ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
​ឧត្តមសេនីយ៍ឯក រ័ត្ន ស្រ៊ាង បើកសម្ពោធ​ឲ្យ​ដំណើរកា​រ​បន្ទប់​ពិនិត្យ និង​ព្យាបាល​មាត់​ធ្មេញ កងរាជអាវុធហត្ថ​រាជធានី​ភ្នំពេញ ==> លោក គី វី​រិន្ទ ត្រូវបាន​ប្រកាស​ជា​ផ្លូវការ ជា​ប្រធាន​មន្ទីរ​សាធារណការ និង​ដឹកជញ្ជូន​ខេត្តសៀមរាប ==> រដ្ឋបាល​ខេត្ត​កែប បើក​កិច្ចប្រជុំ​រៀបចំ​យន្តការ​សម្របសម្រួល​កា​រ​ប្រឡង​សញ្ញាបត្រ​មធ្យមសិក្សា​ទុតិយភូមិ​ ==> ​ឯកឧត្តម បណ្ឌិត ហ៊ុន ម៉ា​ណែ​ត អញ្ជើញ​ជា​គណៈអធិបតី ក្នុង​ពិធី​បញ្ចុះ​ខណ្ឌសីមា និង​សម្ពោធ​សមិទ្ធផល​នានា នៅ​វត្ត​ពោធិ៍​រាជ​លំ​ពូ ស្ថិតក្នុង​ស្រុក​កំពង់ត្រាច​ ==> កិច្ចប្រជុំ​ត្រៀម​រៀបចំ​ការប្រឡង​សញ្ញាបត្រ​មធ្យមសិក្សា​ទុតិយភូមិ ឆ្នាំ​២០១៩ នៅ​ខេត្ត​កំពត​ ==> ​លោក ម៉ែន វិបុល អភិបាល នៃ​គណៈ​អភិបាលខេត្ត​ស្វាយរៀង ដឹកនាំ​កំលាំង​ចុះជួយ​ស្ទូងស្រូវ និង​ចែក​គ្រាប់ពូជ​កសិផល ដល់​ប្រជា​សហគមន៍​កសិកម្ម​! ==> មន្ទីរ​សាធារណការ និង​ដឹកជញ្ជូន​ខេត្ត​ព្រះវិហារ នៅតែ​បន្ត​សកម្មភាព​ការងារ​ថែទាំ ជួសជុល​ផ្លូវថ្នល់​តាម​តំបន់​នានា ក្នុង​ភូមិសាស្ត្រ​ស្រុក​មួយចំនួន ! ==> ​សម្តេច​ពញា​ចក្រី ហេង សំរិន ចូល​បច្ច័យ​ចំនួន ៤០​លាន​រៀល សម្រាប់​កសាង​កុដ នៅ​វត្ត​ក្រ​ញ៉ូង និង​វត្ត​ព្រះ​លាន​ព្រះ ក្នុង​ខេត្ត​ត្បូងឃ្មុំ​ ==> ក្រសួង​កិច្ចការនារី​ចែក​អំណោយ​មនុស្សធម៌ ដល់​ពលរដ្ឋ​ក្រីក្រ ចំនួន ២០០​គ្រួសារ ក្នុង​ក្រុង​ប៉ៃលិន​ ==> អភិបាលខេត្ត​តាកែវ អំពាវនាវ​ដល់​ម្ចាស់ផ្ទះ​សំណាក់ អាហា​រដ្ឋា​ន និង​ភោជនីយដ្ឋាន​នានា កុំ​ដំឡើងថ្លៃ​ពេល​ប្រឡង​បាក់​ឌុប​
0

​កិច្ចប្រជុំ​ពិភាក្សា​ស្តីពី​ការត្រៀម​រៀបចំ​ពិធីបុណ្យ​សមុទ្រ​លើក​ទី​៨ ជុំ​ទី​២ ឆ្នាំ​២០១៩

