ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
មេ​គយ​ខេត្តបាត់ដំបង លោក យូ ហេង និង​បក្ខពួក​ឃុបឃិត​គ្នា​ប្រព្រឹត្ត​អំពើ​ពុករលួយ​ដើម្បី​ផលប្រយោជន៍​ផ្ទាល់ខ្លួន​ ==> ​ពិធី​ប្រកាស​ចូល​កាន់​មុខតំណែង​ជា​ប្រធាន​មន្ទីរ​រៀបចំ​ដែនដី នគររូបនីយកម្ម​ជំនួស​លោក ប្រាក់ ប៉ូ​លី ទៅ​បំពេញ​ភារកិច្ច នៅឯ​ក្រសួង​ ==> ឃាត់ខ្លួន​ជនសង្ស័យ ០១ នាក់ ដែល​បាន​ធ្វើ​សកម្មភាព លួច យក​ទូរ​សព្ទ័​ដៃ​នៅក្នុង​មន្ទីរពេទ្យបង្អែក​ខេត្ត​បាត់ដំបង​ ==> ដើម្បី​គ្រប់គ្រង​និង​ថែរក្សា​ធនធានធម្មជាតិ​របស់​រដ្ឋ​ឲ្យបាន​គង់វង្ស​អាជ្ញាធរ​និង​ជំនាញ​ពាក់ព័ន្ធ​ត្រូវ​សហការ​គ្នា​ទប់ស្កាត់​កុំឲ្យ​មាន​ការកាប់​ទន្ទ្រាន​ ==> បទល្មើសរ​បាំង​លប​ក្នុង​និង​ក្រៅ​តំបន់​អភិរក្ស​រដូវ​បិទ​នេសាទ​កក្រើក​ផ្ទៃ​ទឹក​ឃុំ​ផ្លូវ​ទូក​ស្រុក​កំពង់លែង​ខេត្ត​កំពង់ឆ្នាំង​ ==> ​បុណ្យ​ឆ្លង​វិមាន​តេជះ​ព្រះ​គោ​ជើង​ប្រាំ​នៅ វត្ត​ពោធិ​មា​រាម​ហៅ​វត្ត​ប៉ា​ហ៊ី​ ==> ក្រុមការងារ​គ្រូពេទ្យ​ស្ម័គ្រចិត្ត​លោក ហ៊ុន ម៉ា​នី ជាង​៥០០​នាក់ បន្ត​ចុះ​ព្យាបាល​ជូន​ប្រជាពលរដ្ឋ​ជិត​៥​ពាន់​នាក់ ដោយ​ឥតគិតថ្លៃ នៅ​ស្រុក​ទឹកឈូ ខេត្ត​កំពត​ ==> ​ឯកឧត្តម ជា សុផារ៉ា​និង​ឯកឧត្តម គន់ គីម​ព្រមទាំង​ក្រុមការងារ កាកបាទក្រហមកម្ពុជា នាំយក​អំណោយ​សម្តេច​កិត្តិ​ព្រឹទ្ធ​បណ្ឌិត​ចែក​អំណោយ​ជូន​ប្រជាពលរដ្ឋ​២៥៣៩​គ្រួសារ នៅ​ខេត្ត​ត្បូងឃ្មុំ​ ==> ​ពលរដ្ឋ​ជា​អ្នករ​កស៊ីដឹក​ទំនិញ​តាម​ព្រំដែន​ព្រែក​ចាក នាំគ្នា​ទៅ​បិទ​ផ្លូវ​នៅ​មុខ​ស្នាក់ការ​គយ​ចល័ត​ដើម្បី​សុំ​ឲ្យ​ស្ថាប័ន​មួយ​នេះ​បញ្ចុះ​តម្លៃ​សេវា​ដឹកជញ្ជូន​ ==> ​ឯកឧត្តម វង សូ​ត រដ្ឋមន្ត្រី​ក្រសួង​សង្គមកិច្ច អតីតយុទ្ធជន និង​យុវនីតិសម្បទា និង​លោកជំទាវ ព្រមទាំង​ថ្នាក់ដឹកនាំ​គ្រប់​ជាន់ថ្នាក់ និង​មន្ត្រីរាជការ បាន​អញ្ជើញ​ចូលរួម​កាន់បិណ្ឌ​ទី​២ នៅ​វត្ត​សារា​វ័ន​តេជោ
0

ឯកឧត្តម ឧត្តមសេនីយ៍ទោ សេង សុគន្ធ ស្នងការ​នៃ​ស្នងការដ្ឋាន​នគរបាល​ខេត្ត​ប៉ៃលិន បាន​បើក​កិច្ចប្រជុំ​ត្រួតពិនិត្យ​ការងារ ការអនុវត្តន៍​គោលនយោបាយ ភូមិ​-​ឃុំ មាន​សុ​វត្តិភាព ប្រចាំ​ឆមាស​ទី​១ ឆ្នាំ​២០១៩ និង​ការងារ​បញ្ចូល​កំណត់ត្រា​បទល្មើស​ព្រហ្មទណ្ឌ​

