ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
ឯកឧត្តម អភិបាលរងខេត្តប៉ៃលិននិងជា គណ:កម្មការរដ្ឋបាលក្នុងតំបន់វិនិច្ឆ័យបាន អញ្ជើញចូលរួមប្រជុំ ចុះបញ្ជីលក្ខណៈជាប្រព័ន្ធ ==> លោក ហុក មុន នាយរងសង្កាត់រដ្ឋបាលជលផលឃុំពាមបាង ស្រុកស្ទោងខេត្តកំពង់ធំ បានច្រើនចោលទាំងស្រុងរាល់ការចុះផ្សាយព័ត៌មានមិនពិតពីសំណាក់ website online មួយចំនួន! ==> កម្លាំងអធិការដ្ឋានក្រុងប៉ោយប៉ែតចុះសម្អាតអនាម័យតាមដងផ្លូវនិងសួនច្បារតេជោ ឈ្នះ ឈ្នះ ត្រៀមអបអរពិធីបុណ្យចូលឆ្នាំខ្មែរប្រពៃណីជាតិ ==> យប់រំលងអាធ្រាត្រទៅហើយសង្ស័យជារឿងគំនុំ មានករណីបាញ់ស្រោចចូលក្នុងផ្ទះជាច្រើនគ្រាប់ ==> កម្លាំងនគរបាលក្រុងប៉ោយប៉ែត ចេញយាម ល្បាតតាមដងផ្លូវ និងទីប្រជុំជន ដើម្បីពង្រឹងសន្តិសុខ សណ្តាប់ធ្នាប់ ជូនប្រជាពលរដ្ឋ!!! ==> ​អភិបាលខេត្ត​ស្វាយរៀង ណែនាំ​ឱ្យ​បង្កើន​ការប្រុងប្រយ័ត្ន​គ្រោះ​អគ្គិភ័យ​នៅ​ឱ​កា​បុណ្យ​ចូលឆ្នាំថ្មី​ខាង​មុខ ==> មន្ត្រីរាជការ និង​មន្ត្រី​កិច្ចសន្យា​ចំនួន​២៧៦​នាក់ ធ្វើតេស្ត​ពិនិត្យ​រក​សារធាតុ​ញៀន​នៅ​សាលាខេត្ត​ស្វាយរៀង ==> ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! ==> ​រដ្ឋមន្ត្រី​ក្រសួង​បរិស្ថាន ចុះ​ពិនិត្យ និង​វាយតម្លៃ​ដោយ​ផ្ទាល់​លើ​គម្រោង​វិនិយោគ​ទេសចរណ៍​ចំនួន​១៣​កន្លែង ក្នុង​តំបន់ការពារធម្មជាតិ នៅ​ខេត្ត​ពោធិ៍សាត់ ==> ​បញ្ចុះ​ខណ្ឌសីមា ពុទ្ធា​ភិ​សេក និង​សម្ពោធ​សមិទ្ធិផល​នានា នៅ​វត្ត​សាល​វនរ​ង្សី តម្លៃ​ជិត​៥២​ម៉ឺន​ដុល្លារ​, តំណាងរាស្ត្រ មាស សុភា ថ្លែងថា ការកសាង​សមិទ្ធិផល​នេះ ជា​ចំណុច​វិជ្ជមាន នៃ​ការរីកចម្រើន​របស់​កម្ពុជា
0

លោកស្រី ម៉ែន សំអន​៖ ព្រះពុទ្ធ​សាសនា​បាន​ចូលរួមចំណែក​យ៉ាង​ច្រើន ក្នុង​ការលើកកម្ពស់​កា​រ​អប់រំ​ចរិយា​ធម៌ សីលធម៌​ក្នុង​សង្គម​ជាតិ​

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

ស្វាយរៀង​៖ លោកស្រី​កិត្តិ​សង្គហ​បណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួង​ទំនាក់ទំនង​ជាមួយ​រដ្ឋ​សភា ព្រឹទ្ធសភា និង​អធិការកិច្ច និង​ជា​ប្រធាន​ក្រុមការងារ​ថ្នាក់​ជាតិ​ចុះជួយ​ខេត្ត​ស្វាយរៀង បាន​ថ្លែងថា ព្រះពុទ្ធ​សាសនា​បាន​ចូលរួមចំណែក​យ៉ាង​ច្រើន ក្នុង​ការលើកកម្ពស់​កា​រ​អប់រំ​ចរិយា​ធម៌ សីលធម៌​សង្គម និង​កសាង​សមិទ្ធផល​ផ្សេងៗ​ជាច្រើន ជូន​សង្គមជាតិ ហើយ​ជា​ការពិត​ណាស់​ការរីក​ចម្រើន​របស់​ព្រះ​ពុទ្ធចក្រ និង​អាណាចក្រ ត្រូវ​ទន្ទឹមគ្នា និង​ផ្ដល់​ដល់​គ្នា​ទៅវិញទៅមក​។​

