ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
រដ្ឋមន្ត្រី វង សូ​ត បង្ហាញ​ពី​សកម្មភាព​របស់​កម្ពុ​ជា ដែល​កំពុង​អនុវត្ត​លើ​សុខុមាលភាព​សង្គម និង​អភិវឌ្ឍន៍ ដើម្បី​ផ្លាស់ប្តូរ​បទពិសោធន៍ ជាមួយ​ប្រទេស​សមាជិក​អាស៊ាន​ ==> ​រដ្ឋបាល​ខេត្ត​កំពត ទុកពេល​១៥​ថ្ងៃ ឲ្យ​អាជ្ញាធរ​ស្រុក​កំពង់ត្រាច ចុះ​សិក្សា​រាល់​បញ្ហា​ពាក់ព័ន្ធ​នឹង​សំណូមពរ​របស់​ពលរដ្ឋ រួច​រាយការណ៍​ជូន​ក្រុមប្រឹក្សា​ខេត្ត និង​គណៈ​អភិបាលខេត្ត​ ==> ​រដ្ឋបាល​ខណ្ឌ​ដូនពេញ​បើក​កិច្ចប្រជុំ​ការងារ​ពាក់ព័ន្ធ​មួយចំនួន​របស់​ក្រុមប្រឹក្សា​ខណ្ឌ អាណត្តិ​ទី​២​ក្នុង ឆ្នាំ​២០១៨ ==> អភិបាលខេត្ត​កំពង់ចាម ស្នើ​ដល់​ដៃគូ​អភិវឌ្ឍន៍ អង្គការ​សង្គម​ស៊ីវិល បន្ត​ផ្តល់​ការគាំទ្រ និង​ចូលរួម​ជាមួយ​រាជរដ្ឋាភិបាល​កម្ពុជា​ ==> ​ភ្លើង​ឆេះ​បន្ទប់​ស្នាក់​ក្នុងកា​សី​ុ​ណូ​ហា​ទៀង​វេ​ហ្គាស បណ្តាល​ឱ្យ​បុគ្គលិក​ម្នាក់​ស្លាប់​ក្នុង​អណ្តាតភ្លើង​ ==> ​វេទិកា​ផ្សព្វផ្សាយ និង​ពិគ្រោះ​យោបល់ លើក​ទី​១ អាណ​តិ្ត​ទី​៣ របស់​ក្រុមប្រឹក្សា​ខេត្ត​កែប​ ==> វេទិកា​ផ្សព្វផ្សាយ​និង​ពិគ្រោះ​យោបល់​របស់​ក្រុមប្រឹក្សា​ខេត្ត​កំពត នៅ​ស្រុក​កំពង់ត្រាច​ ==> ​សម្តេច​តេជោ ហ៊ុន សែន អញ្ជើញ​គោរព​ព្រះ​វិញ្ញ​ណ​ក្ខ​ន្ធ សម្ដេច​រាជបុត្រី​ព្រះរៀម នរោត្តម បុប្ផា​ទេវី នៅ​វត្តបុ​ទុម​វ​តីរា​ជ​វ​រា​រាម ==> ប្រកាស​ចូល​កាន់តំណែង ផ្ទេរ​ភារកិច្ច និង​បំពាក់​ឋានន្ដរស័ក្ដិ មន្ដ្រីនគរបាល​ជាតិ​១៨១​នាក់ នៅ​ស្នងការដ្ឋាន​នគរបាល​ខេត្ត​កំពង់ចាម​ ==> សម្តេច​តេជោ ហ៊ុន សែន អញ្ជើញ​ទទួលពាន​រង្វាន់ «​ភាពជា​អ្នកដឹកនាំ និង អភិបាលកិច្ច​ល្អ​»
0

​មន្ត្រី​គយ​ច្រក​ព្រំ​រង​ការរិះគន់​រឿង​ទំនិញគេចពន្ធ​ដ​ម្រុក​ចូល​យ៉ាង​អាណាធិបតេយ្យ​

