ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
​ឯកឧត្តម គួច ចំរើន ចូលរួម​កិច្ចសន្ទនា​ថ្នាក់​អភិបាល​ក្រុង​មិត្តភាព ក្រោម​ប្រធានបទ "​សុភមង្គល​សម្រាប់​ទាំងអស់គ្នា​" និង​ពិធី​ចុះហត្ថលេខា​លើ​អនុស្សរណៈ​ស្តីពី ការបង្កើត​ខេត្ត​ក្រុង​បងប្អូន រវាង ខេត្ត​ព្រះសីហនុ នៃ​ព្រះរាជាណាចក្រ​កម្ពុជា និង ទីក្រុង​ឈី​ងតាវ នៃ​សាធារណរដ្ឋ​ប្រជាមានិត​ចិន​ ==> ​ល្បែងស៊ីសង​កើតឡើង​យ៉ាង​ពេញបន្ទុក ធ្វើឲ្យ​ប៉ះពាល់​យ៉ាងខ្លាំង​ដល់​សន្តិសុខ​សង្គម​ ==> លោក កែ​ន សត្ថា​៖ សូម​ប្រជាពលរដ្ឋ​និង​ពុទ្ធបរិស័ទ​ទាំងអស់​កុំ​ជឿ​ពាក្យ​ញុះញង់​ពួក​ក្បត់ជាតិ​ដែល​កំពុង​ប្រមាថ​ព្រះមហាក្សត្រ​យើង​ ==> លោក​អធិការនគរបាល​ស្រុក​ថ្មគោល បង្ក្រាប​វង់ល្បែង​សង្វៀន​ជល់​មាន់ ឃាត់ខ្លួន​អ្នកលេង​ល្បែង ៣ នាក់​ ==> ​សិក្ខាសាលា​ផ្សព្វផ្សាយ ច្បាប់​ស្តីពី​សវនកម្ម និង​ស្តង់ដារ​សវនកម្ម​សាធារណៈ នៃ​ព្រះរាជាណាចក្រ​កម្ពុជា​ ==> សម្តេច​តេជោ ហ៊ុន សែន អញ្ជើញ​ដឹកនាំ​គណៈប្រតិភូ​ជាន់ខ្ពស់​កម្ពុជា ចាកចេញ​ពី​ប្រទេស​ប៊ុលហ្គារី ឆ្ពោះ​មក​កាន់​ទេស​កម្ពុជា​វិញ ==> លោក ឃួ​ង ស្រេង ចុះ​ពិនិត្យ​ការស្ថាបនា​បើក លំហរ​ផ្លូវ​៦០​ម៉ែត្រ​ត​ភ្ជាប់​មក​ផ្លូវ​២៧១​ឱ្យ​ធំ​ទូលាយ​ដើម្បី​បញ្ចៀស​ការកកស្ទះ​ចរាច​រណ៍​ ==> មន្ត្រីជាន់ខ្ពស់​ក្រសួង​សង្គមកិច្ច​៖ អ្នកផ្តល់​មុខរបរ និង​ជនពិការ​ផ្ទាល់ ត្រូវ​ផ្តល់ និង​ជ្រើសរើស​ជំនាញ​ឲ្យស្រប​ប្រភេទ​ពិការភាព​រប​ស់​ខ្លួន​ ==> ​លោក វង សូ​ត​៖ យើង​ត្រូវ​បែងចែក​ជូន​ប័ណ្ណសមាជិក ប​.​ស​.​ស ជូន​ដល់​វិវត្តជន និង​ជន​បាត់បង់​សម្បទា វិជ្ជាជីវៈ ដែលជា​អតីត​មន្ត្រីរាជការ​សុីវិល​ឲ្យបាន​ទាន់វេលា​និង​ឆាប់រហ័ស​បំផុត​ ==> ​រដ្ឋបាល​ខេត្ត​កំពត​បើក​កិច្ចប្រជុំ​សាមញ្ញ​លើក​ទី​៥​ក្រុមប្រឹក្សា​ខេត្ត​អាណត្តិ​ទី​៣
0

