ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
សម្ដេច​ក្រឡាហោម ស ខេង អញ្ជើញ​ជា​អធិបតី​ពិធី​ប្រកាស ផ្សព្វផ្សាយ​ដាក់ឲ្យ​ប្រើប្រាស់​ជា​ផ្លូវការ ផែនការ​សកម្មភាព​ជាតិ ស្ដីពី ការទប់ស្កាត់​អំពើ​ហិង្សា​លើ​ស្ដ្រី​២០១៩-២០២៣ ==> ​អភិបាល​ខេត្ត​កំពង់ធំ អញ្ជើញ​ចូលរួម​ជា​អធិបតី​ក្នុង ពិធី​ប្រកាស​បញ្ជូ​ល សមាជិក​ថ្មី​នៃ គណបក្ស​ប្រជាជន​កម្ពុជា ចំនួន ៥៦០​នាក់ នៅ​ស្រុក​សណ្ដាន់​ ==> ​រដ្ឋបាល​ខណ្ឌដូនពេញ ចុះ​ប្រមូល​ស្ត្រី​រក​ស៊ី​ផ្លូវភេទ ដែល​ឈរ​នៅតាម​របង និង ក្រោម​ដើមឈើ រួមទាំង​អ្នក​គក​ជេរ​(​អ្នក​ចាប់​ម៉ូយ​) ជុំវិញ​រមណីយដ្ឋាន វប្បធម៌​ប្រវត្តិសាស្ត្រ​វត្តភ្នំ និង សួនច្បារ​មិត្តភាព​កម្ពុជា​-​ថៃ ==> ​រដ្ឋមន្ត្រី ខៀវ កាញារីទ្ធ ក្រើនរំលឹក​អ្នកសារព័ត៌មាន​ទាំងអស់ កុំទៅ​ថត​យក​ព័ត៌មាន​ក្នុង​ដែន​សមត្ថកិច្ច​ហាមឃាត់​, លោក​សូម​ឲ្យ​អាជ្ញាធ​រអាច​ឃាត់ខ្លួន បើ​មិន​ស្តាប់ ==> ​ឧត្តមសេនីយ៍ឯក រ័ត្ន ស្រ៊ាង អនុស្សាវរីយ៍ សិក្សា​ជំនាញ​ស៊ើប​ការណ៍ ប្រដាប់អាវុធ នៅ​វរ​:៧៦​ក្រាំ​តី​ ==> ក្រុមការងារ អាវុធហត្ថ​ខណ្ឌដង្កោ ចុះសួរសុខទុក្ខ មេបញ្ជាការ​ខណ្ឌ​របស់​ខ្លួន ដែល​មាន​ជំងឺ​កំពុង​សម្រាក​ព្យាបាល​នៅ​មន្ទីរពេទ្យ​ ==> កងរាជអាវុធហត្ថ​រាជធានី​ភ្នំពេញ ផ្តល់​សារ​អប់រំ​របស់​ក្រសួង​សុខាភិបាល ដល់កម្លាំងអាវុធហត្ថ​ ក៏ដូចជា អនុសាសន៍​ណែនាំ​របស់​លោកនាយ​ឧត្តមសេនីយ៍ សៅ សុខា ស្តី​ពី​វិធានការ​ទប់ស្កាត់​ជម្ងឺ​កូវី​ដ​-១៩ (Covid-19) ជាប់ជាប្រចាំ ==> ​អស្ចារ្យ​ណាស់ សម្តេច​តេជោ ប្រកាស​ចាក់​វ៉ាក់សាំង​មក​ពី​ចិន​មុនគេ ដើម្បីឲ្យ​ប្រជាពលរដ្ឋ​មាន​ទំនុកចិត្ត ==> ​ឯកឧត្តម វេង សាខុន សូម​អរ​ព្រះ​គុណ និង​អរគុណ​យ៉ាង​ជ្រាលជ្រៅ​បំផុត ចំពោះ សម្ដេច ឯកឧត្តម លោកជំទាវ លោក លោកស្រី ទាំងអស់​ ==> ​សម្ដេច​ក្រឡាហោម ស ខេង​៖ ត្រួតពិនិត្យ និង​លុបបំបាត់ឲ្យបា​នរាល់​ការប្រើប្រាស់​យាន​យន្ត​កែច្នៃ​បំពង់​ស៊ី​ម៉ាំង ឬ​ដោះ​បំពង់ ស៊ី​ម៉ាំង និង​ណែនាំ​ដល់​អ្នក​បញ្ជ​យានយន្ត​បង្ក​សម្លេង​រំខាន​ដល់​ប្រជាពលរដ្ឋ​
0

