ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
​ឯកឧត្តម គួច ចំរើន ចូលរួម​កិច្ចសន្ទនា​ថ្នាក់​អភិបាល​ក្រុង​មិត្តភាព ក្រោម​ប្រធានបទ "​សុភមង្គល​សម្រាប់​ទាំងអស់គ្នា​" និង​ពិធី​ចុះហត្ថលេខា​លើ​អនុស្សរណៈ​ស្តីពី ការបង្កើត​ខេត្ត​ក្រុង​បងប្អូន រវាង ខេត្ត​ព្រះសីហនុ នៃ​ព្រះរាជាណាចក្រ​កម្ពុជា និង ទីក្រុង​ឈី​ងតាវ នៃ​សាធារណរដ្ឋ​ប្រជាមានិត​ចិន​ ==> ​ល្បែងស៊ីសង​កើតឡើង​យ៉ាង​ពេញបន្ទុក ធ្វើឲ្យ​ប៉ះពាល់​យ៉ាងខ្លាំង​ដល់​សន្តិសុខ​សង្គម​ ==> លោក កែ​ន សត្ថា​៖ សូម​ប្រជាពលរដ្ឋ​និង​ពុទ្ធបរិស័ទ​ទាំងអស់​កុំ​ជឿ​ពាក្យ​ញុះញង់​ពួក​ក្បត់ជាតិ​ដែល​កំពុង​ប្រមាថ​ព្រះមហាក្សត្រ​យើង​ ==> លោក​អធិការនគរបាល​ស្រុក​ថ្មគោល បង្ក្រាប​វង់ល្បែង​សង្វៀន​ជល់​មាន់ ឃាត់ខ្លួន​អ្នកលេង​ល្បែង ៣ នាក់​ ==> ​សិក្ខាសាលា​ផ្សព្វផ្សាយ ច្បាប់​ស្តីពី​សវនកម្ម និង​ស្តង់ដារ​សវនកម្ម​សាធារណៈ នៃ​ព្រះរាជាណាចក្រ​កម្ពុជា​ ==> សម្តេច​តេជោ ហ៊ុន សែន អញ្ជើញ​ដឹកនាំ​គណៈប្រតិភូ​ជាន់ខ្ពស់​កម្ពុជា ចាកចេញ​ពី​ប្រទេស​ប៊ុលហ្គារី ឆ្ពោះ​មក​កាន់​ទេស​កម្ពុជា​វិញ ==> លោក ឃួ​ង ស្រេង ចុះ​ពិនិត្យ​ការស្ថាបនា​បើក លំហរ​ផ្លូវ​៦០​ម៉ែត្រ​ត​ភ្ជាប់​មក​ផ្លូវ​២៧១​ឱ្យ​ធំ​ទូលាយ​ដើម្បី​បញ្ចៀស​ការកកស្ទះ​ចរាច​រណ៍​ ==> មន្ត្រីជាន់ខ្ពស់​ក្រសួង​សង្គមកិច្ច​៖ អ្នកផ្តល់​មុខរបរ និង​ជនពិការ​ផ្ទាល់ ត្រូវ​ផ្តល់ និង​ជ្រើសរើស​ជំនាញ​ឲ្យស្រប​ប្រភេទ​ពិការភាព​រប​ស់​ខ្លួន​ ==> ​លោក វង សូ​ត​៖ យើង​ត្រូវ​បែងចែក​ជូន​ប័ណ្ណសមាជិក ប​.​ស​.​ស ជូន​ដល់​វិវត្តជន និង​ជន​បាត់បង់​សម្បទា វិជ្ជាជីវៈ ដែលជា​អតីត​មន្ត្រីរាជការ​សុីវិល​ឲ្យបាន​ទាន់វេលា​និង​ឆាប់រហ័ស​បំផុត​ ==> ​រដ្ឋបាល​ខេត្ត​កំពត​បើក​កិច្ចប្រជុំ​សាមញ្ញ​លើក​ទី​៥​ក្រុមប្រឹក្សា​ខេត្ត​អាណត្តិ​ទី​៣
0

