ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
រដ្ឋមន្ត្រី វង សូ​ត បង្ហាញ​ពី​សកម្មភាព​របស់​កម្ពុ​ជា ដែល​កំពុង​អនុវត្ត​លើ​សុខុមាលភាព​សង្គម និង​អភិវឌ្ឍន៍ ដើម្បី​ផ្លាស់ប្តូរ​បទពិសោធន៍ ជាមួយ​ប្រទេស​សមាជិក​អាស៊ាន​ ==> ​រដ្ឋបាល​ខេត្ត​កំពត ទុកពេល​១៥​ថ្ងៃ ឲ្យ​អាជ្ញាធរ​ស្រុក​កំពង់ត្រាច ចុះ​សិក្សា​រាល់​បញ្ហា​ពាក់ព័ន្ធ​នឹង​សំណូមពរ​របស់​ពលរដ្ឋ រួច​រាយការណ៍​ជូន​ក្រុមប្រឹក្សា​ខេត្ត និង​គណៈ​អភិបាលខេត្ត​ ==> ​រដ្ឋបាល​ខណ្ឌ​ដូនពេញ​បើក​កិច្ចប្រជុំ​ការងារ​ពាក់ព័ន្ធ​មួយចំនួន​របស់​ក្រុមប្រឹក្សា​ខណ្ឌ អាណត្តិ​ទី​២​ក្នុង ឆ្នាំ​២០១៨ ==> អភិបាលខេត្ត​កំពង់ចាម ស្នើ​ដល់​ដៃគូ​អភិវឌ្ឍន៍ អង្គការ​សង្គម​ស៊ីវិល បន្ត​ផ្តល់​ការគាំទ្រ និង​ចូលរួម​ជាមួយ​រាជរដ្ឋាភិបាល​កម្ពុជា​ ==> ​ភ្លើង​ឆេះ​បន្ទប់​ស្នាក់​ក្នុងកា​សី​ុ​ណូ​ហា​ទៀង​វេ​ហ្គាស បណ្តាល​ឱ្យ​បុគ្គលិក​ម្នាក់​ស្លាប់​ក្នុង​អណ្តាតភ្លើង​ ==> ​វេទិកា​ផ្សព្វផ្សាយ និង​ពិគ្រោះ​យោបល់ លើក​ទី​១ អាណ​តិ្ត​ទី​៣ របស់​ក្រុមប្រឹក្សា​ខេត្ត​កែប​ ==> វេទិកា​ផ្សព្វផ្សាយ​និង​ពិគ្រោះ​យោបល់​របស់​ក្រុមប្រឹក្សា​ខេត្ត​កំពត នៅ​ស្រុក​កំពង់ត្រាច​ ==> ​សម្តេច​តេជោ ហ៊ុន សែន អញ្ជើញ​គោរព​ព្រះ​វិញ្ញ​ណ​ក្ខ​ន្ធ សម្ដេច​រាជបុត្រី​ព្រះរៀម នរោត្តម បុប្ផា​ទេវី នៅ​វត្តបុ​ទុម​វ​តីរា​ជ​វ​រា​រាម ==> ប្រកាស​ចូល​កាន់តំណែង ផ្ទេរ​ភារកិច្ច និង​បំពាក់​ឋានន្ដរស័ក្ដិ មន្ដ្រីនគរបាល​ជាតិ​១៨១​នាក់ នៅ​ស្នងការដ្ឋាន​នគរបាល​ខេត្ត​កំពង់ចាម​ ==> សម្តេច​តេជោ ហ៊ុន សែន អញ្ជើញ​ទទួលពាន​រង្វាន់ «​ភាពជា​អ្នកដឹកនាំ និង អភិបាលកិច្ច​ល្អ​»
0

​ល្បែងស៊ីសង​ខុសច្បាប់​កំពុងតែ​រាលដាល​ខណៈ​មន្ត្រី​អាជ្ញាធរ​ខេត្ត​រតនគិរី​ចាត់ទុក​ជា​ប្រភព​ចំណូល​របស់​ខ្លួន​

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

រតនគិរី ៖ ប្រភព​ពី​ប្រជាពលរដ្ឋ​នៅក្នុង​ស្រុក​អូរ​ជុំ​បានឲ្យដឹង​ថា​នៅក្នុង​ចំការរ​ស្វាយចន្ទីរ ចំណុច​ទួល​អូរ​ត្រាវ ស្រុក​អូរ​ជុំ មាន​បើក​ល្បែង​បញ្ជល់មាន់​ទ្រង់ទ្រាយ​ធំ​និង​បង្កប់​ដោយ​ល្បែង​អាប៉ោង​យូគី​យ៉ាង​រាលដាល​។​ជា​ពិសេស​គ្រឿងញៀន ព្រោះ​មន្ត្រី​អាជ្ញាធរ​និង​សមត្ថកិច្ច​មូលដ្ឋាន​ថ្នាក់ឃុំ ថ្នាក់ស្រុក មិន​ចាត់​វិធានការ​បង្ក្រាប​នោះទេ ។​

