ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
​ប្រជាពលរដ្ឋ​ដើរលេង​ក្នុង​ព្រះរាជ​ពិធី​បុណ្យ​អុំទូក​ដោយ​រីករាយ ក្រោយ​ផែនការ​រដ្ឋប្រហារ​រប​ស់ជន​ក្បត់ជាតិ​បរាជ័យ ==> លោក ជាវ តា​យ អភិបាល​ខេត្ត​កំពត ជួប​សំណេះសំណាល​ជាមួយ​កងកម្លាំង​ប្រដាប់អាវុធ​គ្រប់​ប្រភេទ​ក្នុង​ខេត្ត​កំពត​ ==> អាវុធហត្ថ​រាជធានី​ភ្នំពេញ រួច​ចិត្ត​រក្សា ជាតិ សាសនា ព្រះមហាក្សត្រ​! ==> ​សុំ​កោតសរសើ​ស្នងកា​រការ​ខេត្ត​បន្ទាយមានជ័យ ចាប់​ក្រុម​ចោរ​ឧទ្ទាម​ក្រៅច្បាប់ ដែល​រត់​រួច​ពី​ស្នាក់ការ​គណបក្ស នៅ​ផ្លូវ​ជាតិ​លេខ​២ ម្តុំ​ចាក់អង្រែ ! ==> ​ចូលរួម​ហូប​អំបុក​ខ្មែរ​ទាំងអស់​គ្នា រួមគ្នា​ការពារ ជាតិ សាសនា ព្រះមហាក្សត្រ​ ==> ​ខេត្ត​កំពង់ធំ បទល្មើស​នេសាទ​ប្រើ​ឧបករណ៍​ខុស​ច្បាប់​កំពុង​កើតឡើង​យ៉ាង​ពេញបន្ទុក មាន​ការឃុបឃិត​បើកដៃ​ពី​សំណាក់​មន្ដ្រី​ជលផល និង​សមត្ថកិច្ច​ក្នុង​មូលដ្ធាន​ ==> ​ចិន​ចាប់​ចិន​បង្ខាំង​ទារប្រាក់ ត្រូវ​ជាប់អន្ទាក់​សមត្ថ​កិច្ច​អាវុធហត្ថ​ភ្នំពេញ​! ==> ​ប្រជាពលរដ្ឋ​រាជធានី​ភ្នំពេញ ជាង​១០​ម៉ឺន​នាក់ សប្បាយរីករាយ ក្នុង​ព្រឹត្តិការណ៍​ទទួលទាន​អំ​បុក ការពារជាតិ សាសនា ព្រះមហាក្សត្រ​ ==> សម្តេច​ហ៊ុន​សែន​៖​កម្ពុជា​អបអរសាទរ​ថ្ងៃ​ប្រវត្តិសាស្ត្រ​នៃ​ទិវា​បុណ្យ​ឯករាជ្យ​ជាតិ​លើក​ទី​៦៦​និង​ខួប​នៃ​ការបង្កើត​កងយោធពល​ខេមរភូមិន្ទ​ ==> សម្តេច​តេជោ ហ៊ុន សែន អញ្ជើញ​ប្រជាពលរដ្ឋ​ចូលរួម​ហូប​អំបុក ថ្ងៃ​៩ វិច្ឆិកា ទាំងអស់គ្នា​
0

​មន្ត្រីជាន់ខ្ពស់​ក្រសួង​សង្គមកិច្ច រាជរដ្ឋាភិបាល​ចាត់ទុក​វិស័យ​ពិការភាព ជា​វិស័យ​អាទិភាព នៅក្នុង​វិស័យ​អាទិភាព​ធំៗ​ដទៃទៀត ស្រប​តាម​អនុសញ្ញា​របស់​អង្គការសហប្រជាជាតិ​ស្តីពី​សិទ្ធិ​ជនពិការ​

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

សៀមរាប ៖ រាជរដ្ឋាភិបាល​កម្ពុជា បាន​បង្កើត​គោលការណ៍​ណែនាំ​ជាតិ​ស្តីពី «​ការគាំទ្រ​លើ​ការបណ្តុះបណ្តាល​វិជ្ជាជីវៈ​មុខរបរ និង​ការងារ​សម្រាប់​ជន​មាន​ពិការភាព នៅ​កម្ពុជា​»​។​