​លោកស្រី​កិត្តិ​សង្គហ​បណ្ឌិត ម៉ែន សំអន បាន​ថ្លែង​ដូចនេះ នា​ព្រឹក​ថ្ងៃទី​១៩ ខែ​សីហា ឆ្នាំ​២០១៩​នេះ ក្នុងឱកាស​ដែល​លោកស្រី​អញ្ជើញ​ជា​អធិបតី ក្នុង​ពិធី​ផ្សព្វផ្សាយ​ខ្លឹមសារ​អនុសំវច្ឆរៈ មហាសន្និបាត​មន្ត្រី​សង្ឃ​ទូទាំង​ប្រទេស លើក​ទី​២៧ នៅ​សាលប្រជុំ​ធំ​ខេត្ត​ស្វាយរៀង​។​

​ពិធី​នេះ​មាន​ការ​ចូល​ពី​លោក ម៉ែន វិបុល អភិបាលខេត្ត​ស្វាយរៀង និង​ព្រះ​វិសុទ្ធិ​ញាណ មុំ សយ ព្រះ​មេគណ​ខេត្ត​ស្វាយរៀង ព្រមទាំង​មន្ត្រី​សង្ឃ ព្រះសង្ឃ អាចារ្យ និង​គណៈកម្មាការ​វត្ត ជិត​១,០០០​អង្គ​/​នាក់​។​

​ដើម្បី​ចូលរួម​ជា​វិភាគទាន នៅក្នុង​ពិធី​ផ្សព្វផ្សាយ​ខ្លឹមសារ​អនុសំវច្ឆរៈ មហាសន្និបាត​មន្ត្រី​សង្ឃ​ទូទាំង​ប្រទេស​លើក​ទី​២៧ នៅ​ខេត្ត​ស្វាយរៀង លោកស្រី​កិត្តិ​សង្គហ​បណ្ឌិត ម៉ែន សំអន ក៏បាន​ផ្តល់​នូវ​អនុសាសន៍​មួយ​ចំនួន​៨​ចំណុច​ដូចជា​៖

​ទី​១៖ មន្ត្រី​សង្ឃ​គ្រប់​លំដាប់ថ្នាក់ ត្រូវ​អនុវត្ត​ឲ្យបាន​ខ្ជាប់ខ្ជួ​ន តាម​បញ្ញត្តិ​ក្នុង​រដ្ឋធម្មនុញ្ញ​នៃ​ព្រះរាជាណាចក្រ​កម្ពុជា​។ ច្បាប់ និង​លិខិត​បទដ្ឋាន​គតិយុត្តិ ដែល​មាន​ស្រាប់​ដូចជា ព្រះរាជក្រឹត្យ ព្រះរាជក្រម អនុក្រឹត្យ សង្ឃ​ប្រកាស សារាចរ សេចក្តីសម្រេច និង ស​.​ជ​.​ណ របស់​ទីស្តីការគណៈរដ្ឋមន្ត្រី ក៏​ត្រូវ​អនុវត្ត​ឲ្យបាន​ខ្ជាប់ខ្ជួ​ន ដើម្បី​ប្រែក្លាយ​ឲ្យទៅ​ជា​កម្លាំងចលករ ដ៏​មាន​សារៈសំខាន់​សម្រាប់​លើកស្ទួយ​វិស័យ​ព្រះពុទ្ធសាសនា ឲ្យ​កាន់តែ​រឹងមាំ​ល្អ​ផូរផង់​។​

​ទី​២៖ មន្ត្រី​សង្ឃ​គ្រប់​លំដាប់​ថ្នាក់​ត្រូវ​សហការ​គ្នា​ឲ្យ​កាន់តែ​ល្អប្រសើរ​ឡើង តាម​ព្រះ​វិន័យ តាម​ឋានានុក្រម ដើម្បី​ពង្រឹង​នូវ​ការឯកភាព សាមគ្គីភាព ក្នុង​ស្ថាប័ន​ព្រះពុទ្ធសាសនា ជា​គម្រូ​ល្អ ជា​ពុម្ព​ដ៏​ល្អ​ដល់​ពុទ្ធបរិស័ទ និង​រួមចំណែក​ជួយ​អប់រំ​សីលធម៌​ដល់​សង្គម​។​

​ទី​៣៖ មន្ត្រី​សង្ឃ​គ្រប់​លំដាប់ថ្នាក់ ត្រូវ​ប្រកាន់​កិច្ចសហប្រតិបត្តិការ​ល្អ​ឡើង​ថែម​ទៀត ជាមួយ​មន្ទីរ​ធម្មការ និង​សាសនា​ខេត្ត ក៏ដូចជា​ការិយាល័យ​ធម្មការ និង​សាសនា គ្រប់​ក្រុង​-​ស្រុក ដើម្បី​សហការ​បំពេញ​ការងារ​ឲ្យ​កាន់តែ​ទទួល​លទ្ធផល​ល្អ ប្រកបដោយ​ការយោគយល់​គ្នា និង​អធ្យាស្រ័យ​គ្នា​ទៅវិញទៅមក​។​

