ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
ឧត្តមសេនីយ៍ឯក រ័ត្ន ស៊្រាង បន្តជួយដល់គ្រួសារអតីតអ្នករួមការងារនាសម័យរដ្ឋកម្ពុជា! ==> នាយប៉ុស្តិ៍នគរបាលការពារព្រំដែនគោកទាំង ៦ប៉ុស្តិ៍ចំណុះអង្គភាពវរសេនាតូចលរខ៨៩១ ដឹកនាំដោយលោក វរសេនីយ៍ឯក ហាំ វណ្ណៈ មេបញ្ជាការវរសេនាតូចនគរបាលការពារព្រំដែនគោកលេខ៨៩១ អញ្ជើញចូលរួម កិច្ចប្រជុំបូកសរុបលទ្ធផលខែមីនា និងទិសដៅបន្តខែមេសាឆ្នាំ២០២៤!!! ==> សេចក្តីជូនដំណឹង ស្តីពីការបន្តសុពលភាពបណ្ណសារព័ត៌មានឆ្នាំ២០២៣ ==> ឯកឧត្តម អភិបាលរងខេត្តប៉ៃលិននិងជា គណ:កម្មការរដ្ឋបាលក្នុងតំបន់វិនិច្ឆ័យបាន អញ្ជើញចូលរួមប្រជុំ ចុះបញ្ជីលក្ខណៈជាប្រព័ន្ធ ==> លោក ហុក មុន នាយរងសង្កាត់រដ្ឋបាលជលផលឃុំពាមបាង ស្រុកស្ទោងខេត្តកំពង់ធំ បានច្រើនចោលទាំងស្រុងរាល់ការចុះផ្សាយព័ត៌មានមិនពិតពីសំណាក់ website online មួយចំនួន! ==> កម្លាំងអធិការដ្ឋានក្រុងប៉ោយប៉ែតចុះសម្អាតអនាម័យតាមដងផ្លូវនិងសួនច្បារតេជោ ឈ្នះ ឈ្នះ ត្រៀមអបអរពិធីបុណ្យចូលឆ្នាំខ្មែរប្រពៃណីជាតិ ==> យប់រំលងអាធ្រាត្រទៅហើយសង្ស័យជារឿងគំនុំ មានករណីបាញ់ស្រោចចូលក្នុងផ្ទះជាច្រើនគ្រាប់ ==> កម្លាំងនគរបាលក្រុងប៉ោយប៉ែត ចេញយាម ល្បាតតាមដងផ្លូវ និងទីប្រជុំជន ដើម្បីពង្រឹងសន្តិសុខ សណ្តាប់ធ្នាប់ ជូនប្រជាពលរដ្ឋ!!! ==> ​អភិបាលខេត្ត​ស្វាយរៀង ណែនាំ​ឱ្យ​បង្កើន​ការប្រុងប្រយ័ត្ន​គ្រោះ​អគ្គិភ័យ​នៅ​ឱ​កា​បុណ្យ​ចូលឆ្នាំថ្មី​ខាង​មុខ ==> មន្ត្រីរាជការ និង​មន្ត្រី​កិច្ចសន្យា​ចំនួន​២៧៦​នាក់ ធ្វើតេស្ត​ពិនិត្យ​រក​សារធាតុ​ញៀន​នៅ​សាលាខេត្ត​ស្វាយរៀង
0

យើង​ពាក់មួក​សុវត្ថិភាព​ដើម្បី​ការពារ​ជីវិត​របស់​យើង គឺ​មិនមែន​ពាក់​ព្រោះតែ​ខ្លាច​ប៉ូលិស​ផាកពិន័យ​នោះទេ​

យើង​ពាក់មួក​សុវត្ថិភាព​ដើម្បី​ការពារ​ជីវិត​របស់​យើង គឺ​មិនមែន​ពាក់​ព្រោះតែ​ខ្លាច​ប៉ូលិស​ផាកពិន័យ​នោះទេ​

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

ខេត្ត​កែប ៖ ការ​ដែល​យើង​នាំគ្នា​ពាក់មួក​សុវត្ថិភាព​គឺ​ដើម្បី​ការពារ​ជីវិត​របស់​ខ្លួនឯង ដាច់ខាត​មិន​មែន​ពាក់​ដោយសារ​ខ្លាច​ប៉ូលិស​ផាកពិន័យ​នោះទេ លុយកាក់​អាច​រក​ពេល​ណា​ក៏​បាន ប៉ុន្តែ​ជីវិត​មិន​អាច​ទិញ​ដូរ​បាន​ឡើយ​។​

​ការលើកឡើង​នេះ ជាការ​ទូន្មាន​របស់ លោក ព្រំ គន្ធិ អភិបាលរង តំណាង​ដ៏​ខ្ពង់ខ្ពស់ លោក កែ​ន សត្ថា អភិបាល នៃ​គណៈ​អភិបាលខេត្ត​កែប ក្នុង​ការផ្សព្វផ្សាយ ពង្រឹង​ច្បាប់​ចរាចរណ៍​ផ្លូវគោក និង​ការបំពាក់​មួកសុវត្ថិភាព​ជូន​ដល់​អ្នកដំណើរ នា​ព្រឹក​ថ្ងៃទី​០៣​ខែតុលា ឆ្នាំ​២០១៨ នៅ​ទីប្រជុំជន​ផ្សារ​ដំណាក់​ចង្អើរ សង្កាត់​ព្រៃធំ ក្រុងកែប ខេត្ត​កែប ដែល​រៀបចំឡើង​ដោយ​មន្ទីរ​សាធារណការ និង​ដឹកជញ្ជូន​ខេត្ត​កែប សហការ​ជាមួយ​នគរបាល​ចរាចរណ៍​។​