​មន្ត្រីជាន់ខ្ពស់​ក្រសួង​សង្គមកិច្ច អតីតយុទ្ធជន និង​យុវនីតិសម្បទា បាន​លើកឡើង​ថា កន្លងមកនេះ ក៏ដូចជា​បច្ចុប្បន្ន​នេះ រាជរដ្ឋាភិបាល​កម្ពុជា តែង​បាន​អំពាវនាវ​ដល់​គ្រប់​ក្រសួង ស្ថាប័ន ព្រមទាំង​អាជ្ញា​ធរមាន​សមត្ថកិច្ច​គ្រប់​លំដាប់ថ្នាក់ ត្រូវ​យកចិត្តទុកដាក់​លើ​បងប្អូន​ជនពិការ​ឲ្យមាន​ជំនា​ញ មុខរបរ និង​ការងារ សមរម្យ ដើម្បី​កាត់បន្ថយ​ភាពក្រីក្រ ព្រមទាំង​បង្កើន​ការយកចិត្ត ទុកដាក់​គិតគូរ អំពី​ផលប្រយោជន៍ និង​ការលើកតម្កើង​ជីវភាព​រស់នៅ របស់​ជនពិការ ឲ្យបាន​សមរម្យ ស្រប​តាម​សេដ្ឋកិច្ចជាតិ ព្រមទាំង​បាន​បំផុស​លើកទឹកចិត្ត​ដល់​ពលរដ្ឋ សប្បុរសជន ផ្នែក​ឯកជន និង​អង្គការ​សង្គម​ស៊ីវិល​នានា ឲ្យចូល​រួម​ឧបត្ថម្ភ​គាំទ្រ​និង​លើកទឹកចិត្ត​ដល់​ជនពិការ​ផងដែរ​។​

​លោក ញ៉ឹក វណ្ណា​រ៉ា រដ្ឋលេខាធិការ​ក្រសួង​សង្គមកិច្ច អតីតយុទ្ធជន និង​យុវនីតិសម្បទា តំណាង​លោក វង សូ​ត រដ្ឋមន្ត្រី​ក្រសួង​សង្គមកិច្ច អតីតយុទ្ធជន និង​យុវនីតិសម្បទា បាន​អញ្ជើញ​ចូលរួម​ក្នុង​សិក្ខាសាលា «​ពិគ្រោះ​យោបល់​លើក​ទី​២ លើ​គោលការណ៍​ណែនាំ​ជាតិ ស្តីពី​ការគាំទ្រ​លើ​ការបណ្តុះបណ្តាល​វិជ្ជាជីវៈ​មុខរបរ និង​ការងារ​សម្រាប់​ជន​មាន​ពិការភាព នៅក្នុង​ប្រទេស​កម្ពុជា​» ដែល​រៀបចំ​ធ្វើ​នៅ​ខេត្តសៀមរាប នៅ​ថ្ងៃ​ទី​១២-១៣ ខែ​សីហា ឆ្នាំ​២០១៩​។​

​លោក ញ៉ឹក វណ្ណា​រ៉ា បានឲ្យដឹងថា សិក្ខាសាលា​នេះ ធ្វើឡើង​ជា​លើក​ទី​២​ហើយ ក្នុង​គោលបំណង​ប្រមូល​ធាតុ​ចូល​បន្ថែម​ទៅ​ក្នុង​គោលការណ៍​អនុវត្ត​ថ្នាក់ជាតិ ស្តីពី​ការគាំទ្រ​លើ​ការ បណ្តុះបណ្តាល​វិជ្ជាជីវៈ មុខរបរ និង​ការងារ​សម្រាប់​ជន​មាន​ពិការភាព នៅក្នុង​ប្រទេស​កម្ពុជា​, ជំរុញ​ការអនុវត្ត​ច្បាប់​ស្តីពី​កិច្ចការពារ និង​លើកកម្ពស់​សិទ្ធិ​ជនពិការ និង​កម្មវិធី​នយោបាយ​របស់​រាជរដ្ឋាភិបាល​ចំពោះ​ជនពិការ​, ផ្តល់​ឱកាស​ការងារ លើកទឹកចិត្ត​ដល់​ជនពិការ ដែល​មាន​លក្ខណៈសម្បត្តិ និង​មាន​សមត្ថ​-​ភាព​នូវ​មុខងារ តួនាទី និង​ការទទួលខុសត្រូវ​ក្នុង​មុខតំណែង ចូល​បម្រើ​ការងារ​, លើកកម្ពស់​សេចក្តីថ្លៃថ្នូ​រ សុខុមាលភាព និង​សិទ្ធិ​របស់​ជនពិកា​រ​កម្ពុជា តាមរយៈ​ការទទួលស្គាល់​សមត្ថភាព​ជនពិការ ប្រសើរ​ជាង​មើលឃើញ​តែ​ពិការភាព​របស់​ជនពិកា​រ​, ចូលរួម​បំពេញ​នូវ​កាតព្វកិច្ច​ជា​ហត្ថលេខី​នៃ​អនុសញ្ញា និង​កតិកាសញ្ញា​ដែល​ទាក់ទង​សិទ្ធិមនុស្ស និង​សិទ្ធិ​ជនពិការ​។​

