ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
ឯកឧត្តម អភិបាលរងខេត្តប៉ៃលិននិងជា គណ:កម្មការរដ្ឋបាលក្នុងតំបន់វិនិច្ឆ័យបាន អញ្ជើញចូលរួមប្រជុំ ចុះបញ្ជីលក្ខណៈជាប្រព័ន្ធ ==> លោក ហុក មុន នាយរងសង្កាត់រដ្ឋបាលជលផលឃុំពាមបាង ស្រុកស្ទោងខេត្តកំពង់ធំ បានច្រើនចោលទាំងស្រុងរាល់ការចុះផ្សាយព័ត៌មានមិនពិតពីសំណាក់ website online មួយចំនួន! ==> កម្លាំងអធិការដ្ឋានក្រុងប៉ោយប៉ែតចុះសម្អាតអនាម័យតាមដងផ្លូវនិងសួនច្បារតេជោ ឈ្នះ ឈ្នះ ត្រៀមអបអរពិធីបុណ្យចូលឆ្នាំខ្មែរប្រពៃណីជាតិ ==> យប់រំលងអាធ្រាត្រទៅហើយសង្ស័យជារឿងគំនុំ មានករណីបាញ់ស្រោចចូលក្នុងផ្ទះជាច្រើនគ្រាប់ ==> កម្លាំងនគរបាលក្រុងប៉ោយប៉ែត ចេញយាម ល្បាតតាមដងផ្លូវ និងទីប្រជុំជន ដើម្បីពង្រឹងសន្តិសុខ សណ្តាប់ធ្នាប់ ជូនប្រជាពលរដ្ឋ!!! ==> ​អភិបាលខេត្ត​ស្វាយរៀង ណែនាំ​ឱ្យ​បង្កើន​ការប្រុងប្រយ័ត្ន​គ្រោះ​អគ្គិភ័យ​នៅ​ឱ​កា​បុណ្យ​ចូលឆ្នាំថ្មី​ខាង​មុខ ==> មន្ត្រីរាជការ និង​មន្ត្រី​កិច្ចសន្យា​ចំនួន​២៧៦​នាក់ ធ្វើតេស្ត​ពិនិត្យ​រក​សារធាតុ​ញៀន​នៅ​សាលាខេត្ត​ស្វាយរៀង ==> ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! ==> ​រដ្ឋមន្ត្រី​ក្រសួង​បរិស្ថាន ចុះ​ពិនិត្យ និង​វាយតម្លៃ​ដោយ​ផ្ទាល់​លើ​គម្រោង​វិនិយោគ​ទេសចរណ៍​ចំនួន​១៣​កន្លែង ក្នុង​តំបន់ការពារធម្មជាតិ នៅ​ខេត្ត​ពោធិ៍សាត់ ==> ​បញ្ចុះ​ខណ្ឌសីមា ពុទ្ធា​ភិ​សេក និង​សម្ពោធ​សមិទ្ធិផល​នានា នៅ​វត្ត​សាល​វនរ​ង្សី តម្លៃ​ជិត​៥២​ម៉ឺន​ដុល្លារ​, តំណាងរាស្ត្រ មាស សុភា ថ្លែងថា ការកសាង​សមិទ្ធិផល​នេះ ជា​ចំណុច​វិជ្ជមាន នៃ​ការរីកចម្រើន​របស់​កម្ពុជា
0

សម្តេច​ក្រឡាហោម ស ខេង អំពាវនាវ​ឱ្យ​កងកម្លាំង​នគរបាលជាតិ មន្ត្រីរាជការ​ស៉ីវិល និង​មន្ត្រី​ពន្ធនាគារ បន្ត​យកចិត្តទុកដាក់​បំពេញ​ភារកិច្ច ជូន​ជាតិ និង​ប្រជាជន ក្នុង​ឆ្នាំ​២០២១