​រឿងអាស្រូវ​ពុករលួយ​របស់លោក ប្រាក់ ប៉ូ​លី ប្រធាន​មន្ទីរ​រៀបចំ​ដែនដី​ខេត្ត​បន្ទាយមានជ័យ មិន​អាច​បិទ​បាំង​បានទេ​

​ខេត្ត​បន្ទាយមានជ័យ ៖ ប្រភព​ពី​មន្ត្រីរាជការ​នៅក្នុង​មន្ទីរ​រៀបរៀប​ចំ​ដែនដី​ខេត្ត​បន្ទាយមានជ័យ មួយចំនួន​បាន​បង្ហើប​ឲ្យដឹងថា ក្រោយពេល​ទទួលបាន​តំណែង​ជា​ប្រធាន​មន្ទីរ​រៀបចំ​ដែនដី​ខេត្ត​បន្ទាយមានជ័យ រួចមក​លោក ប្រាក់ ប៉ូ​លី បាន​ប្រើ​តួនាទី​និង​អំណាច​របស់​ខ្លួន​ប្រព្រឹត្ត​អំពើពុករលួយ​តាម​ច្រើន​រូបភាព​ដោយ​គ្មាន​ញញើត​អ្វី​ទាំងអស់​។ ក្នុងនោះ​លោក ប្រាក់ ប៉ូ​លី ប្រមូល​លុយ​ពី​ការអនុញ្ញាតឲ្យ​សាងសង់​សំណង់​តូចធំ​ក្នុងក្រុង​ប៉ោយប៉ែត និង​ក្រុង​សិរីសោភ័ណ បាន​យ៉ាងច្រើន​សន្ធឹកសន្ធាប់​ក្នុង​មួយ​ឆ្នាំៗ ព្រោះ​អាង​មាន​ខ្នងបង្អែក​រឹង​មាំ​នៅក្នុង​ក្រសួង​រៀបចំ​ដែនដី​នគរូបនីយកម្ម​សំណង់​និង​សុរិយោដី​។ ជា​ពិសេស​សំណង់​ខុសច្បាប់​ឬ​សំណង់​មិន​រៀបរយ​ដែល​កើតឡើង​ព្រោងព្រាត​ក្នុង​ក្រុង​សិរីសោភ័ណ និង​ក្រុង​ប៉ោយ​ប៉ែត ត្រូវបាន​គេ​ដឹងថា ជា​ប្រភព​ចំណូល​ដ៏​សំខាន់​របស់​លោក ប្រាក់ ប៉ូ​លី និង​បក្ខពួក​មួយ​ក្ដាប់​តូច​ដែល​ល្បីល្បាញ​ខាង​ពុករលួយ​។​

​ក្រោយពេល​រឿងអាស្រូវ​ពុករលួយ​របស់លោក ប្រាក់ ប៉ូ​លី ប្រធាន​មន្ទីរ​រៀបចំ​ដែនដី​ខេត្ត​បន្ទាយមានជ័យ ត្រូវបាន​លាតត្រដាង​ជា​បន្តបន្ទាប់ គឺ​កាលពី​ថ្ងៃ​ទី​៣០ ខែកក្កដា ឆ្នាំ​២០១៩ ថ្នាក់ដឹកនាំ​ក្រសួង​រៀបចំ​ដែនដី បាន​បង្កើត​គណៈកម្មកា​រ​មួយ​ដើម្បី​ស៊ើបអង្កេត​ទៅលើ​រឿងអាស្រូវ​និង​អំពើពុករលួយ​របស់​លោក ប្រាក់ ប៉ូ​លី ផងដែរ​។ ក៏​ប៉ុន្តែ​មន្ត្រី​រាជការ​នៅក្នុង​មន្ទីរ​រៀបចំ​ដែនដី​ខេត្ត​បន្ទាយមានជ័យ មួយចំនួន​បាន​វាយតម្លៃ​ទុកជាមុន​ថា ការស៊ើបអង្កេត​របស់​គណៈកម្មការ​អធិការកិច្ច ដែល​មាន​មន្ត្រី​៩​រូបនោះ ប្រហែលជា​មិន​អាច​រកឃើញ​អំពើពុករលួយ​របស់​លោក ប្រាក់ ប៉ូ​លី នោះទេ​។ ផ្ទុយ​ទៅ​វិញ​មន្ត្រី​ទាំង​៩​រូប​ក្នុង​គណៈកម្មការ​អធិការកិច្ច​ស៊ើបអង្កេត​រឿងអាស្រូវ​ពុករលួយ​របស់លោក ប្រាក់ ប៉ូ​លី អាច​ចេញ​មុខ​ជួយ​បិទបាំង​អំពើពុករលួយ​របស់​លោក ប្រាក់ ប៉ូ​លី ដោយ​គ្មាន​សេចក្ដី​អៀនខ្មាស​ទៀតផង​។​

