេវា​ប្រកបដោយ​គុណភាព ដោយ​បាន​ដាក់ចេញ​យុទ្ធសាស្ត្រ​៤​រួមមាន ការបង្ការ​ទប់ស្កាត់​, កិច្ច​ការពារ​ផ្លូវ​ច្បាប់ និង​សេវា​ពហុ​វិស័យ​, ការបង្កើត​និង​ការអនុវត្ត​ច្បាប់ និង​គោលនយោបាយ​, ការតាមដាន​ត្រួតពិនិត្យ និង​ការវាយតម្លៃ​។​

​អញ្ជើញ​ថ្លែង​សុន្ទរកថា​នាឱកាស​នោះ សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ ក្នុងនាម​រាជរដ្ឋាភិបាល បាន​កោតសរសើរ និង​វាយតម្លៃ​ខ្ពស់​ចំពោះ លទ្ធផល​នៃ​ការទប់ស្កាត់​និង​លុបបំបាត់​អំពើហិង្សា​លើ​ស្ត្រី ឆ្លុះបញ្ចាំង​ពី​កិច្ចខិតខំ​ប្រឹងប្រែង​រួមគ្នា​របស់​ប្រតិបត្តិ​ករ​ទាំងអស់ ដែល​ជា​ការ​រួមចំណែក​ពង្រឹង​លទ្ធិប្រជាធិបតេយ្យ ការលើកកម្ពស់​សិទ្ធិ សេរីភាព​របស់​ប្រជាពលរដ្ឋ និង​ការអនុវត្ត​ច្បាប់​តាម​គោលការណ៍​នីតិរដ្ឋ​។​

​សម្ដេច​ក្រឡាហោម​បាន​គូសបញ្ជាក់ថា បញ្ហា​អំពើ​ហិង្សា​ក្នុង​គ្រួសារ ការរំលោភ​សេពសន្ថវៈ អំពើ​ជួញដូរ​មនុស្ស និង​អំពើ​ធ្វើ​អាជីវកម្ម​ផ្លូវភេទ​លើ​ស្ត្រី​និង​កុមារ បញ្ហា​គ្រឿងញៀន នៅតែ​ជា​កង្វល់​ដែល​ទាមទា​រការ​ចិត្ត​ទុកដាក់​ប្រឹងប្រែង​ពុះពារ​ជំនះ និង​ដោះស្រាយ​ប្រកបដោយ​យុត្តិធម៌ និង​កាន់តែ​មាន​ប្រសិទ្ធភាព ដើម្បី​ឱ្យ​ប្រជាជន ពិសេស​ស្ត្រី​ដែល​មាន​រហូត​ដល់​៥២​ភាគរយ អាច​រស់នៅ​ប្រកប​ដោយ​ការគោរព​សិទិ្ធ សេចក្តីសុខ និង​សុវត្ថិភាព​ក្នុង​ជីវិត និង​ភាពសុខដុមរមនា​ក្នុងសង្គម​។​

​នៅក្នុង​ឱកាស​នោះ​ដែរ សម្ដេច​ក្រឡាហោម​បាន​មានប្រសាសន៍​អំពី​ដំណើរការ​រៀបចំ​គោលនយោបាយ​ភូមិ ឃុំ សង្កាត់​មាន​សុវត្ថិភាព​ដែល​ក្រសួងមហាផ្ទៃ​កំពុង​សហការ​ជាមួយ​គ្រប់​ក្រសួង​ស្ថាប័ន ក្នុងនាម​ជា​រាជរដ្ឋាភិបាល​តែម្ដង ហើយ​ដែល​ក្នុងនោះ​លក្ខណៈ​ស​ម្ប​តិ្ត​ទី​៣​នៃ​គោលនយោបាយ​ដែល​មាន​លក្ខណៈសម្បត្តិ​៨​ចំណុច ក៏​បាន​ចែង​ថា គ្មាន​អំពើ​អនាចារ ការជួញដូរ​ស្ត្រី​និង​កុមារ និង​អំពើ​ហិង្សា​ក្នុង​គ្រួសារ​។​

