ព្រះវិហារ៖ មន្ទីរសាធារណការ និងដឹកជញ្ជូនខេត្តព្រះវិហារ នៅតែបន្តសក្មភាពការងារថែទាំ និងជួសជុលផ្លូវថ្នល់ តាមតំបន់នានា ក្នុងភូមិសាស្ត្រខេត្តព្រះវិហារ យ៉ាងមមាញឹក ដេីម្បីអោយពុកម៉ែ បងប្អូន ប្រជាពលរដ្ឋធ្វើដំណើរប្រកបដោយសុវត្ថិភាព និងបានលឿនរហ័សទាន់ចិត្ត បើទោះបីជាមានភ្លៀងធ្លាក់រំខានយ៉ាងណាក៏ដោយ ប៉ុន្តែក្រុមការងារនៅបន្តពុះពាររាល់ឧបសគ្គរហូតសម្រេចបានលទ្ធផលល្អ។
នេះបើយោងតាមផេកទំព័រហ្វេសប៊ុកផ្លូវការផ្ទាល់ខ្លួនរបស់លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្ត ផុសបង្ហាញចេញជាសាធារណៈកាលពីថ្ងៃព្រហស្បតិ៍ ទី១៥ សីហាម្សិលមិញ។
លោក សំ លាងទ្រី បានបង្ហាញថា ដេីម្បីឱ្យពុកម៉ែ បងប្អូន ប្រជាពលរដ្ឋធ្វើដំណើរប្រកបដោយសុវត្ថិភាព និងបានលឿនរហ័សទាន់ចិត្ត បើទោះបីជាមានភ្លៀងធ្លាក់រំខានយ៉ាងណាក៏ដោយ មន្ទីរសាធារណការ និងដឹកជញ្ជូនខេត្តព្រះវិហារ នៅតែបន្តសក្មភាពការងារថែទាំ និងជួសជុលផ្លូវថ្នល់ តាមតំបន់នានា ក្នុងភូមិសាស្ត្រខេត្តព្រះវិហារ ក្រុមការងារបន្តពុះពាររាល់ឧបសគ្គរហូតសម្រេចបានលទ្ធផលដូចជា៖
១.ក្រុមការងារថែទាំ ផ្លូវជាតិលេខ៩៥ (ក្រុមទី១ ក្រុមកៅស៊ូ) កាលពីថ្ងៃម្សិលមិញនៅតែបន្តការងារស្រោចកៅស៊ូសៀល ស្នាមប្រេះ ស្រុត ស្ថិតនៅចន្លោះ គ.ម ៦៧+០០០ ដល់ គ.ម ៦៨+០០០ ជជាលទ្ធផលសម្រេចបាន ១៩០ ម៉ែត្រការ៉េ ស្ថិតក្នុងឃុំរមណីយ ស្រុករវៀង ខេត្តព្រះវិហារ។
២.ក្រុមថែទាំផ្លូវជាតិលេខ ៩៥ (ក្រុមទី២ ក្រុមចោះ) ចោះជួសជុលផ្លូវនៅ គ.ម ៣៨+៥៨០ ប្រវែង ៨០m x ៦m = ៤៨០ ម៉ែត្រការ៉េ សម្រេចបាន ៦៥% ស្ថិតក្នុងឃុំពុទ្រា ស្រុកជ័យសែន ខេត្តព្រះវិហារ។
៣.ការងារសាងសង់ស្ពាន ផ្លូវជាតិលេខ៩៥ ក្រុមកាងារបានចាក់បេតុងធ្នឹម(Beam) ទី៦ នៃស្ពានអូរឆែប ប្រវែង ៤៥ ម៉ែត្រ នៅគ.ម ០+២២៥ និងរៀបចំក្តាពុម្ពជញ្ជាំង(Abutment Wall A2) ស្ពានអូរតាំងយូ។ ដែលស្ពានទាំងពីរខាងលេី ស្ថិតក្នុងឃុំឆែប១ ស្រុកឆែប ខេត្តព្រះវិហារ។
៤.ក្រុមកៀរសម្រួលផ្លូវក្រាលក្រួសក្រហម បានកៀរសម្រួលផ្លូវជាតិលេខ ៩៤ ដែលមានប្រវែងសរុប ៦១គីឡូម៉ែត្រ ដោយចាប់ពីទីរួមស្រុកឆែប ដល់ព្រំដែនកម្ពុជា-ឡាវ ស្ថិតនៅក្នុងឃុំកំពង់ស្រឡៅ១ ស្រុកឆែប ននៃខេត្តព្រះវិហារ សម្រេចបាន ៧គីឡូម៉ែត្រ បន្ថែមទៀត សរុបរហូតមកដល់ថ្ងៃនេះសម្រេច ១៣គីឡូម៉ែត្រហើយ៕
(ដោយ គេហទំព័រ កម្ពុជា អភិវឌ្ឍន៍)
www.Kap-news.com