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

(​ភ្នំពេញ​)៖ សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង​មហាផ្ទៃ បាន​អំពាវនាវ​ដល់​កងកម្លាំង​នគរបាលជាតិ មន្ត្រីរាជការ​ស៉ីវិល និង​មន្ត្រី​ពន្ធនាគារ​គ្រប់​លំដាប់ថ្នាក់ បន្ត​យកចិត្តទុកដាក់​បំពេញ​ភារកិច្ច និង​បង្កើន​ស្មារតី​ម្ចាស់ការ​កាន់តែ​សកម្ម​ផុសផុល សំដៅ​រួមគ្នា​បង្កើត​នូវ​សមិទ្ធផល​ធំៗ និង​នាំមក​នូវ​ជោគជ័យ​ថ្មីៗ​ថែម​ទៀត ជូន​ជាតិ និង​ប្រជាជន ក្នុង​ឆ្នាំ​២០២១​។​

​នេះ​បើ​យោង​តាម​សារ​ជូនពរ​របស់ សម្តេច​ក្រឡាហោម ដែល​ផ្ញើ​ជូន កងកម្លាំង​នគរបាលជាតិ មន្ត្រីរាជការ​ស៉ីវិល និង​មន្ត្រី​ពន្ធនាគារ គ្រប់​លំដាប់​ថ្នាក់​នៅ​ទូទាំង​ព្រះរាជាណាចក្រ​កម្ពុជា ក្នុងឱកាស​ចូលឆ្នាំថ្មី ឆ្នាំ​សកល គ្រិស្ត​សករាជ ២០២១ ។​

​សារ​ជូនពរ​នេះ បានឲ្យដឹងថា តាង​នាម​ថ្នាក់ដឹកនាំ​ក្រសួងមហាផ្ទៃ និង​ក្នុងនាម​ខ្លួន​សម្តេច​ផ្ទាល់ សម្តេច​សូម​ចូលរួម​ជាមួយ​កងកម្លាំង​នគរបាលជាតិ មន្ត្រីរាជការ​ស៉ីវិល និង​មន្ត្រី​ពន្ធនាគារ​គ្រប់​លំដាប់​ថ្នាក់​នៅ​ទូទាំង​ព្រះរាជាណាចក្រ​កម្ពុជា អបអរសាទរ​ទទួល​ស្វាគមន៍​ឆ្នាំ​ថ្មី ឆ្នាំ​សកល គ្រិស្ត​សករាជ ២០២១​។
​សម្តេច​សូម​យក​ឱកាស​ដ៏​ថ្លៃថ្លា​នេះ សម្តែង​នូវ​ការកោតសរសើរ ប្រកប​ដោយ​មោទកភាព​យ៉ាង​ក្រៃលែង​ចំពោះ​ការលះបង់​ដ៏​ធំធេង​របស់​កងកម្លាំង​នគរបាលជាតិ មន្ត្រីរាជការ​ស៉ីវិល ក៏​ដូច​ជា​មន្ត្រី​ពន្ធនាគារ​គ្រប់​លំដាប់ថ្នាក់ ក្នុង​ការបំពេញ​ភារកិច្ច​ប្រកបដោយ​ស្មារតី​ទទួលខុសត្រូវ​ខ្ពស់ ក្នុង​បេសកកម្ម​បម្រើ​ជាតិ និង​ប្រជាជន​យ៉ាង​ស្មោះស្ម័គ្រ ដោយ​បាន​នាំមក​នូវ​ជោគជ័យ និង​សមិទ្ធផល​ធំៗ​ជាច្រើន ក្នុង​រយៈពេល​ពេញ​មួយឆ្នាំ​២០២០ ។​

