ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
មេ​គយ​ខេត្តបាត់ដំបង លោក យូ ហេង និង​បក្ខពួក​ឃុបឃិត​គ្នា​ប្រព្រឹត្ត​អំពើ​ពុករលួយ​ដើម្បី​ផលប្រយោជន៍​ផ្ទាល់ខ្លួន​ ==> ​ពិធី​ប្រកាស​ចូល​កាន់​មុខតំណែង​ជា​ប្រធាន​មន្ទីរ​រៀបចំ​ដែនដី នគររូបនីយកម្ម​ជំនួស​លោក ប្រាក់ ប៉ូ​លី ទៅ​បំពេញ​ភារកិច្ច នៅឯ​ក្រសួង​ ==> ឃាត់ខ្លួន​ជនសង្ស័យ ០១ នាក់ ដែល​បាន​ធ្វើ​សកម្មភាព លួច យក​ទូរ​សព្ទ័​ដៃ​នៅក្នុង​មន្ទីរពេទ្យបង្អែក​ខេត្ត​បាត់ដំបង​ ==> ដើម្បី​គ្រប់គ្រង​និង​ថែរក្សា​ធនធានធម្មជាតិ​របស់​រដ្ឋ​ឲ្យបាន​គង់វង្ស​អាជ្ញាធរ​និង​ជំនាញ​ពាក់ព័ន្ធ​ត្រូវ​សហការ​គ្នា​ទប់ស្កាត់​កុំឲ្យ​មាន​ការកាប់​ទន្ទ្រាន​ ==> បទល្មើសរ​បាំង​លប​ក្នុង​និង​ក្រៅ​តំបន់​អភិរក្ស​រដូវ​បិទ​នេសាទ​កក្រើក​ផ្ទៃ​ទឹក​ឃុំ​ផ្លូវ​ទូក​ស្រុក​កំពង់លែង​ខេត្ត​កំពង់ឆ្នាំង​ ==> ​បុណ្យ​ឆ្លង​វិមាន​តេជះ​ព្រះ​គោ​ជើង​ប្រាំ​នៅ វត្ត​ពោធិ​មា​រាម​ហៅ​វត្ត​ប៉ា​ហ៊ី​ ==> ក្រុមការងារ​គ្រូពេទ្យ​ស្ម័គ្រចិត្ត​លោក ហ៊ុន ម៉ា​នី ជាង​៥០០​នាក់ បន្ត​ចុះ​ព្យាបាល​ជូន​ប្រជាពលរដ្ឋ​ជិត​៥​ពាន់​នាក់ ដោយ​ឥតគិតថ្លៃ នៅ​ស្រុក​ទឹកឈូ ខេត្ត​កំពត​ ==> ​ឯកឧត្តម ជា សុផារ៉ា​និង​ឯកឧត្តម គន់ គីម​ព្រមទាំង​ក្រុមការងារ កាកបាទក្រហមកម្ពុជា នាំយក​អំណោយ​សម្តេច​កិត្តិ​ព្រឹទ្ធ​បណ្ឌិត​ចែក​អំណោយ​ជូន​ប្រជាពលរដ្ឋ​២៥៣៩​គ្រួសារ នៅ​ខេត្ត​ត្បូងឃ្មុំ​ ==> ​ពលរដ្ឋ​ជា​អ្នករ​កស៊ីដឹក​ទំនិញ​តាម​ព្រំដែន​ព្រែក​ចាក នាំគ្នា​ទៅ​បិទ​ផ្លូវ​នៅ​មុខ​ស្នាក់ការ​គយ​ចល័ត​ដើម្បី​សុំ​ឲ្យ​ស្ថាប័ន​មួយ​នេះ​បញ្ចុះ​តម្លៃ​សេវា​ដឹកជញ្ជូន​ ==> ​ឯកឧត្តម វង សូ​ត រដ្ឋមន្ត្រី​ក្រសួង​សង្គមកិច្ច អតីតយុទ្ធជន និង​យុវនីតិសម្បទា និង​លោកជំទាវ ព្រមទាំង​ថ្នាក់ដឹកនាំ​គ្រប់​ជាន់ថ្នាក់ និង​មន្ត្រីរាជការ បាន​អញ្ជើញ​ចូលរួម​កាន់បិណ្ឌ​ទី​២ នៅ​វត្ត​សារា​វ័ន​តេជោ
0

​អភិបាលខេត្ត​ប៉ៃលិន ជំរុញ​ដល់​មន្ត្រី​ជំនាញ​ពាក់ព័ន្ធ ត្រូវ​យកចិត្តទុកដាក់​ត្រួតពិនិត្យ​បច្ចេកទេស​គុណភាព និង​ច្បាប់​សាងសង់​សំណង់​អាគារ​នានា ក្នុង​ខេត្ត​

