ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
0

​វគ្គ​តម្រង់​ទិស​ស្តីពី “​ការគ្រប់គ្រង​រដ្ឋបាល​រាជធានី ខេត្ត តាម​បែប​វិមជ្ឍការ​” សម្រាប់​ក្រុមប្រឹក្សា​រាជធានី ខេត្ត​

(​ខេត្ត​កំពត​)៖ នៅ​ព្រឹក​ថ្ងៃ​ចន្ទ ៧​កើត ខែ​អាសាឍ ឆ្នាំ​កុរ ឯ​កស័ក ព​.​ស ២៥៦៣ ត្រូវ​នឹង​ថ្ងៃទី​០៨ ខែកក្កដា ឆ្នាំ​២០១៩ រដ្ឋបាល​ខេត្ត​កំពត សហការ​ជាមួយ អគ្គនាយកដ្ឋាន​រដ្ឋបាល ក្រសួងមហាផ្ទៃ បាន​បើក​វគ្គ​តម្រង់ទិស​ស្តីពី “​ការគ្រប់គ្រង​រដ្ឋបាល​រាជធានី ខេត្ត តាម​បែប​វិមជ្ឍការ​” សម្រាប់​ក្រុមប្រឹក្សា​រាជធានី ខេត្ត ដែល​ទើប​ជាប់ឆ្នោត​ថ្មី​ក្នុង​អាណត្តីទី​៣ និង​មិន​ធ្លាប់​កាន់​តំណែង​ពីមុន ក្រោម​អធិបតីភាព លោក ជឹង ផល្លា ប្រធាន​ក្រុមប្រឹក្សា​ខេត្ត​។

​ក្នុង​វគ្គ​បណ្តុះបណ្តាល​នាពេល​នេះ​មាន​ការអញ្ជើញ​ចូលរួម​ពី លោក លោកស្រី ជា​ក្រុមប្រឹក្សា​ខេត្ត​កំពត តាកែវ ខេត្ត​កែប ខេត្ត​ព្រះសីហនុ លោក លោកស្រី នាយក នាយក​រដ្ឋបាលខេត្ត នាយក​ទីចាត់ការ​គ្រប់គ្រង​ធនធានមនុស្ស ប្រធាន អនុប្រធាន​ការិយាល័យ​ក្រុម​លេខាធិការ​ក្រុមប្រឹក្សា ចំណុះ​សាលាខេត្ត សរុប ៥២ នាក់​។

​វគ្គ​បណ្តុះបណ្តាល​នេះ មាន​រយៈពេល ០២​ថ្ងៃ គឺ​ថ្ងៃ​ទី​៨ ទី​៩ ខែកក្កដា ឆ្នាំ​២០១៩ ក្នុង​គោលបំណង ដើម្បី​ធានា​ឲ្យ​ក្រុមប្រឹក្សា​ជាប់ឆ្នោត​ថ្មី អាច​បំពេញ​ការងា​ររ​បស់​ខ្លួន​ស្រប​តាម​ច្បាប់​ស្តីពី​ការគ្រប់គ្រង​រដ្ឋបាល​រាជធានី ខេត្ត ស្រុក ខណ្ឌ និង​គោលនយោបាយ​វិមជ្ឍការ និង​វិសមជ្ឍការ​របស់​រាជរដ្ឋាភិបាល​កម្ពុជា​៕ សេង ណា​រិទ្ធ​

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!