លោក ឃួ​ង ស្រេង​៖ នៅ​ដើម​រដូវប្រាំង​ឆ្នាំ​២០២១ អាជ្ញាធរ​នឹង​ចាប់ផ្តើម​អភិវឌ្ឍន៍​ស្ថានីយ​បូមទឹក​បឹងទំពុន ធ្វើយ៉ាងណា​កុំឲ្យ​មាន​ការជន់​លិច​នៅ​ពេលខា​ង​មុខ​ទៀត

លោក ឃួ​ង ស្រេង​៖ នៅ​ដើម​រដូវប្រាំង​ឆ្នាំ​២០២១ អាជ្ញាធរ​នឹង​ចាប់ផ្តើម​អភិវឌ្ឍន៍​ស្ថានីយ​បូមទឹក​បឹងទំពុន  ធ្វើយ៉ាងណា​កុំឲ្យ​មាន​ការជន់​លិច​នៅ​ពេលខា​ង​មុខ​ទៀត

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

(​ភ្នំពេញ​)៖ លោក ឃួ​ង ស្រេង អភិបាល​រាជធានី​ភ្នំពេញ បាន​លើកឡើង​ថា រដ្ឋបាល​រាជធានី​ភ្នំពេញ មាន​ផែនការ​បំពាក់​ម៉ាស៊ីនបូមទឹក​ថ្មី​ទំហំ​១​ម៉ែត្រ​កន្លះ ១​គ្រឿង និង​ទំហំ​១​ម៉ែត្រ​២​តឹក ចំនួន​២​គ្រឿង រួម​ទាំង​ការស្តារ​ប្រឡាយ​ទឹក​ឱ្យ​កាន់តែ​ធំ និង​ជីក​បុក​ស៊ី​ផាយ អម​សងខាង​ប្រឡាយ នៅ​ស្ថានីយ​បូមទឹក​បឹងទំពុន ដើម្បី​ពន្លឿន​ការបូមទឹក​ឱ្យ​បានលឿ​ន បញ្ចៀស​ការលិចលង់​ដោយ​ជំនន់​ទឹក​ទឹកភ្លៀង​នៅ​ឆ្នាំក្រោយៗ​នោះ​។​

​ការសម្រេច​លើក​ផែនការ​បំពាក់​ម៉ា​ស៊ី​បូមទឹក​ថ្មី រួម​ទាំង​ការស្តារ​ប្រឡាយ​នៅ​ស្ថានីយ​បូមទឹក​បឹងទំពុន​នេះ បាន​ធ្វើឡើង​នៅក្នុង​កិច្ចប្រជុំ​ស្ដីពី​ការអភិវឌ្ឍ​ស្ថានីយ​បូម​បឹងទំពុន នៅ​សង្កាត់​បឹងទំពុន​ទី​១ ខណ្ឌមានជ័យ នា​ព្រឹក​ថ្ងៃទី​២៧ ខែវិច្ឆិកា ឆ្នាំ​២០២០ ក្រោម​អធិបតី​លោក ឃួ​ង ស្រេង​។​