​សម្តេច​ក៏​សូម​វាយតម្លៃ​ខ្ពស់​ចំពោះ​កិច្ចខិតខំ​ប្រឹងប្រែង និង​ការប្តេជ្ញា​ចិត្ត​ដ៏​មោះមុត​របស់​កងកម្លាំង​នគរបាលជាតិ មន្ត្រីរាជការ​ស៉ីវិល និង​មន្ត្រី​ពន្ធនាគារ​ទាំងអស់ ក្នុង​បុព្វហេតុ​នៃ​ការថែរក្សា​ការពារ​សន្តិសុខ សណ្តាប់ធ្នាប់​សាធារណៈ សុវត្ថិភាព​សង្គម និង​ការចូលរួម​បម្រើសេវា​សាធារណៈ​ជូន​ប្រជាពលរដ្ឋ ប្រកបដោយ​ការទទួលខុសត្រូវ​ខ្ពស់ ចំពោះ​វិជ្ជាជីវៈ​។

​ជាក់ស្តែង ខណៈ​ដែល​រាជរដ្ឋាភិបាល​កំពុង​យកចិត្តទុកដាក់​ដោះស្រាយ​បញ្ហា​ប្រឈម និង​ផលប៉ះពាល់​នានា ដែល​បង្កឡើង​ដោយ​ជំងឺ​កូវី​ដ​-១៩ និង​គ្រោះ​ធម្មជាតិ ក្នុង​រយៈពេល​កន្លង​ទៅ​នេះ កងកម្លាំង​នគរបាលជាតិ មន្ត្រីរាជការ​ស៉ីវិល និង​មន្ត្រី​ពន្ធនាគារ​គ្រប់​លំដាប់ថ្នាក់ បាន​ចូលរួមចំណែក​យ៉ាង​សស្រាក់សស្រាំ​ក្នុង​ការបង្ការ​ទប់ស្កាត់​គ្រោះមហន្តរាយ ជួយសង្គ្រោះ​អាយុជីវិត និង​ការពារ​ទ្រព្យសម្បត្តិ​របស់​ប្រជាពលរដ្ឋ​ក្នុង​គ្រា​ជួប​គ្រោះអាសន្ន ប្រកប​ដោយ​ឆន្ទៈ​យ៉ាង​ក្លៀវក្លា​មោះមុត​ជាទីបំផុត​។

​ផ្អែក​លើ​តឹកតាង​ជា​សារវន្ត​ទាំងនេះ ស្តែង​ឲ្យឃើញថា ការធានា​បាន​យ៉ាងរឹងមាំ​នូវ​សំន្តិភាព ស្ថិរភាព និង​សន្តិសុខ សម្រាប់​បម្រើ​ដល់​ការអភិវឌ្ឍ​សង្គមជាតិ ពិតជា​មិន​អាច​កាត់ផ្តាច់​បាន​ឡើយ ពី​ការរួមចំណែក​យ៉ាង​សំខាន់​ពី​សំណាក់​កងកម្លាំង​នគរបាលជាតិ មន្ត្រីរាជការ​ស៉ីវិល និង​មន្ត្រី​ពន្ធនាគារ​នៅ​ទូទាំង​ប្រទេស​។​
«​ជាមួយនឹង​ការកោតសរសើរ ប្រកប​ដោយ​មោទនភាព​នេះ ខ្ញុំ​ក៏​សូម​អំពាវនាវ​ដល់​កង​កម្លាំង​នគរបាល​ជាតិ មន្ត្រីរាជការ​ស៉ីវិល និង​មន្ត្រី​ពន្ធនាគារ​គ្រប់​លំដាប់ថ្នាក់ បន្ត​យកចិត្តទុកដាក់​បំពេញ​ភារកិច្ច និង​បង្កើន​ស្មារតី​ម្ចាស់ការ​កាន់តែ​សកម្ម​ផុសផុល សំដៅ​រួមគ្នា​បង្កើត​នូវ​សមិទ្ធផល​ធំៗ និង​នាំមក​នូវ​ជោគជ័យ​ថ្មីៗ​ថែម​ទៀត ជូន​ជាតិ និង​ប្រជាជន ក្នុង​ឆ្នាំ​២០២១»​។ នេះ​ជា​ការបញ្ជាក់​របស់​សម្តេច​ក្រឡា​ហោម ស ខេង​៕

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.