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

​ប៉ៃលិន ៖​ប្រជាពលរដ្ឋ​រួម​ទាំង​អាជីវករ​បាន​ធ្វើ​ការរិះគន់​យ៉ាង​ចាស់ដៃ​ចំពោះ​មន្ត្រី​គយ​ប្រចាំការ​អន្តរជាតិ​ព្រំ​ខេត្ត​ប៉ៃលិន ដែល​ឃុបឃិត​ឲ្យ​ទំនិញ​គេច​ពន្ធ​ពី​ប្រទេស​ថៃ​ចូល​តាម​ច្រក​អន្តរជាតិ​មួយ​នេះ​យ៉ាង​អានាធិបតេយ្យ​ខណៈ​ដែល​មន្ត្រី​គយ​អង្គុយ​ប្រមូល​លុយ​យ៉ាង​ត្រជាក់ចិត្ត ។​

​តាម​សេចក្តីរាយការណ៍​បានឲ្យដឹង​ថា​បច្ចុប្បន្ន​នេះ ក្រុម​ឈ្មួញ​បាន​សម្រុក​នាំចូល​ទំនិញ​ដូចជា ប្រភេទ​រថយន្ត​ស៊េរី​ទំនើបៗ ដែល​ឈ្មួញ​បាន​កាត់​ត​ទៅ​ជា​រថយន្ត​កាប់សាច់​ដឹក​តាម​កុងតឺន័រ​ក៏ដូចជា​ស្រា​បៀរ ភេសជ្ជៈ​គ្រប់មុខ និង​ទំនិញ​ចាប់ហួយ​ជាដើម ត្រូវបាន​ឈ្មួញ​ធ្វើការ​នាំចូល​ពី​ប្រទេស​ថៃ​តាម​ច្រក​ព្រំដែន​អន្តរជាតិ​ព្រំ​នៃ​ខេត្ត​ប៉ៃលិន​មិនតិច​ជាង​៣០០​គ្រឿង​ឡើយ​ក្នុង​មួយ​ខែៗ​។ ប៉ុន្តែ​ត្រូវបាន​សង្ស័យថា ទំនិញ​ទាំងនោះ​គឺ​ឈ្មួញ​នាំចូល​បង់ពន្ធ​ប្រមាណ​៥០%​ប៉ុណ្ណោះ ។ ក្រៅពី​នោះ​ក្រុម​ឈ្មួញ​បាន​ឃុបឃិត​ជាមួយ​មន្ត្រី​គយ ដើម្បី​បង់​លុយ​ក្រៅ​ប្រព័ន្ធ​ចូល​ហោប៉ៅ​មន្ត្រី​គយ​តែម្តង ។​

​ខណៈ​ដែល​ករណី​នេះ​ត្រូវបាន​គេ​ដឹងថា​ក្រុម​ឈ្មួញ​មន្ត្រី​គយ​តែងតែ​ឃុបឃិត​គ្នា លួច​ចំណូល​រដ្ឋ​មក​ធ្វើជា​ផលប្រយោជន៍​ផ្ទាល់ខ្លួន​ជា​បន្តបន្ទាប់ រាប់​ឆ្នាំ​មកហើយ ។​

​សេចក្តីរាយការណ៍​ដដែល​បានបញ្ជាក់​ថា មាន​ឈ្មួញ​ធំៗ ប្រមាណ​៦​ទៅ​៧​នាក់​បាន​រកស៊ី​នាំ​ទំនិញ​ខាងលើ​ពី​ប្រទេស​ថៃ​ជា​ច្រើន​ឆ្នាំ​មកហើយ ដឹក​តាម​រថយន្ត​កុងតឺន័រ និង​រថយន្ត​យី​ឌុប ដោយ​ក្រុម​ឈ្មួញ​បាន​ឃុបឃិត​ជាមួយ​មន្ត្រី​គយ​ពុករលួយ​ក្លែង​ប្រភេទ​មុខទំនិញ​ពី​ទំនិញ​ថ្លៃ​មក​ជា​ប្រភេទ​ទំនិញ​ចម្រុះ ពី​រថយន្ត​ស៊េរី​ទំនើបៗ​គាត់​ត​ឲ្យទៅ​ជា​រថយន្ត​កាប់សាច់ (​រថយន្ត​ជជុះ​) ដើម្បី​បង់ពន្ធ​ទាប​ត្រឹម​៣០​ទៅ​៤០​ភាគរយ​ប៉ុណ្ណោះ ។​