​លោក​អភិបាល​រាជធានី បាន​បន្តថា បន្ទាប់​ពី​ឆ្នាំ​នេះ​ស្ថានភាព​ទឹកភ្លៀង​ធ្លាក់​ខ្លាំង រួមទាំង​សមត្ថភាព​បូមទឹក​នៅមាន​កម្រិត បាន​ធ្វើឱ្យ​តំបន់​មួយចំនួន​រង​ការ​ជន់​លិច​ដោយសារ​ជំ​នន​ទឹកភ្លៀង ដែល​បង្ក​ការរំខាន​ដល់​ជីវភាព​រស់នៅ​របស់​ប្រជាពលរដ្ឋ​។​

​អភិបាល​រាជធានី​ភ្នំពេញ បាន​ថ្លែងថា «​ស្ថានីយ​បូមទឹក​បឹងទំពុន​នេះ បាន​ទទួល​ទឹក​ពី​ផ្ទៃ​រង​ទឹកភ្លៀង​ជាច្រើន ដូចជា ហូរ​ពី​បឹង​សាឡាង តំបន់​ម៉ុង​ឌី​យ៉ាល់ ផ្លូវ​២៦១ សង្កាត់​ទឹកល្អក់​៣ ខណ្ឌ​ទទួល​គោក តំបន់​លូ​ប្រាំ ស្ទឹងមានជ័យ និង​មួយ​ផ្នែក​ទៀត នៃ​ខណ្ឌ​ពោធិ៍​សែន​ជ័យ ដូច្នេះ​ទាមទារ​ឱ្យមាន​ការអភិវឌ្ឍ​ឡើងវិញ ដើម្បី​មាន​សមត្ថភាព​រំដោះ​ទឹក​បាន​លឿន​»​។​

​លោក​បាន​បញ្ជាក់ថា «​អាជ្ញាធរ​នឹង​ចាប់ផ្តើម​អភិវឌ្ឍន៍​ស្ថានីយ​បូមទឹក​នេះ ចាប់ពី​ដើម​រដូវប្រាំង​ឆ្នាំ​២០២១​នេះ​តទៅ ដើម្បី​ធ្វើ​យ៉ាងណា​កុំ​មាន​ការ​ជន់​លិច​នៅ​ឆ្នាំ​២០២១ ខាង​មុខ​ត​ទៀត​»​។​

​លោក​អភិបាល​រាជធានី បញ្ជាក់ថា ថ្ងៃ​នេះ​ដែល​រដ្ឋបាល​រាជធានី រៀបចំ​ប្រជុំ​ដើម្បី​ធ្វើ​កិច្ច​ការងារ​បន្ថែមទៀត​រួមមាន​៖
*​ទី​១៖ ត្រូវ​សិក្សា​បន្ថែម​ពី​ស្ថានីយ​បូម​
*​ទី​២៖ ត្រូវ​រៀបចំ​បុក​ស៊ី​ផាយ ស្តារ​អាង​ស្តុក​ទឹក​ឡើងវិញ​។ នេះ​ជា​ចំណុច​សំខាន់​ធ្វើ​យ៉ាងណា​ឱ្យ​ទឹក​ទៅដល់ ហើយ​មាន​ទឹក​បូម​នៅ ស្ថានីយ​មាន​សមត្ថភាព​បូមទឹក​នេះ​ទាន់ពេលវេលា ធ្វើយ៉ាងណា​កុំ​ឱ្យ​លិច​។​

​ក្នុងនោះ​លោក សាំ ពិសិដ្ឋ ប្រធាន​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ បាន​ថា ស្ថានភាព​ម៉ាស៊ីនបូមទឹក​បឹងទំពុន​បច្ចុប្បន្ន ដំណើរការបាន ៦​គ្រឿង ដែល​៤​គ្រឿង​ជា​ម៉ាស៊ីន​ចាស់​អាច​បូម បាន​១០​ម៉ែត្រគូប​ក្នុង​មួយ​វិនាទី និង​ម៉ាស៊ីន​ថ្មី​ចំនួន​២​គ្រឿង អាច​បូ​ប​បាន​ចំនួន​៥ ម៉ែត្រគូប​ក្នុង​មួយ​វិនាទី ដែល​សរុប​ទាំងអស់​១៥​ម៉ែត្រគូប​ក្នុង​មួយ​វិនាទី ដូចនេះ​មិន​បំពេញ​សេចក្តីត្រូវការ​បានឡើយ​។​