​ប្រភព​ដែល​ស្និទ្ធ​នឹង​លោក ប្រាក់ ប៉ូ​លី ប្រធាន​មន្ទីរ​រៀបចំ​ដែនដី​ខេត្ត​បន្ទាយមានជ័យ បានឲ្យដឹងថា តាមរយៈ​ការឃុបឃិត​ឲ្យមាន​សំណង់​ខុសច្បាប់ សំណង់​មិន​រៀបរយ កើតឡើង​យ៉ាង​រាលដាល​ក្នុង​ក្រុង​ប៉ោយប៉ែត និង​ក្រុង​សិរីសោភ័ណ គឺ​លោក ប្រាក់ ប៉ូ​លី ក្លាយជា​អ្នក​មាន​ទ្រព្យសម្បត្តិ​យ៉ាង​មហាសាល​។

​ប្រភព​បានឲ្យដឹង​ទៀតថា លោក ប្រាក់ ប៉ូ​លី មាន​លុយ​សាងសង់​ភូមិគ្រឹះ​មួយ​កន្លែង​តម្លៃ​ជិត​១​លាន​ដុល្លារ​នៅ​ភូមិ​បា​លិលេ​យ្យ​១ ទល់មុខ​ផ្សារ​ថ្មី ប៉ោយ​ប៉ែត ដើម្បី​ចិញ្ចឹមសត្វ​ត្រចៀក​កាំ ទៀតផង​។ ក្រៅពីនេះ​លោក ប្រាក់ ប៉ូ​លី ទិញ​ដី​ដែល​មាន​តម្លៃ​រាប់​លាន​ដុល្លារ​នៅ​ប្លុក​កាស៊ីណូ​ស្តារ​វេ​ហ្គាស ក្រុង​ប៉ោយប៉ែត ក្នុង​ភូមិ​សាមគ្គី​មានជ័យ ហើយ​ដី​នោះ​ដាក់​ឈ្មោះ​ប្រពន្ធ​របស់​ខ្លួន ឈ្មោះ សុះ វី​ណា ដើម្បី​គេច​ពី​ការស៊ើបអង្កេត​របស់​អង្គភាព​ប្រឆាំង​អំពើពុករលួយ​។

​មន្ត្រី​នៅ​ក្នុង​មន្ទីរ​រៀបចំ​ដែនដី​ខេត្ត​បន្ទាយមានជ័យ បានឲ្យដឹងថា មួយ​រយៈពេល​ខ្លី​នៃ​តំណែង​ជា​ប្រធាន​មន្ទីរ​រៀបចំ​ដែនដី​ខេត្ត​បន្ទាយមានជ័យ គឺ​លោក ប្រាក់ ប៉ូ​លី ក្លាយជា​អ្នក​មាន​ទ្រព្យសម្បត្តិ​យ៉ាង​មហាសាល​មិន​គួរឲ្យ​ជឿ ដូច្នេះ​លោក ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ គួរ​បើក​ការស៊ើបអង្កេត​ឲ្យបាន​ស៊ីជម្រៅ​ទៅ​រឿងអាស្រូវ​ពុករលួយ​របស់លោក ប្រាក់ ប៉ូ​លី ហើយ​ចាត់វិធានការ​តាម​ច្បាប់​ប្រកបដោយ​ប្រសិទ្ធភាព ៕

 

Filed in: ព័ត៌មានជាតិ, សូម​ជួយ​ស៊ើប​អង្កេត

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!