​លោក លី ឡា មេ​រដ្ឋបាល​ជលផល​ខេត្ត​កំពង់ឆ្នាំង សប្បាយ​ប្រមូល​លុយ​ពី​បទល្មើស​នេសាទ

កំពង់ឆ្នាំង ៖ ថ្មីៗ​នេះ​ប្រភព​ពី​ប្រជា​នេសាទ​ជា​លក្ខណៈ​គ្រួសារ​នៅ​ឃុំ​ឆ្នុក​ទ្រូ ស្រុក​បរិបូរណ៍ និង​នៅ​ឃុំ​មួយចំនួន​ក្នុង​ស្រុក​កំពង់លែង បានឲ្យដឹងថា បច្ចុប្បន្ន​បទល្មើស​នេសាទ​ប្រើ​ឧបករណ៍​ខុស​ច្បាប់​ក្នុង​តំបន់​បឹង​ទន្លេសាប​នៃ​ស្រុក​បរិបូរណ៍ និង​ស្រុក​កំពង់លែង កំពុង​កើតឡើង​យ៉ាង​អនាធិបតេយ្យ​។

​ប្រភព​បានឲ្យដឹង​ទៀតថា ការ​ដែល​មន្ត្រី​រដ្ឋបាល​ជលផល​ក្នុង​ស្រុក​បរិបូរណ៍ និង​ស្រុក​កំពង់លែង ហ៊ាន​ធ្វើ​អ្វីៗ​តាម​អំពើ​ចិត្ត គឺ​មាន​ការឃុបឃិត​បើកដៃ​ពី​សំណាក់​លោក លី ឡា នាយ​ខណ្ឌ​រដ្ឋបាល​ជល​ផល​ខេត្តកំពង់ឆ្នាំង ក៏​ដូចជា​មាន​ការសម្របសម្រួល​សំណាក់​លោក ងិន ហ៊ុន ប្រធាន​មន្ទីរ​កសិកម្ម​ខេត្ត​កំពង់ឆ្នាំង ផងដែរ​។ ដូច្នេះហើយ​ទើប​ទូក​កាយ​លៀស អូស​លៀស របស់​ជនជាតិ​យួន​កំពុង​ធ្វើ​សកម្មភាព​នៅក្នុង​តំបន់​បឹង​ទន្លេសាប​នៃ​ស្រុក​បរិបូរណ៍ និង​ស្រុក​កំពង់លែង យ៉ាង​ពេញបន្ទុក ព្រោះ​មន្ត្រី​ជំនាញ​គិតតែ​ពី​រឿង​ប្រមូល​លុយ​ដាក់​ហោប៉ៅ​។​

​សេចក្ដីរាយការណ៍​ពី​ប្រជា​នេសាទ​ក្នុង​ឃុំ​ឆ្នុក​ទ្រូ បានឲ្យដឹងថា មាន​ឈ្មួញ​ចាំ​ប្រមូល​ទិញ​លៀស​នៅ​ចំណុច​មាត់កំពង់​ឆ្នុក​ទ្រូ និង​នៅ​ផ្សារ​ក្រោម​ខេត្ត​កំពង់ឆ្នាំង ហើយ​ឈ្មួញ​ទាំងនោះ​សុទ្ធតែ​មាន​ទំនាក់ទំនង​ជិតស្និទ្ធ​ជាមួយ​មន្ត្រី​រដ្ឋបាល​ជល​ផល និង​សមត្ថកិច្ច​ពាក់ព័ន្ធ​។ ឈ្មួញ​ដែល​ចាំ​ប្រមូល​ទិញ​លៀស​ពី​ទូក​អូស​លៀស​របស់​ជនជាតិ​យួន មានដូចជា ទី​១-​ចែ​ឃាង ទី​២-​ចែ​ធំ ទី​៣-​ឈ្មោះ ណេ ទី​៤-​ឈ្មោះ គឹ​ង និង​ទី​៥-​ឈ្មោះ ចែ​នី ដោយ​ឈ្មួញ​ទាំង​៥​នាក់​នេះ​ហ៊ាន​ចំណាយ​លុយ​រាប់លាន​រៀល​ដើម្បី​អាចឈរជើង​ចាំ​ប្រមូល​ទិញ​លៀស​។ ដោយសារ​មាន​ឈ្មួញ​ចាំ​ប្រមូល​ទិញ​លៀស​ច្រើន​នាក់​បែបនេះ​ហើយ ទើប​មន្ត្រី​រដ្ឋបាល​ជល​ផល​ក្នុង​ស្រុក​បរិបូរណ៍ និង​ស្រុក​កំពង់លែង បើកដៃ​ឲ្យ​ជនជាតិ​យួន​ប្រើ​ឧបករណ៍​ខុសច្បាប់​អូស​លៀស កាវ​លៀស ក្នុង​រដូវ​បិទ​នេសាទ​យ៉ាង​រលូន​។