​សម្ដេច​បាន​អំពាវនាវ​ប្រតិបត្តិ​ករ​ទាំងអស់ សូម​បន្ត​គាំទ្រ​និង​រួមចំណែក​ឱ្យបាន​ខ្លាំងក្លា​ក្នុងការ​ប្រែក្លាយ​ឯកសារ​ផែនការ​សកម្មភាព​ជាតិ​ឱ្យទៅ​ជា​សកម្មភាព​ជាក់ស្តែង និង​អនុវត្ត​ប្រកប​ដោយ​ភាពជោគជ័យ សំដៅ​លុបបំបាត់​អំពើហិង្សា​លើ​ស្ត្រី លើកកម្ពស់​សមធម៌ បរិយាប័​ន្ន និង​ភាពសុខដុមរមនា​ក្នុងសង្គម ដែល​ប្រការ​នេះ​នឹង​ផ្តល់​តម្លៃបន្ថែម​នូវ​កាលានុវត្តភាព​ដល់​ស្ត្រី និង​ក្មេង​ស្រី ហើយ​ពួកគេ​អាច​ប្រើប្រាស់​សក្តានុពល​របស់​ខ្លួន​ជា​អតិបរមា ដើម្បី​រួម​គ្នា​ពន្លឿន​កិច្ចអភិវឌ្ឍ​ជា​តិ​។​

​ពី​វេទិការ​អធិបតី​នេះ សម្ដេច​បាន​ផ្តល់​អនុសា​សន៍​មួយ​ចំនួន​ដល់​ក្រសួង ស្ថាប័ន​ជាតិ ផ្នែក​ឯកជន សង្គម​ស៊ីវិល ដៃគូ​អភិវឌ្ឍន៍ និង​អង្គការ​អន្តរជាតិ​ទាំងអស់ និង​ប្រជាពលរដ្ឋ​គ្រប់រូប ក្នុង​នោះ​ក្រសួង​ស្ថាប័ន​ពាក់ព័ន្ធ ត្រូវ​បញ្ចូល​សកម្មភាព​ដែល​ពាក់ព័ន្ធ​នឹង​ការងារ​បង្ការ​ទប់ស្កាត់ និង​ឆ្លើយតប​នឹង​អំពើ​ហិង្សា​លើ​ស្ត្រី​ទៅក្នុង​ផែនការ​សកម្មភាព​របស់​ក្រសួង ស្ថាប័ន​សាមី ដើម្បី​លើក​គម្រោង​ចំណាយ និង​ការពារ​ថវិកា​ជាមួយ​ក្រសួង​សេដ្ឋកិច្ច និង​ហិរញ្ញវត្ថុ​។​

​សម្ដេច​បាន​ផ្ដល់​អនុសា​សន៍​ឱ្យ​ក្រុមប្រឹក្សា​ជាតិ​កម្ពុជា​ដើម្បី​ស្ត្រី អង្គភាព​ពាក់ព័ន្ធ​នៃ​ក្រសួងមហាផ្ទៃ ត្រូវ​សហការ​ជាមួយ​ក្រសួង​កិច្ចការនារី ដើម្បី​ជំរុញ​ការបង្កើត​ក្រុម​ការងារ​ឆ្លើយតប​ជា​ពហុ​វិស័យ​ចំពោះ​អំពើហិង្សា​ទាក់ទង​នឹង​យេនឌ័រ នៅ​គ្រប់​រាជធានី​ខេត្ត​សំដៅ​ពង្រឹង​ការផ្តល់សេវា​ឆ្លើយតប​នឹង​អំពើហិង្សា​លើ​ស្ត្រី និង​ក្មេង​ស្រី​ប្រកបដោយ​គុណភាព មាន​ប្រសិទ្ធភាព និង​ទាន់​ពេលវេលា តាមរយៈ​ការធ្វើ​កិច្ចសហការ​គ្នា​នៃ​អ្នកផ្តល់​សេវា និង​អ្នកពាក់ព័ន្ធ​ទាំងអស់​។​

​សម្ដេច​បាន​ណែនាំ​ឱ្យ​បន្ត​ពង្រឹង​កិច្ចសហការ និង​ការទទួលខុសត្រូវ​ខ្ពស់​របស់​អ្នក​ផ្តល់​សេវា ក៏​ដូចជា​កិច្ច​សហការ​ល្អ និង​ជិតស្និទ្ធ​រវាង​នគរបាលជាតិ កងរាជអាវុធហត្ថ កងកម្លាំងប្រដាប់អាវុធ និង​អាជ្ញា​ធរមាន​សមត្ថកិច្ច​គ្រប់​លំដាប់ថ្នាក់​ជាមួយ​មន្ត្រី​នគរបាល​យុត្តិធម៌ និង​ភ្នាក់ងារនគរបាល​យុត្តិធម៌​របស់​ក្រសួង​កិច្ចការនារី​ប្រតិបត្តិ​ករ​ពាក់ព័ន្ធ​ទាំងអស់​ដែល​ធ្វើ​កិច្ច​អន្តរាគមន៍ ការផ្តល់​កិច្ចការពារ​និង​ការឆ្លើយតប​ជា​ពហុ​វិស័យ​ចំពោះ​អំពើហិង្សា​ទាក់ទង​នឹង​យេនឌ័រ​។​

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.