​ល្បិច​បំភ័ន្ត​ភ្នែក​បែប​នេះ​បាន​កើតឡើង​តាំងពី​ជំនាន់​មេ​គយ​មុនៗ​មកម្ល៉េះ​!​ធ្វើឲ្យ​ចំណូល​ពន្ធគយ​មាន​ការបាត់​បង់​យ៉ាងច្រើន​សន្ធឹកសន្ធាប់​ក្នុង​មួយខែៗ ឬ​មួយ​ឆ្នាំៗ ហើយ​រដ្ឋ​គឺជា​អ្នកខាតបង់​។ រីឯ​មន្ត្រី​គយ​ដែល​ចូលចិត្ត​ប្រព្រឹត្ត​អំពើ​ពុករលួយ​ជា​អ្នកមាន​បាន​។​ប្រជាពលរដ្ឋ​និង​ក្រុម​ឈ្មួញ​បាន​លើកឡើង​ថា លោក ទី ប៊ុន​ឡេង​ប្រធាន​ក្តោប​ក្តាប់​ការងារ​រួម​នៃ​ការិយាល័យ​គយ​និង​រដ្ឋាករ​ច្រក​អន្តរជាតិ​ព្រំ និង​លោក សំ សុវណ្ណារិទ្ធ ប្រធាន​សាខាគយ និង​រដ្ឋាករ​ខេត្ត​ប៉ៃលិន​ទំនងជា​នាំ​គ្នា​បន្ត​អនុវត្តន៍​នូវ​វប្បធម៌​ពុករលួយ​តាម​រយៈ​ការប្រើ​ជំនាញ​របស់​ខ្លួន​ក្នុងការ​គៃបន្លំ​យក​ថវិកា​របស់​ជាតិ​មក​ចែក​គ្នា​ធ្វើ​មានបាន​ផ្ទាល់​ខ្លួន​មិន​ចាញ់​មេ​គយ​ជំនាន់​មុនៗ​នោះទេ ទើប​មិន​ហ៊ាន​បង្ក្រាប​យក​ស្នាដៃ​បែបនេះ ។​

​ទាក់ទង​ករណី​ខាងលើ​នេះ ភ្នាក់ងារ​យើង​មិនទាន់​បាន​ទាក់ទង​សុំ​ការបំភ្លឺ​ពី​មន្ត្រី​គយ​ទាំង​ពីរ​រូប​ខាងលើ​បាន​នៅឡើយ​ទេ​ព្រោះ​មន្ត្រី​ទាំង​ពីរ​រូប​នេះ​ប្តូរ​លេខ​ទូរស័ព្ទ​រហូត ខណៈ​ដែល​សកម្មភាព​នាំ​ទំនិញគេចពន្ធ​ចូល​នៅ​តែ​ត្រូវគេ​មើលឃើញថា ក្រុម​ឈ្មួញ​បាន​នឹង​កំពុង​នាំ​ចូល​យ៉ាង​គគ្រឹគគគ្រេង ដោយ​ពុំ​មាន​ការបង្ក្រាប​នោះឡើយ ។​

​ទន្ទឹម​នោះ​ក៏​មាន​ការទាមទារ​ឲ្យ​ថ្នាក់ដឹកនាំ​ស្ថាប័នគយ​ចុះ​ស្រាវជ្រាវ​នឹង​ចាត់វិធានការ​ជាបន្ទាន់ ប្រសិនបើ​មាន​ឆន្ទៈ​ក្នុងការ​ប្រមូល​ថវិកា​ចូល​រដ្ឋ ៕

(​ដោយ គេហទំព័រ កម្ពុជា អភិវឌ្ឍន៍​)
www.Kap-news.com
077797952/0887797952
WhatsApp=012680455

 

Filed in: ព័ត៌មាន​សំខាន់ៗ, សូម​ជួយ​ស៊ើប​អង្កេត

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!