ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
ទាន់ហេតុការណ៍
រដ្ឋមន្ត្រី វង សូ​ត បង្ហាញ​ពី​សកម្មភាព​របស់​កម្ពុ​ជា ដែល​កំពុង​អនុវត្ត​លើ​សុខុមាលភាព​សង្គម និង​អភិវឌ្ឍន៍ ដើម្បី​ផ្លាស់ប្តូរ​បទពិសោធន៍ ជាមួយ​ប្រទេស​សមាជិក​អាស៊ាន​ ==> ​រដ្ឋបាល​ខេត្ត​កំពត ទុកពេល​១៥​ថ្ងៃ ឲ្យ​អាជ្ញាធរ​ស្រុក​កំពង់ត្រាច ចុះ​សិក្សា​រាល់​បញ្ហា​ពាក់ព័ន្ធ​នឹង​សំណូមពរ​របស់​ពលរដ្ឋ រួច​រាយការណ៍​ជូន​ក្រុមប្រឹក្សា​ខេត្ត និង​គណៈ​អភិបាលខេត្ត​ ==> ​រដ្ឋបាល​ខណ្ឌ​ដូនពេញ​បើក​កិច្ចប្រជុំ​ការងារ​ពាក់ព័ន្ធ​មួយចំនួន​របស់​ក្រុមប្រឹក្សា​ខណ្ឌ អាណត្តិ​ទី​២​ក្នុង ឆ្នាំ​២០១៨ ==> អភិបាលខេត្ត​កំពង់ចាម ស្នើ​ដល់​ដៃគូ​អភិវឌ្ឍន៍ អង្គការ​សង្គម​ស៊ីវិល បន្ត​ផ្តល់​ការគាំទ្រ និង​ចូលរួម​ជាមួយ​រាជរដ្ឋាភិបាល​កម្ពុជា​ ==> ​ភ្លើង​ឆេះ​បន្ទប់​ស្នាក់​ក្នុងកា​សី​ុ​ណូ​ហា​ទៀង​វេ​ហ្គាស បណ្តាល​ឱ្យ​បុគ្គលិក​ម្នាក់​ស្លាប់​ក្នុង​អណ្តាតភ្លើង​ ==> ​វេទិកា​ផ្សព្វផ្សាយ និង​ពិគ្រោះ​យោបល់ លើក​ទី​១ អាណ​តិ្ត​ទី​៣ របស់​ក្រុមប្រឹក្សា​ខេត្ត​កែប​ ==> វេទិកា​ផ្សព្វផ្សាយ​និង​ពិគ្រោះ​យោបល់​របស់​ក្រុមប្រឹក្សា​ខេត្ត​កំពត នៅ​ស្រុក​កំពង់ត្រាច​ ==> ​សម្តេច​តេជោ ហ៊ុន សែន អញ្ជើញ​គោរព​ព្រះ​វិញ្ញ​ណ​ក្ខ​ន្ធ សម្ដេច​រាជបុត្រី​ព្រះរៀម នរោត្តម បុប្ផា​ទេវី នៅ​វត្តបុ​ទុម​វ​តីរា​ជ​វ​រា​រាម ==> ប្រកាស​ចូល​កាន់តំណែង ផ្ទេរ​ភារកិច្ច និង​បំពាក់​ឋានន្ដរស័ក្ដិ មន្ដ្រីនគរបាល​ជាតិ​១៨១​នាក់ នៅ​ស្នងការដ្ឋាន​នគរបាល​ខេត្ត​កំពង់ចាម​ ==> សម្តេច​តេជោ ហ៊ុន សែន អញ្ជើញ​ទទួលពាន​រង្វាន់ «​ភាពជា​អ្នកដឹកនាំ និង អភិបាលកិច្ច​ល្អ​»
0

មេ​ឈ្មួញ​សម្រុក​ដឹកជញ្ជូន​ឈើ​ឆ្លងដែន​ទៅ​ប្រទេស​វៀត​ណា​តាម​ច្រក​ទ្វេភាគី​ឡា​ប៉ា​ខេ​ដោយ​មាន​ការឃុបឃិត​គ្នា​ជា​ប្រព័ន្ធ​