​ជាងនេះទៅទៀត​សូម្បីតែ​ក្នុង​តំបន់​អភិរក្ស​ពូជ​ត្រី​ក៏​មន្ត្រីរដ្ឋបាល​ជល​ផ​លឃុ​ប​ឃិត​ឲ្យ​ជនជាតិ​យួន​ប្រើ​ឧបករណ៍​ខុសច្បាប់​អូស​លៀស កាវ​លៀស បាន​រាប់​សិប​តោន​ក្នុង​មួយថ្ងៃៗ​ដែរ​។​

​បើ​តាម​ប្រភព​ពី​មន្ត្រីរាជការ​នៅក្នុង​មន្ទីរ​កសិកម្ម​ខេត្ត​កំពង់ឆ្នាំង បានឲ្យដឹង​ទៀតថា ប្រសិនបើ​គ្មាន​ការឃុបឃិត​បើកដៃ​ពី​សំណាក់​លោក លី ឡា នាយ​ខណ្ឌ​រដ្ឋបាល​ជល​ផល​ខេត្តកំពង់ឆ្នាំង ទេ​នោះ​គឺ​គ្មាន​មន្ត្រី​រដ្ឋបាល​ជលផល​ណា ហ៊ាន​ឃុបឃិត​ឲ្យ​ជនជាតិ​យួន​ប្រើ​ឧបករណ៍​ខុសច្បាប់​អូស​លៀស កាវ​លៀស បំផ្លាញ​ធនធាន​មច្ឆជាតិ​យ៉ាង​មហន្តរាយ​ដូច​សព្វថ្ងៃនេះ​ទេ​។

​ប្រភព​បានឲ្យដឹង​ទៀតថា លោក ឌុល ច័ន្ទ​ឌី នាយ​សង្កាត់​រដ្ឋបាល​ជ​ល​ផល​កំពង់លែង និង​លោក តា​ប សីហា​ក់ នាយ​ផ្នែក​រដ្ឋបាល​ជល​ផល​ផ្សារឆ្នាំង ហ៊ាន​ធ្វើ​អ្វីៗ​តាម​អំពើ​ចិត្ត គឺ​មាន​ការឃុបឃិត​បើកដៃ​ពី​លោក លី ឡា ដែល​ជា​ចៅហ្វាយនាយ​តែម្តង​។ ដូច្នេះហើយ​ទើប​មាន​សេចក្ដីអំពាវនាវ​ឲ្យ​លោក វេង សាខុន រដ្ឋមន្ត្រី​ក្រសួង​កសិកម្ម និង​លោក អេង ជា​សាន អគ្គនាយក​រដ្ឋបាល​ជ​ល​ផល ចាត់វិធានការ​ទប់ស្កាត់​បទល្មើស​នេសាទ​ក្នុង​តំបន់​បឹង​ទន្លេសាប នៃ​ស្រុក​បរិបូរណ៍ និង​ស្រុក​កំពង់លែង ជា​បន្ទាន់​ព្រោះ​អភិបាលខេត្ត​កំពង់ឆ្នាំង និង​ប្រធាន​មន្ទីរ​កសិកម្ម​ខេត្ត​កំពង់ឆ្នាំង ព្រមទាំង​លោក លី ឡា នាយ​ខណ្ឌ​រដ្ឋបាល​ជល​ផល​ខេត្តកំពង់ឆ្នាំង កំពុង​បណ្ដោយ​ឲ្យ​បទល្មើស​នេសាទ​ប្រើ​ឧបករណ៍​ខុសច្បាប់​រាលដាល​យ៉ាងគំហុក ៕

Filed in: ព័ត៌មានជាតិ, ព័ត៌មាន​សំខាន់ៗ, សូម​ជួយ​ស៊ើប​អង្កេត

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!