ទំនាក់ទំនងព័ត៌មាន និងផ្សាយពាណិជ្ជកម្ម Tel: 077 79 79 52 Email: kamapnews@gmail.com
0

អភិបាល​ខេត្ត​កំពត​បញ្ជាក់ថា​គម្រោង​អភិវឌ្ឍ​តំបន់​ឆ្នេរ​ខ្សាច់​(​កែប​ថ្មី​) ស្រុក​ទឹកឈូ ខេត្ត​កំពត គឺជា​គម្រោង​ផ្ដល់​សិទ្ធិ​វិនិយោគ​ពី​រាជរដ្ឋាភិបាល​ពិតប្រាកដ​

(​ខេត្ត​កំពត​)៖ លោក ជាវ តា​យ អភិបាល​នៃ​គណៈ​អភិបាលខេត្ត​កំពត បាន​បញ្ជាក់​នៅក្នុង​សន្និសីទ​សារព័ត៌មាន​ជាមួយ​បណ្ដា​ភ្នាក់ងារ​អ្នក​សា​ព័ត៌មាន​កាសែត​និង​ទូរទស្សន៍​នៅឯ​សាលាខេត្ត​កំពត​កាលពី​ព្រឹក​ថ្ងៃទី​៣០​ខែ​មីនា ឆ្នាំ​២០១៩​នេះ​ថា​៖ គម្រោង​អភិវឌ្ឍ​តំបន់ឆ្នេរ​ខ្សាច់​នៅ​ភូមិ​កែប​ថ្មី ស្ថិតក្នុង​ឃុំ​បឹង​ទូក ស្រុក​ទឹកឈូ ខេត្ត​កំពត បច្ចុប្បន្ន​គឺជា​គម្រោង​មួយ​ក្រោម​ការផ្ដល់​សិទ្ធិ​វិនិយោគ​ពី​រាជរដ្ឋាភិបាល ក្រុមប្រឹក្សា​អភិវឌ្ឍន៍​កម្ពុជា​ហៅថា (CDC )​ជូន​ក្រុមហ៊ុន​ក្នុងស្រុក​មួយ​ឈ្មោះថា​(IGB)​តំណាង​ដោយ​លោក ជា សុខ​ហេង ប្រធាន​ក្រុមហ៊ុន​យ៉ាង​ពិតប្រាកដ​ក្នុង​គោលបំណង​ដើម្បី​អភិវឌ្ឍន៍​បម្រើឲ្យ​វិស័យ​ទេសចរណ៍​។​