ប៉ៃលិន​៖ នា​ព្រឹក​ថ្ងៃទី​១១ ខែកក្កដា ឆ្នាំ​២០១៩ ស្នងការដ្ឋាន​នគរបាល​ខេត្ត​ប៉ៃលិន បាន​បើក​កិច្ចប្រជុំ​ត្រួតពិនិត្យ​ការងារ ការអនុវត្តន៍​គោលនយោបាយ ភូមិ​-​ឃុំ មាន​សុ​វត្តិភាព ប្រចាំ​ឆមាស​ទី​១ ឆ្នាំ​២០១៩ និង​ការងារ​បញ្ចូល​កំណត់ត្រា​បទល្មើស​ព្រហ្មទណ្ឌ​។​

​ក្នុង​កិច្ចប្រជុំ​នេះ លោក​វរសេនីយ៍ទោ ឡាំ សំរិទ្ធ នាយ​ការិយាល័យ​សរុប​ផែនការ បាន​អាន របាយការណ៍​សមិទ្ធផល​ការងារ​អនុវត្តន៍​គោលនយោបាយ ភូមិ​-​ឃុំ មាន​សុ​វត្តិភាព​ប្រចាំឆ្នាំ​២០១៩ ។ ក្នុងនោះ​មាន​ការលើកឡើង​របស់​លោកនាយ​ការិយាល័យ​សរុប​ផែនការ សូមឲ្យ​លោកនាយ​ការិយាល័យ​ព្រហ្មទណ្ឌ ពន្លឿន​ធ្វើ​របាយការណ៍​បង្ក្រាប​បន្ត​ទៅ​លើក​ករណី​ដែល​បាន​បង្ក្រាប ដើម្បី​បញ្ចូល​ទៅ​ក្នុង​របាយការណ៍​ឆមាស​ទី​២ ឆ្នាំ​២០១៩​។​

​បន្ទាប់​ពី​ការអាន​របាយការណ៍រ​បស់​លោកនាយ​ការិយាល័យ​សរុប​ផែនការ​ចប់ ក៏​មាន​ការធ្វើ​បទ​បង្ហាញ​អំពី​ការបញ្ចូល កំណត់ត្រា​បទល្មើស​ព្រហ្មទណ្ឌ និង​របៀប​គណនា​អំពី​ចំណាប់​ថ្នាក់​តាម​បណ្តា ឃុំ​-​សង្កាត់ ដោយ​លោក​វរសេនីយ៍ត្រី លេង សារ៉ន នាយ​ការិយាល័យ​សរុប​ផែនការ​។​

​ជា​ចុងក្រោយ លោក​ឧត្តមសេនីយ៍ទោ សេង សុគន្ធ ស្នងការ នៃ​ស្នងការដ្ឋាន​នគរបាល​ខេត្ត​ប៉ៃលិន ក៏​បាន​មានប្រសាសន៍​បូកសរុប និង​ណែនាំ​ដល់​កងកម្លាំង ជាពិសេស​ការិយាល័យ​ព្រហ្មទណ្ឌ ជាមួយ​អធិការ​ក្រុង​-​ស្រុក ប៉ុស្តិ៍នគរបាល​រដ្ឋបាល ឲ្យ​យកចិត្តទុកដាក់​ក្នុងកា​រ​ធ្វើ​របាយការណ៍​បង្កា និង​បង្ក្រាប​បទល្មើស​ផ្សេងៗ ដើម្បី​បូក​សរុប​លទ្ធផល​យក​មក​ប្រលងប្រណាំង​ចំណាត់ថ្នាក់ ភូមិ​-​ឃុំ មាន​សុ​វត្តិភាព​។

​កិច្ច​បញ្ចប់​នៃ​កម្មវិធី ឯកឧត្តម ឧត្តមសេនីយ៍ទោ ស្នងការ ក៏​មាន​ការប្រគល់​នូវ​សៀវភៅ​គ្រួសារ ប័ណ្ណ​ស្នាក់នៅ និង​អត្ដ​សញ្ញាណ​ប័ណ្ណ​សញ្ជាតិ​ខ្មែរ ដល់​ការិយាល័យ​ជំនាញ និង​អធិការ ក្រុង​-​ស្រុក ធ្វើ​ការចែក​បន្ត​ជូនទៅ​ប្រជាពលរដ្ឋ​នៅ​តាម​មូលដ្ឋាន​យក​ទៅ​ប្រើប្រាស់​៕

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!