​លោក ព្រំ គន្ធិ បាន​បញ្ជាក់ទៀតថា ជាទូទៅ​ការធ្វើដំណើរ​តាម​មធ្យោបាយ​នានា​នៅលើ​ដងផ្លូវ​ប្រាកដ​ណាស់​រមែង​ជួប​បញ្ហា​ដែល​យើង​មិន​នឹកស្មាន​ដល់ ដូច្នេះ​អ្នកដំណើរ​គ្រប់​រូប​ត្រូវ​តែ​បង្កើន​ការប្រុងប្រយ័ត្ន​ឱ្យបាន​ខ្ពស់ ពិសេស​យានយន្ត​ប្រភេទ​ម៉ូតូ ត្រូវតែ​ប្រើ​មួកសុវត្ថិភាព ហើយ​ពេល​បើក​បរកុំ​សេព​គ្រឿង​ស្រវឹង កុំ​ប្រើ​ទូរស័ព្ទ​នៅពេល​កំពុង​បើកបរ​ម៉ូតូ​។​លោក​បាន​បញ្ជាក់​ផងដែរ អំពី​កត្តា​ជាច្រើន​ដែល​ផ្តើម​ដោយសារ​គ្រោះថ្នាក់​ចរាចរ​ព្រោះតែ​ការបើកបរ​មិន​គោរព​ច្បាប់ ការបើកបរ​មិន​យោគយល់​គ្នា ការបើកបរ​ប្រជែង​ក្នុង​ស្ថានភាព​គ្រោះថ្នាក់ និង​ការបើកបរ​ក្រោម​ឥទ្ធិពល​នៃ​គ្រឿង​ស្រវឹង ពិសេស​ការបើកបរ​ក្នុង​ល្បឿន​ហួស​កម្រិត ពិត​ជា​ករណី​ប្រឈម​នឹង​គ្រោះថ្នាក់​ដល់​ជីវិត​ខ្លួនឯង​ផង​និង​បង្ក​គ្រោះថ្នាក់​ដល់​អ្នកដទៃ​ផងដែរ​។​

​សូម​ជម្រាប​បន្ថែមថា បើ​តាម​មតិ​ផ្តាំផ្ញើ របស់លោក ម៉ម ទូច ប្រធាន​មន្ទីរ​សាធារណការ និង​ដឹកជញ្ជូន​ខេត្ត​កែប បាន​លើកឡើង​ថា ការ​បើកបរ​ដោយ​គោរព​ច្បាប់ មិន​ត្រឹមតែ​ជួយ​ជីវិត​ខ្លួនឯង​នោះ​ទេ ថែមទាំង​មិន​បង្ក​គ្រោះថ្នាក់​ដល់​អ្នក​ដទៃ​ទៀត​ផង ហើយ​ការ​ពាក់មួក​សុវត្ថិភាព​ក៏​ដូច្នោះ​ដែរ​គឺ​ពាក់​ដើម្បី​ការពារ​ជីវិត​របស់​យើង មិនមែន​ពាក់​គ្រាន់​តែ​ខ្លាច​សមត្ថកិច្ច​នោះទេ និយាយ​ឱ្យ​ចំ​គឺ​គ្មាន​អ្នកណា​អាច​ជួយ​យើង ដូច​យើង​ចេះ​ការពារ​ខ្លួនឯង​ឡើយ​។​ជាមួយគ្នានេះ លោក​ម៉ម ទូច ក៏​សូម​ដាស់តឿន​ដល់​បងប្អូន​អ្នកដំណើរ​ទាំង​រថយន្ត​ក្តី ឬ​ម៉ូតូ​ក្តី សូម​ចូលរួម​គោរព​ច្បាប់​ចរាចរណ៍​ទាំងអស់គ្នា ហើយ​នៅពេល​បើក​បរកុំ​ពិសារ​គ្រឿង​ស្រវឹង កុំ​ប្រើ​ទូរស័ព្ទ​ដោយ​គ្មាន​ឧបករណ៍​សម្លេង​។​អ្នកបើកបរ​មិន​ត្រូវ​បើកបរ​ទន្ទឹម​គ្នា​នៅលើ​ទ្រូងផ្លូវ ឬ​គន្លង​ផ្លូវ​តែ​មួយ​ឡើយ ហើយ​យានយន្ត​ដែល​បើកបរ​នៅ​ក្នុង​ទីប្រជុំជន​ត្រូវ​ប្រើ​ល្បឿន​អតិបរមា​ត្រឹម ៣០ ឬ​៤០ គ​.​ម​/​ម៉ោង​ប៉ុណ្ណោះ​។​

​លោក ម៉ម ទូច ក៏​បាន​ជំរុញ​ដល់​អ្នកដំណើរ​ទាំងឡាយ​ត្រូវ​ចូលរួម​គោរព​នូវ​បទ​ប្បញ្ញ​តិ្ត​សំខាន់ៗ​នៃ​អនុក្រឹត្យ និង​លក្ខខណ្ឌ​សម្រាប់​បើកបរ​យានជំនិះ​នៅតាម​ផ្លូវ​ថ្នល់ ដោយ​តម្រូវឱ្យ​អ្នកបើកបរ​ត្រូវ​ប្រើប្រាស់​ល្បឿន​ស្រប​ទៅតាម​ផ្លាកសញ្ញា​កំណត់​ល្បឿន អតិបរមា​នៅតាម​ដងផ្លូវ​នានា​ដែល​មាន​ស្រាប់​នៅ​ទីនោះ​៕
​សេង ណា​រិទ្ធ​

 

r181003d1 r181003d2 r181003d3 r181003d4 r181003d5 r181003d6 r181003d8

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.