​លោក​បាន​បន្តថា តាម​ការសិក្សា​បានឱ្យដឹងថា ផ្ទៃ​រងទឹក​ភ្លៀង​ដែល​ហូរ​ទៅ​ស្ថានីយ​បឹងទំពុន​មាន​ទំហំ ៣០៣២​ហិកតា ប្រសិនបើ​ទឹកភ្លៀង​៣០​មី​លី​ម៉ែត្រ ក្នុង​មួយ​ម៉ោង នោះ​ចំនួន​ទឹកភ្លៀង នឹង​កើនឡើង ជាង​៩​សែន​៩​ពាន់​ម៉ែត្រគូប ភ្លៀង​៤០​មី​លី​ម៉ែត្រ ក្នុង​មួយ​ម៉ោង បរិមាណ​ទឹក​ជាង​១​លាន​២​សែន និង​ប្រសិនបើ​ភ្លៀង​ខ្លាំង​៦០ មី​លី​ម៉ែត្រ​ក្នុង​មួយ​ម៉ោង​នោះ បរិមាណ​ទឹក ជាង​១​លាន​៨​សែន ម៉ែត្រគូប ដូច្នេះ​បរិមាណ​នេះ​មិន​ទាន់​ឆ្លើយតប​នឹង​ម៉ាស៊ីនបូមទឹក​នោះទេ​។​

​លោក​បាន​បន្តថា ដើម្បី​ដោះ​បញ្ហា​ទឹក​ជំនន់​ទឹកភ្លៀង​នៅ​តំបន់​ស្ថានី​បូមទឹក​បឹងទំពុន​នេះ គឺ​ត្រូវ​អនុវត្ត​វិធានការ​ចំនួន​៦​ចំណុច​។​

​ប្រធាន​មន្ទីរ​បញ្ជាក់​ទៀត​ថា រដ្ឋបាល​រាជធានី​មាន​វិធានការ​ចំនួន​៦ ដើម្បី​ដោះស្រាយ​បញ្ហា​ទឹក​នេះ​រួមមាន​៖
*​ទី​១៖ បង្កើន​សមត្ថភាព​បូម​ទឹក ពី​១៥ ម៉ែត្រគូប ទៅ​២៧​ម៉ែត្រគូប​
*​ទី​២៖ ជីក​ស្តារ​អាង​ស្តុក​ទឹក​បឹង​តូច​ទំហំ ១២​ហិកតា​ឱ្យបាន​ជ្រៅ និង​បុក​ស៊ី​ប​ផាយ​ការពារ​
*​ទី​៣៖ ជីក​ស្តារ​ភក់​សំរាម​ឱ្យបាន​ជា​ប្រចាំ​
*​ទី​៤៖ ជួសជុល​ស្ពាន​នៅ​អម​សង​សាង​ប្រឡាយ​
*​ទី​៥៖ បង្កើន​សមត្ថភាព​បូម​ទឹក​នៅ​ស្ថានីយ​ឡូ​ប្រាំពី​៨​ម៉ែត្រគូប ទៅ​២០​ម៉ែត្រគូប​
*​ទី​៦៖ ត្រូវ​បំពាក់​ម៉ាស៊ីនភ្លើង​ដែល​មាន​កម្លាំង​៣​ពាន់​កា​វ៉េ​ហា ដើម្បី​ការពារ​នៅពេល​ដាច់​ចរន្ត​អគ្គិសនី​។​

​សូមបញ្ជាក់​ថា តាម​ផែនការ​អភិវឌ្ឍ​ស្ថានីយ​បូមទឹក​បឹងទំពុន​នេះ គ្រោង​ប្រើប្រាស់​រយៈពេល​៩​ខែ ដោយ​ចាប់ផ្តើម​អនុវត្ត​ចាប់​ពី​ខែ​ធ្នូ ឆ្នាំ​២០២០​នេះ​តទៅ​៕

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!