​ប្រជាពលរដ្ឋ​បានបញ្ជាក់​ថា នៅ​សង្វៀន​បញ្ជល់មាន់​នោះ ក្នុង​មួយ​ថ្ងៃៗ​មាន​អ្នក​ជិះ​ម៉ូតូ​និង​ជិះ​រថយន្ត​ទំនើបៗ​ទៅ​លេង​ល្បែង​យ៉ាង​អនាធិបតេយ្យ ហើយ​ភ្នាល់​ដាក់​លុយ​ស៊ីសង​រាប់រយ​រាប់ពាន់​ដុល្លារ​ស្រែក​ហ៊ោកញ្ជ្រៀវ​កងរំពង​។

​តាម​ប្រភព​ពី​អ្នក​ធ្លាប់​ចូល​ទៅ​ដល់​សង្វៀន​បញ្ជល់​មាន់​នោះ បានឲ្យដឹង​ថា​ម្ចាស់​សង្វៀន​បញ្ជល់មាន់​ពីមុន​ជា​អ្នកមាន​អំណាច​ខ្លាំង​នៅក្នុង​ខេត្ត​រតនគិរី ។ ប៉ុន្តែ​ឥឡូវនេះ​ត្រូវ​ចូល​និវត្តន៍​ហើយ ។ ប៉ុន្តែ​នៅតែ​ខ្លាំង​ដដែល​។​

​ជុំវិញ​បញ្ហា​ខាងលើ​នេះ​ប្រជាពលរដ្ឋ​ក្នុង​ស្រុក​អូរ​ជុំ បានឲ្យដឹងថា ក្រោយពេល​សង្វៀន​បញ្ជល់​មាន់​ទ្រង់ទ្រាយ​ធំ​ត្រូវ​គេង​បង្កើតឡើង​នៅ​ចំណុច​ទួល​អូរ​ត្រាវ ស្រុក​អូរ​ជុំ គឺ​បទល្មើស​ផ្សេងៗ​ជា​ពិសេស​អំពើ​ចោរកម្ម​កំពុង​កើតឡើង​គួរឲ្យ​ព្រួយបារម្ភ​។ ចំណែក​លោក​ឧត្តមសេនីយ៍ទោ យិន ចំណាន ស្នងការ​នគរបាល​ខេត្ត​រតនគិរី និង​លោក ថង សាវុន អភិបាលខេត្ត​រតនគិរី មិន​ចាត់​វិធានការ​បង្ក្រាប​ល្បែងស៊ីសង​ដើម្បី​ពង្រឹង​សន្តិសុខ​សង្គម​ឲ្យស្រប​ទៅ​តាម​គោលនយោបាយ​ភូមិ​-​ឃុំ មាន​សុវត្ថិភាព​ទាំង​៩​ចំណុច​នោះ​ទេ​។ ហេតុនេះហើយ​ទើប​ប្រជាពលរដ្ឋ​ក្នុងស្រុក​អូរ​ជុំ ក៏​ដូចជា​ក្នុង​ក្រុង​បាន​លុង និង​តាម​បណ្ដា​ស្រុក​នានា អំពាវនាវ​ឲ្យ​ថ្នាក់ដឹកនាំ​ក្រសួង​មហាផ្ទៃ ចាត់វិធានការ​បង្ក្រាប​ល្បែងស៊ីសង​ខុសច្បាប់​ក្នុង​ខេត្ត​រតនគិរី ជាបន្ទាន់ ព្រោះ​មួយរយៈ​ចុងក្រោយ​នេះ​ល្បែងស៊ីសង​រាលដាល​កាន់តែខ្លាំង ហើយ​មន្ត្រី​អាជ្ញាធរ​និង​សមត្ថកិច្ច​ខេត្តរតនគិរី​ធ្វើ​មិនដឹង​ខណៈ​ត្រូវ​ថ្នាំ​សណ្តំ​។​

​ប្រជាពលរដ្ឋ​នៅក្នុង​ស្រុក​អូរ​ជុំ ក៏ដូចជា​នៅ​ក្នុង​ក្រុង​បាន​លុង ខេត្ត​រតនគិរី បាន​អំពាវនាវ​ឲ្យ​ថ្នាក់ដឹកនាំ​ក្រសួងមហាផ្ទៃ និង​នាយ​ឧត្តមសេនីយ៍ នេ​ត សាវឿន អគ្គស្នងការ​នគរបាល​ជាតិ ចាត់វិធានការ​បង្ក្រាប​ល្បែងស៊ីសង​ខុសច្បាប់​ក្នុង​ខេត្ត​រតនគិរី ព្រោះ​សព្វថ្ងៃ​នេះ​ល្បែងស៊ីសង​ច្រើន​ប្រភេទ​កំពុង​រាលដាល​គួរ​ឲ្យ​ភ័យខ្លាច​។ ប្រជាពលរដ្ឋ​បាន​លើកឡើង​ថា លោក ថង សាវុន អភិបាលខេត្ត​រតនគិរី ក៏ដូចជា​លោក យិន ចំណាន ស្នងការ​នគរបាល​ខេត្ត​រតនគិរី និង​លោក ថាវ យ៉េន មេបញ្ជាការ​កងរាជអាវុធហត្ថ​ខេត្ត​រតនគិរី មិន​ចាត់​វិធានការ​បង្ក្រាប​ល្បែងស៊ីសង​ខុសច្បាប់​ដើម្បី​ពង្រឹង​សន្តិសុខ​សង្គម​នោះទេ​។

