ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
លោក​ សុខ​ ពេញវុធ ប្រធានគណៈបញ្ជាការឯកភាពខណ្ឌដូនពេញ ចុះផ្សព្វផ្សាយអនុុវតន៍រឹតបន្តឹងសន្តិសុខ សណ្តាប់ធ្នាប់ អនាមយ័ ក្នុងខណ្ឌដូនពេញ ==> ឧត្តមសេនីយ៍ត្រី អេង ហ៊ី ៖ ឈ្មោះ ឡោ ប៊ុនភ័ក្ត្រ នេះពុំមានឈ្មោះ ក្នុងក្របខណ្ឌកងរាជអាវុធហត្ថនោះទេ! ==> អាវុធហត្ថរាជធានីភ្នំពេញ សម្តែងនូវការថ្លែងអំណរគុណចំពោះ លោក គឹម រតនៈ ម្ចាស់បុរី ប៊ុន លី បឹងតាម៉ាត  ==> ក្រុមប្រឹក្សាសកម្មភាពជនពិការបើកវគ្គបណ្ដុះបណ្ដាល «ជំនាញកសាងផែនការ» ដល់សមាជិកក្រុមប្រឹក្សាសកម្មភាពជនពិការក្នុងខេត្តចំនួន៥ ==> លោក ឃួង ស្រេង នាំអំណោយសម្តេចតេជោយកទៅចែកជូនពលរដ្ឋជាង៥០០គ្រួសារ ដែលទទួលរងការលិចលង់ដោយទឹកជំនន់ទំនប់ព្រែកត្នោត ==> នាយឧត្តមសេនីយ៍ វង្ស ពិសេន អញ្ជើញជាអធិបតីក្នុងពិធីបិទវគ្គបណ្តុះបណ្តាលភាសាចិន នៅវិទ្យាស្ថានកងទ័ពជើងគោក ==> គ.ជ.ប ចេញសេចក្តីប្រកាសព័ត៌មានស្តីពីលទ្ធផលបណ្តោះអាសន្ន រយៈពេល ១៥ថ្ងៃ នៃការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២១ ==> មន្ត្រីជំនាញនៅខេត្តរតនគីរី ចុះពិនិត្យដំណាំស្រូវ, សណ្តែកសៀង, ដំឡូងមី, ស្វាយចន្ទី ដែលរងការខូចខាតដោយសារទឹកជំនន់ ==> លោករដ្ឋមន្ត្រី លឹម គានហោ បានបន្តបេសកកម្មអន្តរាគមន៍ នៅចំនុចទំនប់បាក់លើសណ្តរស្ទឹងព្រែកត្នោត ត្រង់ចំនុចភូមិកន្ទុយទឹក ជាប់ព្រំប្រទល់ភូមិក្រាំង និងភូមិសាលា សង្កាត់ទៀន ខណ្ឌដង្កោ រាជធានីភ្នំពេញ ==> មន្ទីរប្រឆាំងបទល្មើសគ្រឿងញៀនបានរៀបចំកិច្ចប្រជុំ ស្តីពីការបូកសរុបលទ្ធផលការងារប្រឆាំងការសម្អាតប្រាក់ ដែលជាផលនៃបទល្មើសគ្រឿងញៀន និងផ្សព្វផ្សាយទិសដៅបន្ត ក្រោមអធិបតីភាពនាយឧត្តមនាយសេនីយ៍ ម៉ក់ ជីតូ
0