​លោក​បាន​បន្ថែមថា រាជរដ្ឋាភិបាល​កម្ពុជា បានចាត់ទុក​វិស័យ​ពិការភាព ជា​វិស័យ​អាទិភាព នៅក្នុង​វិស័យ​អាទិភាព​ធំៗ​ដទៃទៀត ដោយ​បាន​កំណត់​ក្នុង​យុទ្ធសាស្ត្រ​ចតុកោណ​ដំណាក់កាល​ទី​៣ ការពង្រឹង​ការអនុវត្ត​ច្បាប់​ស្តីពី​កិច្ចការពារ​និង​លើកកម្ពស់​សិទ្ធិ​ជនពិការ ការជំរុញ​កិច្ចការពារ លើកកម្ពស់​សិទ្ធិ​និង​សុខុមាលភាព​ជនពិការ​ស្រប​តាម​អនុសញ្ញា​របស់​អង្គការ សហប្រជាជាតិ​ស្តីពី​សិទ្ធិ​ជនពិការ​។​

​ឆ្លៀត​ក្នុង​ឱកាស​នោះ លោក ញ៉ឹក វណ្ណា​រ៉ា បាន​ផ្តល់​នូវ​អនុសាសន៍​មួយ ចំនួន​រួមមាន​៖

*​ទី​១៖ បន្ត​ជំរុញ​ការ​អនុវត្ដ​អនុសញ្ញា​អន្តរជាតិ​នានា ដែល​កម្ពុជា​បាន​ផ្តល់​សច្ចាប័ន​រួច ឲ្យទទួល​បាន​លទ្ធផល​ល្អប្រសើរ​
*​ទី​២៖ បន្ត​ជំរុញ​ការ​អនុវត្ដ​ច្បាប់​ស្ដីពី​កិច្ចការពារ​និង​លើកកម្ពស់​សិទ្ធិ​ជនពិការ​និង​លិខិត​បទដ្ឋាន​គតិយុត្ត​នានា ដើម្បី​ប្រែក្លាយ​ពី​ឯកសារ​ដែល​មាន​លើ​ក្រដាស ឲ្យទៅ​ជា​សកម្មភាព​ជា​ក់​ស្តែង​ដើម្បី​ជួយ​បងប្អូន​ជនពិការ​
*​ទី​៣៖ បន្ត​ជំរុញ​រៀបចំ​កសាង​ធនធានមនុស្ស ជាពិសេស​គ្រូបង្រៀន ឲ្យមាន​សមត្ថភាព​ក្នុង​ការបណ្តុះបណ្តាល​ជំនាញ​វិជ្ជាជីវៈ​ដល់​ជន​មាន​ពិការភាព​
*​ទី​៤៖ បន្ត​ជំរុញ​ក្រសួង ស្ថាប័ន​និង​ផ្នែក​ឯកជន​ឲ្យទទួល​ជនពិការ​ចូល​បម្រើកា​រងារ​តាម​អត្រា​កំណត់​ដូច​មានចែង​ក្នុង​អនុក្រឹត្យ​ស្តីពី​ការជ្រើសរើស​ជនពិការ ចូល​បម្រើ​ការងារ ដែលមាន​២%​សម្រាប់​ស្ថាប័ន​សាធារណៈ និង​១%​សម្រាប់​ផ្នែក​ឯកជន​។​

​គួរបញ្ជាក់​ថា បច្ចុប្បន្ននេះ សុខុមាលភាព​របស់​ជ​ន​ពិការ ត្រូវបាន​យកចិត្តទុកដាក់​ពី​គ្រប់​មជ្ឈដ្ឋាន ជាក់ស្តែង​នៅក្នុង​ឆ្នាំ​២០១៨ ជនពិការ​ចូល​បម្រើកា​រងារ ក្នុង​ក្រសួង​ស្ថាប័នរដ្ឋ ចំនួន​៤០ មាន​ជនពិការ​ចំនួន ២,៨៣៩​នាក់ ក្នុងនោះ​ស្ត្រី​ពិការ​ចំនួន ៧៣០​នាក់ និង​ជនពិការ​កម្រិតធ្ងន់ ចំនួន​១,៤៧៨​នាក់ ស្មើនឹង​៤,៤៧១​នាក់ បើ​គិត​ជា​ភាគរយ ១,៩៣%៕

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!