ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
0

​កាកបាទក្រហមកម្ពុជា ប្រារព្ធ​ពិធី​សូត្រមន្ត ចម្រើន​ព្រះ​ប​រិត្ត និង​រាប់បាត្រ​ព្រះសង្ឃ​៨៤​អង្គ ថ្វាយព្រះព​រ សម្ដេច​ព្រះមហាក្សត្រី ក្នុង​ឱកាស​បុណ្យ​ចម្រើន​ព្រះជន្ម​វស្សា គម្រប់​៨៣ យាង​ចូល​៨៤​ព្រះវស្សា​

(​ភ្នំពេញ​)៖ នៅ​ព្រឹក​ថ្ងៃទី​១៦ ខែមិថុនា ឆ្នាំ​២០១៩​នេះ សម្ដេច​កិត្ដិ​ព្រឹទ្ធ​បណ្ឌិត ប៊ុន រ៉ានី ហ៊ុន​សែន ប្រធាន​កាកបាទក្រហមកម្ពុជា បាន​ដឹកនាំ​សហការី​ទាំងអស់ រួម​ទាំង​យុវជន​ស្ម័គ្រចិត្ដ ប្រារព្ធ​ពិធី​សូត្រមន្ត ចម្រើន​ព្រះ​ប​រិត្ត និង​រាប់បាត្រ​ព្រះសង្ឃ​៨៤​អង្គ ថ្វាយព្រះពរ​សម្ដេច ព្រះមហាក្សត្រី ព្រះវររាជ​មាតា​ជាតិខ្មែរ នរោត្ដម មុនិនាថ សីហនុ ព្រះប្រធាន​កិត្ដិយស​កាកបាទក្រហ​ម​កម្ពុជា ក្នុង​ឱកាស​បុណ្យ​ចម្រើន​ព្រះជន្ម​វស្សា​គម្រប់​៨៣ យាង​ចូល ៨៤​ព្រះវស្សា ។​

​ក្នុងឱកាស​នោះ សម្តេច​កិត្តិ​ព្រឹទ្ធ​បណ្ឌិត និង​សហការី​នៃ​កាកបាទក្រហមកម្ពុជា​ទាំងអស់ បាន​លើក​ហត្ថ​ប្រណម្យ បួងសួង ដល់​គុណបុណ្យ​ព្រះ​រតនត្រ័យ វត្ថុ​ស័ក្តិសិទ្ធិ​ទាំងអស់​ក្នុង​លោក ទេវតា​ថែរក្សា​ព្រះមហា​ស្វេតច្ឆត្រ ព្រះ​បារមី នៃ​អតីត​ព្រះមហាក្សត្រ ព្រះ​មហាក្សត្រិយានី​ខ្មែរ គ្រប់​ព្រះអង្គ ព្រះ​បារមី ព្រះករុណា ព្រះ​បរម​រតន​កោដ្ឋ ជាពិសេស​ទេវតា​ឆ្នាំ​ថ្មី ឆ្នាំ​កុរ សំរឹទ្ធ​ស័ក ព​.​ស ២៥៦៣ ព្រះនាម ទុង្ស​ទេវី សូម​ជួយ​បីបាច់​ថែរក្សា សម្ដេច​ព្រះមហាក្សត្រី ព្រះវររាជ​មាតា​ជាតិខ្មែរ ជាទី​គោរព​សក្ការៈ​ដ៏​ខ្ពង់ខ្ពស់​បំផុត សូម​ព្រះអង្គ​ប្រកបដោយ​ព្រះ​ពុទ្ធពរ​ទាំង ៤​ប្រការ គឺ​អាយុ វណ្ណៈ សុខៈ ពលៈ កុំបី​ឃ្លៀងឃ្លាត​ឡើយ ដើម្បី​គង់​ប្រថាប់​ជា​ម្លប់​ដ៏​ត្រជាក់ ដល់​ប្រជានុរាស្ត្រ​ជា​កូនចៅ ចៅទួត របស់​ព្រះអង្គ ទូទាំង​ព្រះរាជាណាចក្រ​កម្ពុជា ជា​ដរាប​ត​រៀង​ទៅ​៕
​កម្ពុជា​អភិវឌ្ឍន៍​

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!