​ល្បែងស៊ីសង​កើតឡើង​យ៉ាង​ពេញបន្ទុក ធ្វើឲ្យ​ប៉ះពាល់​យ៉ាងខ្លាំង​ដល់​សន្តិសុខ​សង្គម​

​ល្បែងស៊ីសង​កើតឡើង​យ៉ាង​ពេញបន្ទុក ធ្វើឲ្យ​ប៉ះពាល់​យ៉ាងខ្លាំង​ដល់​សន្តិសុខ​សង្គម​

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

​ភ្នំពេញ ៖​ប្រភព​ថ្មីៗ​នេះ​ពី​ប្រជាពលរដ្ឋ​នៅក្នុង​សង្កាត់​ផ្សារ​ដើមថ្កូវ និង​សង្កាត់​បឹងត្របែក ខណ្ឌចំការមន បានឲ្យដឹងថា បច្ចុប្បន្ន​ល្បែងស៊ីសង​ក្នុង​មូលដ្ឋាន​ពួកគាត់ ជាពិសេស​ហ្គេម​បាញ់​ត្រី និង​ល្បែងភ្នាល់​តាម​ប្រព័ន្ធ​អន​ឡាញ​ជ្រក​ក្រោម​យីហោ​ហាង​អ៊ី​ន​ធឺ​ណេត​កើតឡើង​យ៉ាង​ពេញបន្ទុក ធ្វើឲ្យ​ប៉ះពាល់​យ៉ាងខ្លាំង​ដល់​សន្តិសុខ​សង្គម​។ ប្រជាពលរដ្ឋ​បាន​រិះគន់​ចំៗ​ថា លោក ថេង សុ​ថុល អភិបាល​ខណ្ឌ​ចំការមន និង​លោក យិន សាន អធិការ​នគរបាល​ខណ្ឌចំការមន រក្សា​ភាព​ស្ងៀមស្ងាត់​ទុក​ឲ្យ​ល្បែងស៊ីសង​ខុសច្បាប់​រាលដាល​ពេញ​ទឹកដី​ខណ្ឌ​ចំការមន តែម្ដង​។ ហេតុនេះហើយ​ទើប​ប្រជាពលរដ្ឋ​អំពាវនាវ​ដល់​ឯកឧត្តម ឃួ​ង ស្រេង អភិបាល​រាជធានី​ភ្នំពេញ និង​ឯកឧត្តម ស ថេត ស្នងការ​នគរបាល​រាជធានី​ភ្នំពេញ បង្ក្រាប​ល្បែងស៊ីសង​ខុស​ច្បាប់​ក្នុង​ទឹកដី​ខណ្ឌ​ចំការមន​ជាបន្ទាន់ ដើម្បី​ពង្រឹង​សន្តិសុខ​សង្គម​។​

​សេចក្ដីរាយការណ៍​ពី​ប្រជាពលរដ្ឋ​នៅក្នុង​សង្កាត់ ផ្សារ​ដើមថ្កូវ បានឲ្យដឹងថា នៅ​ខាងក្រោយ​ទីតាំង​អធិការដ្ឋាន​នគរបាល​ខណ្ឌចំការមន ផ្លូវ​៩៧​អា សង្កាត់​ផ្សារ​ដើមថ្កូវ មាន​គេ​បើក​ល្បែង​ហ្គេម​បាញ់​ត្រី​យ៉ាង​ពេញបន្ទុក​ដោយ​គ្មាន​មន្ត្រី​អាជ្ញាធរ​ឬ​សមត្ថកិច្ច​ណា​បង្ក្រាប​ទាល់តែសោះ​។ ប្រជាពលរដ្ឋ​បានឲ្យដឹង​ទៀត​ថា នៅ​តំបន់​ដែល​មាន​ល្បែង​ហ្គេម​បាញ់​ត្រី​យ៉ាង​រាលដាល​នោះ គឺជា​ទីតាំង​ប្រមូលផ្ដុំ​ចែកចាយ​ជួញដូរ​ប្រើប្រាស់​គ្រឿងញៀន​និង​ជា​តំបន់​សុខសាន្ត​របស់​ក្រុមចោរ​លួច ចោរ​ប្លន់​ទៀត​ផង​។ ក៏​ប៉ុន្តែ​ទាំង​លោក ថេង សុ​ថុល អភិបាល​ខណ្ឌ​ចំការមន និង​លោក យិន សាន អធិការ​នគរបាល​ខណ្ឌចំការមន នាំគ្នា​ដេកលក់​ស្ងាត់ឈឹង​ធ្វើ​មិនដឹងមិនឮ​អ្វី​ទាំងអស់​។ ប្រជាពលរដ្ឋ​សង្ស័យថា មន្ត្រី​អាជ្ញាធរ​និង​សមត្ថកិច្ច​ថ្នាក់​សង្កាត់ ក៏​ដូចជា​ថ្នាក់​ខណ្ឌ សម្ងំ​ទទួល​ផលប្រយោជន៍​ពី​ក្រុម​ជន​បើក​ល្បែងស៊ីសង​ខុសច្បាប់​ទើប​មិន​ចាត់វិធានការ​បង្ក្រាប​ល្បែងស៊ីសង​ខុសច្បាប់​ឲ្យស្រប​ទៅ​តាម​គោលនយោបាយ​ភូមិ​-​ឃុំ មាន​សុវត្ថិភាព​ទាំង​៩​ចំណុច​។​