(​ខេត្ត​កំពត​)៖ នៅ​ព្រឹក​ថ្ងៃ​ចន្ទ ៦​រោច ខែ​អាសាឍ ឆ្នាំ​កុរ ឯ​កស័ក ព​.​ស​២៥៦៣ ត្រូវ​នឹង​ថ្ងៃទី​២២ ខែកក្កដា ឆ្នាំ​២០១៩ លោក ជាវ តា​យ អភិបាល​នៃ​គណៈ​អភិបាលខេត្ត​កំពត បាន​ដឹកនាំ គណ​:​អភិបាល មន្ទីរ​អង្គភាព​ជុំវិញ​ខេត្ត ចូលរួម កិច្ចប្រជុំ​ពិភាក្សា​ស្តីពី​ការត្រៀម​រៀបចំ​ពិធីបុណ្យ​សមុទ្រ​លើក​ទី​៨ ជុំ​ទី​២ ឆ្នាំ​២០១៩ នៅ​ខេត្ត​កំពត ក្រោម​អធិបតីភាព លោក ថោង ខុន រដ្ឋមន្ត្រី ក្រសួង​ទេសចរណ៍ ។​

​ក្នុង​កិច្ចប្រជុំ​នាពេលនេះ​មាន​ការអញ្ជើញ​ចូលរួម​ពី លោក លោកស្រី​រដ្ឋលេខាធិការ អនុរដ្ឋលេខាធិការ ក្រសួង​ទេសចរណ៍ លោក លោកស្រី អភិបាលរង​ខេត្ត លោក លោកស្រី​នាយក នាយករង​រដ្ឋបាលខេត្ត ប្រធាន​មន្ទីរ អង្គភាព​ជុំវិញ​ខេត្ត កងកម្លាំង​ទាំង​បី​ប្រភេទ នាយក នាយករង​ទីចាត់ការ អង្គភាព​ចំណុះ​សាលាខេត្ត សរុប ៨៩​នាក់​។

​ក្នុង​កិច្ចប្រជុំ​នេះ លោក ថោង ខុន បាន​លើកឡើង​ថា ការរៀបចំ​បុណ្យ​សមុទ្រ​លើក​ទី​៨ ជុំ​ទី​២ ឆ្នាំ​២០១៩ ក្នុង​ខេត្ត​កំពត នឹង​ប្រព្រឹត្តទៅ​យ៉ាង​អធិកអធម ដែល​មាន​ទ្រង់ទ្រាយ​ធំ​ជាង​មុន ព្រោះ​បច្ចុប្បន្ន​ខេត្ត​កំពត​ពិតជា​មាន​ភ្ញៀវទេសចរ​ចូល​មក​សម្រាក លម្ហែ​កាន់តែ​ច្រើនឡើងៗ ដោយសារ​គេ​ចង់​ឃើញ ចង់​ស្គាល់​តំបន់​ទេសចរណ៍​របស់​ខេត្ត​យើង ពិសេស​ចង់​ភ្លក្ស​រសជាតិ​អាហារ​នៅទីនេះ​ផងដែរ​។​

​លោក ថោង ខុន ក៏​បាន​បញ្ជាក់​ផង​ដែរ​ថា ក្នុងចំណោម​គោលដៅ​ទេសចរណ៍​សំខាន់ៗ​នៅ​តាម​ភូមិសាស្ត្រ​ខេត្ត​កំពត គេ​បាន​ចាត់ទុក​រមណីយដ្ឋាន ឋានសួគ៌​បូកគោ​ជា​គោលដៅ​ទាក់ទាញ​មួយ ប្រៀបបាន​ជា​មេដែក អាច​ស្រូប​ទាញ​ក្រុម​អ្នក​ទេសចរណ៍ ជាតិ​និង​អន្តរជាតិ​នៃ​ភូមិភាគ​និរតី​។ ហើយ​ជារឿយៗ​ប្រតិភូ​ដែល​មកពី​ប្រទេសជិតខាង​យើង ក៏​គេ​តែងតែ​ចង់​ស្គាល់​តំបន់​ទេសចរណ៍​របស់​ខេត្ត​កំពត​យើង​ផងដែរ​។​

​សូមបញ្ជាក់​ថា ពិធីបុណ្យ​សមុទ្រ​លើក​ទី​៨ ជុំ​ទី​២ ឆ្នាំ​២០១៩ នៅ​ខេត្ត​កំពត នឹង​ប្រព្រឹត្តទៅ​ចាប់ពី​ថ្ងៃ​ទី​២០ ដល់​ថ្ងៃ​ទី​២២ ខែ​ធ្នូ ឆ្នាំ​២០១៩ ក្រោម​អធិបតីភាព​ដ៏​ខ្ពង់ខ្ពស់ សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី នៃ​ព្រះរាជាណា​ចក្រម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុនរ៉ានី ហ៊ុន​សែន​៕ សេង ណា​រិទ្ធ​

 

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!