​ទី​៤៖ មន្ទីរ​ធម្មការ និង​សាសនា​ខេត្ត និង​សាលា​គណ​ខេត្ត ត្រូវ​យកចិត្តទុកដាក់​ពង្រឹង​គុណភាព​សាលា​ពុទ្ធិក​គ្រប់​កម្រិត ឲ្យក្លាយ​ជា​ថ្នាល​បណ្តុះបណ្តាល​ព្រះធម៌ ភាសាបាលី ភាសាសំស្ក្រឹត ចំណេះ​ទូទៅ និង​ជំនាញ​វិជ្ជាជីវៈ​មួយ​ដ៏​ល្អ​ប្រពៃ​ក្នុង​សង្គម​ជាតិ​។​

​ទី​៥៖ មន្ទីរ​ធម្មការ និង​សាសនា​ខេត្ត និង​សាលា​គណ​ខេត្ត ត្រូវ​យកចិត្តទុកដាក់​ពង្រឹង​ការងារ​រដ្ឋបាល​វត្ត និង​ផ្សព្វផ្សាយ​ព្រះធម៌ តាម​មធ្យោបាយ​នានា ដើម្បី​ជួយ​សតិអារម្មណ៍​ពុទ្ធបរិស័ទ​ឲ្យ​ប្រព្រឹត្ត​អំពើ​ល្អ ប្រកាន់​សច្ចធម៌​សង្គម និង​ជៀសវាង​អំពើ​បាប​គ្រប់​ប្រភេទ​។​

​ទី​៦៖ មន្ត្រី​សង្ឃ​គ្រប់​លំដាប់ថ្នាក់ គប្បី​ចលនា​ព្រះសង្ឃ​ពុទ្ធសាសនា ឱ្យ​ចូល​រួមចំណែក​ជាមួយ​រាជរដ្ឋាភិបាល ក្នុង​ការផ្សព្វផ្សាយ​ទប់ស្កាត់​កុំឱ្យ​មាន​គ្រឿងញៀន និង​បង្កលក្ខណៈ​ឱ្យមាន​ការគោរព​ច្បាប់​ចរាចរណ៍​ក្នុងសង្គម តាមរយៈ​ការបញ្ជ្រាប​ព្រះធម៌​ទេសនា​នានា ការអប់រំ​តាម​សាលារៀន តាម​សហគមន៍ ដើម្បី​កាត់បន្ថយ​នូវ​ភាព​វិនាស​អន្តរាយ​ដោយសារ​ឥទ្ធិពល​គ្រឿងញៀន​។​

​ទី​៧៖ មន្ត្រី​សង្ឃ​គ្រប់​លំដាប់ថ្នាក់ មន្ទីរ​ធម្មការ និង​សាសនា​ខេត្ត និង​សាលា​គណ​ខេត្ត ត្រូវ​បន្ត​ជំរុញ​ឱ្យ​ភិក្ខុ សាមណេរ ក្រោម​ឱវាទ​របស់​ខ្លួន​សិក្សា​រៀនសូត្រ​ធម៌​វិន័យ ឱ្យ​បាន​ចេះ​ចាំ​ស្ទាត់ជំនាញ និង​បដិបត្តិ​នូវ​ព្រះ​ធម្ម​វិន័យ​ឱ្យបាន​ដ៏​ប្រសើរ​ខ្ពង់ខ្ពស់ ព្រមទាំង​បង្កើត​ឱ្យមាន​កម្មវិធី​ចម្រើន​សមាធិ​កម្មដ្ឋាន ដើម្បី​អប់រំ​ហា​ត់ តម្រង់​ចិត្តគំនិត​ឱ្យ​សុខ​ស្ងប់ និង​រំងាប់​បង់​នូវ លោភៈ ទោសៈ និង មោហៈ ចេញពី​សន្តាន​ចិត្ត ។​

​ទី​៨៖ ព្រះចៅអធិការ​វត្ត គ្រប់​វត្ត​ទូទាំង​ខេត្ត​ត្រូវ​យកចិត្តទុកដាក់​ថែរក្សា អភិរក្ស​នូវ​គម្ពីរ​សា​ស្រា​ស្លឹក​រឹត ក្បួនច្បាប់​ផ្សេងៗ ក្នុងនោះ​ក៏​ត្រូវ​ចេះ​ការពារ​ថែទាំ​ធម្មជាតិ អភិរក្ស​រាល់​សំណង់​បុរាណ ដើម្បី​រួមចំណែក​លើកកម្ពស់​វិស័យ​វប្បធម៌ ទេសចរណ៍ និង​បរិស្ថាន​សង្គម ដោយ​ស្របតាម​ព្រះ​វិន័យ និង​ការរីកចម្រើន​របស់​ព្រះពុទ្ធសាសនា​៕
(​ដោយ គេហទំព័រ កម្ពុជា អភិវឌ្ឍន៍​)
www.Kap-news.com

 

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.