​ចំណែក​ប្រជាពលរដ្ឋ​នៅក្នុង​សង្កាត់​បឹងត្របែក ក៏​បានឲ្យ​ដឹង​ដែរថា នៅតាម​ផ្លូវ​មួយចំនួន​ល្បែងភ្នាល់​តាម​ប្រព័ន្ធ​អន​ឡាញ​ជ្រក​ក្រោម​យីហោ​ហាង​អ៊ី​ន​ធឺ​ណេត នៅ​តែ​កើត​ឡើង​យ៉ាង​ពេញបន្ទុក ព្រោះ​លោក ថេង សុ​ថុល អភិបាល​ខណ្ឌ​ចំការមន និង​លោក យិន សាន អធិការ​នគរបាល​ខណ្ឌចំការមន មិន​ចាត់​វិធានការ​បង្ក្រាប​ឡើយ​។ ជាង​នេះ​ទៅទៀត​នៅ​ក្នុង​ទឹកដី​សង្កាត់​បឹងត្របែក ក៏​ដូច​ជា​សង្កាត់​ផ្សារ​ដើមថ្កូវ សង្កាត់​ទួល​ទំពូង​ទី​១ និង​សង្កាត់​ទួល​ទំពូង​ទី​២ ក៏​មាន​អំពើ​ចោរកម្ម ក៏​ដូច​ជា​បទល្មើស​គ្រឿងញៀន​គួរឲ្យ​ព្រួយបារម្ភ​ផងដែរ ព្រោះ​មន្ត្រី​អាជ្ញាធរ​និង​សមត្ថកិច្ច​ក​ក្នុង​ខណ្ឌ​ចំការមន មិន​ចាត់វិធានការ​ទប់ស្កាត់​ឬ​បង្ក្រាប​ប្រកបដោយ​ប្រសិទ្ធភាព​ទាល់តែសោះ​។ ដូច្នេះហើយ​ទើប​ប្រជាពលរដ្ឋ​ក្នុង​ខណ្ឌ​ចំការមន អំពាវនាវ​ដល់​ឯកឧត្តម ឃួ​ង ស្រេង អភិបាល​រាជធានី​ភ្នំពេញ និង​ឯកឧត្តម ស ថេត ស្នងការ​នគរបាល​រាជធានី​ភ្នំពេញ ឲ្យ​ចាត់វិធានការ​បង្ក្រាប​ល្បែងស៊ីសង​ខុសច្បាប់​និង​បទល្មើស​ផ្សេងៗ​ជាបន្ទាន់ ដើម្បីឲ្យ​ប្រជាពលរដ្ឋ​មាន​ភាពកក់ក្ដៅ​ក្នុង​ការរស់នៅ​និង​ប្រកប​របរ​ចិញ្ចឹមជីវិត​ប្រចាំ​ថ្ងៃ​យ៉ាង​សប្បាយៗ​៕
(ដោយ គេហទំព័រ កម្ពុជាអភិវឌ្ឍន៍)
www.kap-news.com
077797952/0887797952
WhatsApp=012580455

Filed in: ព័ត៌មានជាតិ, ព័ត៌មាន​សំខាន់ៗ, សូម​ជួយ​ស៊ើប​អង្កេត

Recent Posts

Leave a Reply

Submit Comment
Daily Theme designed by Theme Junkie.