​ផ្ទុយទៅវិញ ប្រភព​ខ្លះ​បានឲ្យដឹងថា មន្ត្រី​អាជ្ញាធរ​និង​សមត្ថកិច្ច​ក្នុង​ខេត្ត​រតនគិរី ចាត់ទុក​ល្បែងស៊ីសង​ខុស​ច្បាប់​ជា​ប្រភព​ចំណូល​របស់​ខ្លួន ទើប​បណ្ដោយ​ឲ្យ​ល្បែងស៊ីសង​ខុសច្បាប់​កើតឡើង​យ៉ាង​រាលដាល​នៅ​ក្រុង​បាន​លុង ស្រុក​អូរ​ជុំ ស្រុក​អូរយ៉ាដាវ និង​ស្រុក​នានា​ផងដែរ​។​

​សូមបញ្ជាក់​ថា នៅ​ថ្ងៃ​ទី​១៨ ខែ​សីហា ឆ្នាំ​២០១៩​នេះ ប្រមុខ​រដ្ឋា​រដ្ឋាភិបាល​សម្តេច ហ៊ុន សែន បាន​ចេញ​សារាចរ​ណែនាំ​ស្តីពី​ការពង្រឹង​ការគ្រប់គ្រង​អាជីវកម្ម​ល្បែងភ្នាល់​តាម​ម៉ាស៊ីន​អេឡិចត្រូនិក តាមរយៈ​អ៊ិន​ធើ​ណេត​អន​ឡាញ ក្នុង​និង​ក្រៅ​ប្រទេស​គ្រប់​ប្រភេទ និង​គ្រប់​រូបភាព​នៅក្នុង​ព្រះរាជាណាចក្រ​កម្ពុជា ។​

​រាជរដ្ឋាភិបាល​ណែនាំ​មន្ត្រីនគរបាល​យុត្តិធម៌​គ្រប់​លំដាប់ថ្នាក់ បង្កើន​ការស្រាវជ្រាវ​បង្ក្រាប​អាជីវកម្ម​ភ្នាល់​តាម​ម៉ាស៊ីន​អេឡិចត្រូនិក​ក្នុង​និង​ក្រៅប្រទេស គ្រប់​រូបភាព ដែល​មិន​មាន​អាជ្ញាប័ណ្ណ​ពី​ក្រសួង ស្ថាប័ន​មាន​សមត្ថកិច្ច ។ ចំពោះ​អាជីវកម្ម​ល្បែងភ្នាល់​តាម​ម៉ាស៊ីន អេឡិចត្រូនិក តាមរយៈ​អ៊ិន​ធើ​ណេត អន​ឡាញ ក្នុង​និង​ក្រៅប្រទេស ដែល​មាន​អាជ្ញាប័ណ្ណ ត្រូវ​អនុញ្ញាត​ឲ្យធ្វើ​សកម្មភា​ព​រហូត​ផុត​សុពលភាព​ដែល​បានកំណត់​ក្នុង​អាជ្ញាប័ណ្ណ ។ បន្ទាប់​ពី​នេះ ក្រសួង​សេដ្ឋកិច្ច និង​ហិរញ្ញវត្ថុ​មិន​បន្ត​សុពលភាព​នៃ​អាជ្ញាប័ណ្ណ​អនុញ្ញាត​ឲ្យ​ប្រកប​អាជីវកម្ម​ល្បែងភ្នាល់​ប្រភេទ​នេះ​តទៅ​ទៀត​ឡើយ ។

​រាជរដ្ឋាភិបាល​បញ្ឈប់​ការផ្តល់​គោលការណ៍ និង​អាជ្ញាប័ណ្ណ​អនុញ្ញាត​ឲ្យ​ប្រកប​អាជីវកម្ម​ល្បែងភ្នាល់​តាម​ម៉ាស៊ីន​អេឡិចត្រូនិក​តាមរយៈ​អ៊ិន​ធើ​ណេត​អន​ឡាញ ក្នុង និង​ក្រៅប្រទេស​នៅក្នុង និង​ក្រៅប្រទេស​នៅក្នុង​ព្រះរាជាណាចក្រ​កម្ពុជា ចាប់ពី​ថ្ងៃ​ចុះហត្ថលេខា​លើ​សារាចរ​ណែនាំ​នេះ​តទៅ ៕

កម្ពជាអភិវឌ្ឍន៍
Tel: 088 7797952 | 077 797952
Whatsapp: 012 580 455
Telegram: 012 580 455

Filed in: ព័ត៌មាន​សំខាន់ៗ, សូម​ជួយ​ស៊ើប​អង្កេត

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!