ក្រុងប៉ោយប៉ែត៖ នៅព្រឹកថ្ងៃទី២០ ខែកុម្ភៈឆ្នាំ២០១៩ នេះ នៅវេលាម៉ោង០៩និង១០នាទីព្រឹក អាជ្ញាធរមានសមត្ថកិច្ចពាក់ព័ន្ធ ប្រចាំក្រុងប៉ោយប៉ែត និងអាជ្ញាធរខាងភាគីថៃ បានប្រារព្ធពិធីទិវាសម្អាតអនាម័យ និងបរិស្ថាន ក្រោមប្រធានបទ (ដើម្បីផ្ទះយើងស្អាត) ធ្វើឡើងនៅលើស្ពានមិត្តភាព( កម្ពុជា.ថៃ ) ។
ក្រោមអធិបតីភាព លោក សាន ស៊ានហូ អភិបាលនៃគណៈអភិបាលក្រុងប៉ោយប៉ែត និង វត្តមានលោក វិឆិត ឆាតផៃសិទ្ធ អភិបាលខេត្តស្រះកែវ ព្រមទាំងសមត្ថកិច្ចពាក់ព័ន្ធ គ្រប់លំដាប់ជាន់ថ្នាក់ និងលោកគ្រូ អ្នកគ្រូ សិក្សានុសិស្ស នៅក្រុងប៉ោយប៉ែត បានចូលរួម ប្រារព្ធពិធីខាងលើនេះ យ៉ាងច្រើនកុះក ក្នុងពីធីជំនួបនាព្រឹកនេះ ស្ថិតភូមិក្បាលស្ពាន១ សង្កាត់ និងក្រុងប៉ោយប៉ែត ខេត្តបន្ទាយមានជ័យ។
ក្នុងជំនួបរវាងអាជ្ញាធរកម្ពុជា និងអាជ្ញាធរថៃ នៅព្រឹកនេះ អាជ្ញាធរភាគីទាំងពីរ បានលើក ឡើងថា៖ កិច្ចសហការរវាងកម្ពុជា-ថៃ ជាចំណងមិត្តភាពមួយ ដែលបង្កើនការស្និទ្ធស្នាលគ្នានិងគ្នា នៅច្រកទ្វារអន្តរជាតិប៉ោយប៉ែត ទាំងនៅតាមច្រកក្រវាត់ព្រំដែន កម្ពុជា-ថៃ គឺត្រូវតែសហការគ្នា បង្ការ បង្ក្រាប ទប់ស្កាត់ រាល់បទល្មើសផ្សេងៗ និងចូលរួមចំណែក ជួយសម្អាតអនាម័យ និងបរិស្ថាន រួមគ្នា(ដើម្បីផ្ទះយើងស្អាត) ព្រោះនេះជាមុខជាមាត់ប្រទេសជាតិរវាងកម្ពុជា-ថៃ។
គូសបញ្ជាក់ផងដែល៖ លោក សាន ស៊ានហូ អភិបាលនៃគណៈអភិបាលក្រុងប៉ោយប៉ែតបានមានប្រសាសន៍ក្នុងពិធីទិវាសម្អាតអនាម័យ និងបរិស្ថាន ក្រោមប្រធានបទ (ដើម្បីផ្ទះយើងស្អាត) ថា៖ អនាម័យ សំរាម គឺនៅតែជាដើមចម ដែលប៉ះពាល់ដល់ ជំវិញបរិស្ថាន និងការរស់នៅរបស់បងប្អូនប្រជាពលរដ្ឋ សូមចូលរួមជួយថែរក្សា សម្អាត និងវិចខ្ចប់ទុកដាក់ សំរាម ដាក់ក្នុងធុងសំរាមអោយបានត្រឹមត្រូវ មុនចេញពីផ្ទះ ទៅលក់ដូរនៅផ្សារ រូងក្លឿរ ប្រទេសថៃ លោកអភិបាលបានបន្តទៀតថា៖ សូមសំណូមពរដល់បងប្អូន ប្រជាពលរដ្ឋ សូមចូលរួមសម្អាត សំរាម ទាំងអស់ ដើម្បីទីក្រុងស្អាត អនាម័យ បរិស្ថាន ស្អាត ហើយបងប្អូនប្រជាពលរដ្ឋ ក៏ទទួលបាននូវសុវត្ថិភាពល្អ វាអាចជួយកាត់បន្ថយ ការចំលងមេរោគ និងកាត់បន្ថយចំលងជំងឺឈឺស្កាត់មួយកំរិតថែមទៀត៕