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

មណ្ឌលគិរី ៖ តាម​ប្រភព​ពី​ប្រជាពលរដ្ឋ​និង​មន្ដ្រី​តូចតាច​មួយ​នៅតាម​តំបន់​ព្រំដែន​កម្ពុជា​+​វៀត​ណា ក្បែរ​ច្រក​ទ្វេភាគី​ឡា​ប៉ា​ខេ ស្រុក​កែវ​សីមា ខេត្ត​មណ្ឌលគិរី បាន​បង្ហើប​ឲ្យដឹងថា មកដល់​ពេលនេះ​លោក សា ផល្លា នាយ​ប៉ុស្ដិ៍​ច្រក​ឡា​ប៉ា​ខេ នៅតែ​បន្ត​ឃុបឃិត​បើកដៃ​ឲ្យ​ឈ្មួញ​ដឹក​ជញ្ជូន​ឈើ​ចេញ​ទៅ​ប្រទេស​វៀតណាម​យ៉ាង​ពេញបន្ទុក​ដដែល​ដើម្បី​ជា​ថ្នូរ​នឹង​ផលប្រយោជន៍​។

​ពាក់ព័ន្ធ​ករណី​នេះ​មន្ត្រីនគរបាល​នៅ​ក្នុង​ស្នងការដ្ឋាន​នគរបាល​ខេត្ត​មណ្ឌលគិរី បាន​បង្ហើប​ឲ្យដឹងថា ការដែល​លោក សា ផល្លា ហ៊ាន​ធ្វើ​អ្វីៗ​តាម​អំពើ​ចិត្ត​របស់​ខ្លួន គឺ​ដោយសា​រអាង​មាន​លោក​ឧត្តមសេនីយ៍ទោ ឡោ សុខា ស្នងការ​នគរបាល​ខេត្ត​មណ្ឌលគិរី ជា​មិត្តភក្ដិ​ជិតស្និទ្ធ​និង​ជា​បង្អែក​ដ៏​រឹងមាំ​របស់​ខ្លួន​។ ដូច្នេះហើយ​ទើប​លោក សា ផល្លា នៅតែ​បន្ត​ឃុបឃិត​ឲ្យមាន​បទល្មើស​ដឹកជញ្ជូន​ឈើ​ចេញ​ទៅ​ស្រុក​យួន​តាម​ច្រក​ឡា​ប៉ា​ខេ ក៏ដូចជា​ច្រករបៀង​ច្រើន​កន្លែង​ក្រោម​ការទទួលខុសត្រូវរ​បស់​អង្គភាព​នគរបាល​វរ​ការពារ​ព្រំដែន​លេខ​៦២១​។​

​តាម​ប្រភព​ព័ត៌មាន​ពី​មន្ត្រី​នៅ​ច្រក​ឡា​ប៉ា​ខេ បានឲ្យដឹងថា ជា​រៀងរាល់​យប់​មាន​ឈ្មួញ​ដឹកជញ្ជូន​ឈើ​តាម​រថយន្ត​និង​មាន​ប្រជាពលរដ្ឋ​ដឹកជញ្ជូន​ឈើ​តាម​ម៉ូតូ​ចេញ​ទៅ​ស្រុក​យួន​តាម​ច្រករបៀង​ង៉ាំ​តា​យិន ច្រករបៀង​៣៥ បន្ត​ទៅ​ច្រករបៀង​ង៉ាំ​ដី ដោយ​ក្នុង​មួយ​យប់ៗ​សរុប​ចំនួន​ម៉ូតូ​ដឹកឈើ​គឺ​មាន​រាប់រយ​គ្រឿង​។

ច្រករបៀង​ទាំងនោះ​គ្រប់គ្រង​ដោយ​លោក សា ផល្លា ដែល​ជា​នាយ​ប៉ុស្ដិ៍​ច្រក​ឡា​ប៉ា​ខេ ចំណុះឲ្យ​អង្គភាព​នគរបាល​វរ​ការពា​រ​ព្រំដែន​លេខ​៦២១ និង​គ្រប់គ្រង​ដោយ​លោក ខៃ ដែល​ជា​មេបញ្ជាការ​ប្រចាំ​គ​២ កងអនុសេនាធំ​លេខ​២ ព្រំដែន​គោក​ឡា​ប៉ា​ខេ​។