​ការលើក​ឡើង​អោយ​ដឹង​ដូចនេះរ​បស់ លោក ជាវ តា​យ អភិបាល​ខេត្ត​គឺ​ដើម្បី​បញ្ជាក់​ជូន​ភាពមិនច្បាស់លាស់​របស់​បណ្ដាញ​អ្នកសារព័ត៌មាន​មួយចំនួន​ដែល​តែងតែ​ចុះផ្សាយ​ពី​បញ្ហា​គម្រោង​អភិវឌ្ឍ​តំបន់ឆ្នេរ​ខ្សាច់ ខាងលើនេះ​។ លោក ជាវ តា​យ ក៏​បាន​រំលឹក​បញ្ជាក់ជូន​ថា​៖ ដោយ​ក្នុង​រយៈពេល​កន្លងមក​នេះ​តែងតែ​មាន​ការលេចឮ លើកឡើង​ខុសៗ​គ្នា​ជា​ច្រើន ពាក់ព័ន្ធ​គម្រោង​អភិវឌ្ឍន៍​តំបន់ឆ្នេរ​ខ្សាច់​កែប​ថ្មី​របស់​ក្រុមហ៊ុន​វិនិយោគ (IGB)​ហើយ​នៅ​ចុងក្រោយ​នេះ​ឃើញ​មាន​ការលើកឡើង​ប្លែកៗ​ហើយ​មាន​ការផ្សព្វផ្សាយ​តាម​ប្រព័ន្ធ​ផ្សព្វផ្សាយ​មួយ​ចំនួន​ដោយ​មិនមាន​ភាពច្បាស់លាស់​ម្ដង​ថា​សង្ស័យ​រដ្ឋបាល​ខេត្ត​លក់ ម្ដង​ថា​មាន​ការ​ស៊ុមគ្រលំ ម្ដង​ថា​ការអភិវឌ្ឍ​ហ្នឹង​វា​អត់​ស្របច្បាប់​។ ដូច្នេះ​ចំណុច​ខាងលើនេះ លោក ជាវ តាវ​អភិបាលខេត្ត បាន​ចង់​ជម្រាប​បញ្ជាក់ជូន​ដល់​អ្នកសារព័ត៌មាន​ក្នុងឱកាស​នោះ​ឲ្យបាន​យល់​ថា​រដ្ឋបាល​ខេត្ត​មិន​មាន​បំណង​ណាមួយ​ឃុបឃិត​ដើម្បី​លក់​ដី​រដ្ឋ​ទៅឲ្យ​បុគ្គល​ណា​ម្នាក់​នោះ​ទេ នៅក្នុង​គម្រោង​នោះ​គឺ​រដ្ឋបាល​ខេត្ត​មាន​គំនិត​ចង់​អភិវឌ្ឍន៍​ដើម្បី​ធ្វើ​យ៉ាងណាឲ្យ​ខេត្ត​ទទួលបាន​នូវ​ភ្ញៀវទេសច​រណ៍ហើយ​បម្រើសេវា​ជូន​ប្រជាពលរដ្ឋ​មក​កម្សាន្ដ​សំដៅ​កាត់បន្ថយ​ភាពក្រីក្រ​របស់​ប្រជាពលរដ្ឋ​នេះ​ហើយ​ដែល​ស្រប​តាម​បំណង​រាជរដ្ឋាភិបាល​ចង់បាន​។ លោក​អភិបាលខេត្ត​បន្ត​ជំរាបជូន​ថា កន្លងមក​នេះ​រដ្ឋបាល​ខេត្ត​តែង​បានលើកឡើង​ជូន​ក្នុង​អង្គប្រជំុ​ជាច្រើន​ដង​របស់​រដ្ឋបាលខេ​ត្ត​ថា​តំបន់​កែប​ថ្មី​នេះ​ជា​តំបន់​មួយ​មាន​ការវិនិយោគ ហើយ​មាន​ច្បាប់​ទំលាប់​ដោយ​មាន​ការសម្រេច​របស់​ក្រុមប្រឹក្សាអភិវឌ្ឍ​កម្ពុជា​(CDC)​នៅក្នុង​នោះ​គឺ​មាន​ទំហំ​ដី​២០០​ហិកតា​គឺ​រដ្ឋបាល​ខេត្ត​ទទួលបាន​៤០​ភាគរយ​អ្នកវិនិយោគ​ទទួលបាន​៦០​ភាគរយ មានន័យថា​រដ្ឋបាល​ខេត្ត​ទទួលបាន​ដី​៨០​ហិកតា​អ្នកវិនិយោគ​ទទួលបាន​១២០​ហិកតា​។ ប៉ុន្តែ​រឿងរ៉ាវ​ទាំង​នេះ​យើង​ដឹង​ហើយ​ថា ការវិនិយោគ​នេះ​គឺ​មិន​ទើបតែ​មាន​ពេលនេះ​ទេ គឺ​មាន​យូរហើយ​ដែល​មាន​ឈ្មោះ​ក្រុមហ៊ុន​កែវ ជា បន្ទាប់​មក​ក្រុមហ៊ុន​កែវជា ក៏​បាន​ផ្ទេរ​ឲ្យមក​ក្រុមហ៊ុន​(IGB)​ជា​សុខ​ហេង​នេះ​វិញ​។​ហើយ​បច្ចុប្បន្ន​នេះ​រដ្ឋបាល​ខេត្ត​ក៏​បាន​ជម្រុញ​ឲ្យ​ក្រុមហ៊ុន​នេះ​អនុវត្ត​គោលការណ៍​របស់​រាជរដ្ឋាភិបាលដើម្បី​ជា​ចំណែក​របស់​រដ្ឋបាល​ខេត្ត​យក​ទៅ​ធ្វើ​ការអភិវឌ្ឍ​ឆ្នេរ​មួយ​ដ៏​ស្រស់​ស្អាត​ដើម្បើ​បម្រើ​វិស័យ​ទេសចរណ៍​ឲ្យបាន​លឿន​ឆាប់រហ័ស​យ៉ាង​ហោចនៅ​ចុងឆ្នាំ​២០១៩​នេះ​ក៏​ត្រូវឲ្យមាន​ឆ្នេរ​ខ្សាច់​សម្រាប់​បម្រើភ្ញៀ​វ​ទេសចរណ៍​មក​កម្សាន្ដ​បាន​មួយចំណែក​ផងដែរ​។ លោក​អភិបាលខេត្ត​ក៏​បាន​ជម្រាបជូន​ដែរ​ថា រដ្ឋបាល​ខេត្ត​គឺជា​សេនាធិការ ឫ​តំណាង​រាជរដ្ឋាភិបាល តែបើ​អ្វី​មាន​ជា​ច្បាប់ ជា​បទដ្ឋាន​គតិយុត្តិ​ទាំងឡាយណា​គឺ​រដ្ឋបាល​ខេត្ត​ត្រូវតែ​អនុវត្តតាម​អ្វី​ដែល​មាន​នៅក្នុង​ច្បាប់​និង​របស់​រាជរដ្ឋាភិបាល​។​

​លោក​អភិបាលខេត្ត​បាន​សង្កត់ធ្ងន់ថា អ្នកសារព័ត៌មាន​ជា​ស្ពាន​ចម្លង​ឆ្លុះបញ្ចាំង​ពី​ភាព​វិជ្ជមាន​និង​អវិជ្ជមាន​ក្នុង​សង្គម​ជួយ​ដល់​អាជ្ញាធរ​ក៏​ដូច​រាជរដ្ឋាភិបាល​។ ប៉ុន្តែ​ការលើកឡើង​ណាមួយ​ផ្ទុយ​ពី​ការអនុវត្ត​មិនមែន​ការពិត​នោះ លោក​ក៏​សូមឲ្យ​អ្នកសារព័ត៌មាន​ទាំងអ​ស់​មុន​នឹង​ចុះផ្សាយ​ត្រូវមាន​ការទំនាក់ទំនង​សួរនាំ​ពី​ប្រភព​ព័ត៌មាន​ឲ្យបាន​ច្បាស់លាស់​សិន​ទើប​ជា​ការប្រសើរ​៕ សេង ណា​រិទ្ធ​

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.
error: Content is protected !!