(​ប៉ៃលិន​)៖ ក្នុង​កិច្ចប្រជុំ​ផ្សព្វផ្សាយ លើ​ការងារ​គ្រប់គ្រង​សំណង់​អាគារ ដល់​ម្ចាស់​ក្រុមហ៊ុន​សំណង់​ក្នុង​ខេត្ត នា​ថ្ងៃ​ទី​០៣ ខែ​កញ្ញា ឆ្នាំ​២០១៩ លោក ផាន់ ចាន់​ធុល អភិបាលខេត្ត​ប៉ៃលិន បាន​ជំរុញ​ដល់​មន្ត្រី​ជំនាញ​ពាក់ព័ន្ធ ជា​ពិសេស​មន្ត្រី​ជំនាញ នៃ​មន្ទីរ​រៀបចំ​ដែនដី នគ​រូ​នីយកម្ម​សំណង់ និង​សូរិយោដី​ខេត្ត ត្រូវ​យកចិត្តទុកដាក់​ត្រួតពិនិត្យ បច្ចេកទេស​គុណភាព និង​ច្បាប់​សាងសង់​សំណង់​អាគារ​នានា​ក្នុង​ខេត្ត​ឲ្យបាន​ត្រឹមត្រូវ​ច្បាស់លាស់ ស្រប​តាម​បទដ្ឋាន​គតិយុត្តិ ស្តង់ដារ​សំណង់ ស្តង់ដារ​សុវត្ថិភាព និង​គុណភាព​សំណង់ នៅតាម​ការដ្ឋាន​សំណង់ នៅក្នុង​ខេត្ត និង​ពិនិត្យមើល​លក្ខណសម្បត្តិ​របស់​ក្រុមហ៊ុន​ម៉ៅការ​សាងសង់ តាម​ការដ្ឋាន​សំណង់​។​

​លើស​ពី​នោះ​ទៅ​ទៀត លោក ផាន់ ចាន់​ធុល បាន​បន្ថែមថា ជា​ពិសេស​ត្រូវ​ណែនាំ ដល់​ម្ចាស់​ក្រុមហ៊ុន​សំណង់​ទាំងអស់ ឲ្យចូល​រួមសហការ​ធ្វើ​ប្លង់​ដី និង​ច្បាប់​សាងសង់ ដើម្បី​ឲ្យ​មន្ត្រី​ជំនាញ​ធ្វើការ​ត្រួតពិនិត្យ ការងារ​សង​សង់ ប្រកប​ទៅ​ដោយ​គុណភាព​រឹងមាំ សំដៅ​ទប់ស្កាត់ ការពារ កុំ​ឲ្យ​ប៉ះពាល់ ដល់​អាយុជីវិត និង​បាត់បង់​ទ្រព្យសម្បត្តិ​របស់​បងប្អូន​ប្រជាព​ល​រដ្ឋ​។​

​លោក​អភិបាលខេត្ត បានបញ្ជាក់​ថា រាជរដ្ឋាភិបាល​កម្ពុជា ដែលមាន​សម្តេច​តេជោ សែន ជា​នាយករដ្ឋមន្ត្រី បាន​ដាក់ចេញ​នូវ​ផែនការ​ដល់​រាជធានី​-​ខេត្ត​ទាំង​២៥ ទូទាំង​ប្រទេស ត្រូវ​ចាត់វិធានការ​ផ្លូវច្បាប់ លើ​ការងារ​សាងសង់ ដើម្បី​ធានា​ដល់​ការប្រើប្រាស់​សំណង់ ឲ្យបាន​ត្រឹមត្រូវ​តាម​បទដ្ឋាន​គតិយុត្ត និង​បទដ្ឋាន​បច្ចេកទេស​សំណង់ ព្រមទាំង​ធានា​ដល់​គុណភាព និង​សុវត្ថិភាព​សំណង់​សុខុមាលភាព​ម្ចាស់​សំណង់ និង​អ្នកប្រើប្រាស់ រួម​ទាំង​សាធារណៈជន​ផងដែរ​។​

​នៅក្នុង​ឱកាស​នោះ លោក ផាន់ ចាន់​ធុល ក៏​បាន​ណែនាំ​ដល់​ក្រុមហ៊ុន​សាងសង់​ទាំង​អស់ នៅក្នុង​ខេត្ត​ត្រូវធ្វើ​ច្បាប់​ឲ្យបាន​ត្រឹមត្រូវ ឆ្លើយតប​ទៅនឹង​បទដ្ឋាន​បច្ចេកទេស​សំណង់ ព្រមទាំង​មាន​ការទទួលខុសត្រូវ និង​ត្រួតពិនិត្យ ការដ្ឋាន​សាងសង់​របស់​ខ្លួន​ឲ្យបាន​ហ្មត់ចត់ ចៀសវាង​ការធ្វេសប្រហែស ដែល​អាច​បង្ក​គ្រោះថ្នាក់​ជា​យថាហេតុ ហើយ​ក្នុងករណី​រកឃើញថា ក្រុមហ៊ុន​សំណង់​ណាមួយ ដែល​ធ្វើ​ការសាងសង់ ដោយ​មិន​មាន​លិខិតអនុញ្ញាត​តាម​ផ្លូវច្បាប់ ក្រុមហ៊ុន​និង​ម្ចាស់​សំណង់ នឹង​ត្រូវ​ទទួលខុសត្រូវ​ចំពោះមុខ​ច្បាប់​។​

​សូមបញ្ជាក់​ថា នា​ពេល​ថ្មីៗ​កន្លងទៅនេះ មន្ត្រី​ជំនាញ​ចម្រុះ បាន​ធ្វើ​ការចុះ​ត្រួតពិនិត្យ លើ​សំណង់​អាគារ​ចំនួន​១០ រកឃើញ​សំណង​អាគារ​ចំនួន​៥ មិនទាន់មាន​ច្បាប់​បទដ្ឋាន​គតិយុត្តិ និង​បទដ្ឋាន​បច្ចេកទេស​សំណង់​ត្រឹមត្រូវ​៕

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!