ទន្ទឹមនឹងនេះ​លោក សា ផល្លា បាន​ប្រគល់​តួនាទី​ឲ្យ​លោក អ៊ូច សុ​ភក្ត្រ ជា​អ្នកដើរ​ប្រមូល​លុយ​ពី​ឈ្មួញ​ដឹកជញ្ជូន​ឈើ​ចេញ​ទៅ​ស្រុក​យួន​តាម​ច្រករបៀង​ជាច្រើន​កន្លែង ដូចជា​ច្រក​ង៉ាំ​អូរ​ជុំ ច្រក​យូ​ឡឹ​ត ច្រក​តា​យិន ច្រក​បា​ឡា ច្រក​ង៉ាំ​ដី និង​ច្រក​ង៉ៃ​បា​វ៉េ ជាដើម​។ តាមរយៈ​ការឃុបឃិត​ឲ្យ​ឈ្មួញ​ដឹក​ជញ្ជូន​ឈើ​ចេញ​ទៅ​ប្រទេស​វៀតណាម​យ៉ាង​ពេញបន្ទុក គឺ​លោក សា ផល្លា អាច​ប្រមូល​លុយ​បាន​យ៉ាងច្រើន​ក្នុង​មួយ​យប់ៗ​។​

​ប្រភព​ពី​ប្រជាពលរដ្ឋ​រស់នៅ​តំបន់​ព្រំដែន​កម្ពុជា​+​វៀត​ណា​ក្នុងស្រុក​កែវ​សីមា បានឲ្យដឹង​ទៀតថា ឈើ​ដែល​ឈ្មួញ​ដឹក​ជញ្ជូន​ចេញ​ទៅ​ស្រុក​យួន​តាម​ច្រក​ទ្វេភាគី​ឡា​ប៉ា​ខេ និង​ច្រករបៀង​ជាច្រើន​កន្លែង​ក្បែរៗ​នោះ គឺជា​ឈើ​ដែល​ឈ្មួញ​ប្រមូល​ទិញ​នៅ​តំបន់​ដែនជម្រកសត្វព្រៃ​ភ្នំ​ព្រេច តំបន់​អភិរក្ស​ជីវៈចម្រុះ​កែវ​សីមា និង​តំបន់​ដែនជម្រកសត្វព្រៃ​ភ្នំ​ណាំ​លៀ ស្រុក​ពេជ្រា​ដា ជាដើម​។

បើ​តាម​ប្រភព​ពី​ក្រុម​ឈ្មួញ​និង​ប្រជាពលរដ្ឋ​ដែល​ដឹក​ជញ្ជូន​ឈើ​ចេញ​ទៅ​ស្រុក​យួន​បានឲ្យដឹងថា ពួក​គេ​បង់​លុយ​ឲ្យ​លោក សា ផល្លា មេ​ប៉ុស្ដិ៍​ច្រក​ណាំ​លៀ និង​សមត្ថកិច្ច​ពាក់ព័ន្ធ​ដទៃទៀត​តាម​ការកំណត់​ទើប​អាច​ដឹក​ជញ្ជូន​ឈើ​ទៅ​ដល់​គោលដៅ​យ៉ាង​រលូន​។ ហេតុនេះហើយ​ទើប​មាន​សេចក្ដីអំពាវនាវ​ឲ្យ​នាយ​ឧត្តមសេនីយ៍ នេ​ត សាវឿន អគ្គស្នងការ​នគរបាល​ជាតិ ចាត់វិធានការ​ទប់ស្កាត់​ភាពមិនប្រក្រតី​ខាងលើនេះ​ផង ព្រោះ​មាន​សេចក្ដីរាយការណ៍​ថា លោក​ឧត្តមសេនីយ៍ទោ ឡោ សុខា ស្នងការ​នគរបាល​ខេត្ត​មណ្ឌលគិរី ជា​អ្នក​ឃុបឃិត​បើកដៃ​ឲ្យ​លោក សា ផល្លា ធ្វើ​អ្វីៗ​តាម​អំពើ​ចិត្ត​និង​ផលប្រយោជន៌​៕

Filed in: ព័ត៌មាន​សំខាន់ៗ, សូម​ជួយ​ស៊ើប​អង្កេត

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!