ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
អបអរសាទរ ខួបលើកទី៣១ ទិវាបង្កើតកងរាជអាវុធហត្ថ (១៤ កក្កដា ១៩៩៣ - ១៤ កក្កដា ២០២៤)! ហ្វឹកហាត់ដើម្បី ភាពរឹងមាំនិងស្ទាត់ជំនាញ! ==> អបអរសាទរ ខួបលើកទី៣១ ទិវាបង្កើតកងរាជអាវុធហត្ថ (១៤ កក្កដា ១៩៩៣ – ១៤ កក្កដា ២០២៤)! ==> ប្រមុខក្រសួងមហាផ្ទៃកម្ពុជា និងក្រសួងនគរបាលវៀតណាម វាយតម្លៃខ្ពស់ចំពោះការផ្លាស់ប្តូរព័ត៌មានអំពីសភាពការណ៍សន្តិសុខ និងការដោះស្រាយបញ្ហាផ្សេងៗនៅតាមព្រំដែន ==> អបអរសាទរ ខួបលើកទី៣១ ទិវាបង្កើតកងរាជអាវុធហត្ថ (១៤ កក្កដា ១៩៩៣ – ១៤ កក្កដា ២០២៤)! ហ្វឹកហាត់ដើម្បី ភាពរឹងមាំនិងស្ទាត់ជំនាញ! ==> ឧត្តមសេនីយ៍ឯក វូ ហាក់ ៖ សិក្ខាកាម បានយល់ដឹងច្បាស់ពីជំនាញនគរបាលការពារព្រំដែន និងយកចំណេះជំនាញនេះ ទៅបម្រើអង្គភាពរបស់ខ្លួន កាន់តែល្អប្រសើរថែមទៀត ==> ជំនួបពិភាក្សារវាងលោក តូ ឡឹម និងសម្តេច ម៉ែន សំអន, កម្ពុជា-វៀតណាម បន្តជំរុញកិច្ចសហប្រតិបត្តិការលើមិត្តភាព និងទំនាក់ទំនងល្អរវាងប្រទេសទាំងពីរ ==> សេចក្តីបំភ្លឺព័ត៌មាន៖ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់ដំបងមានកិត្តិយសសូមជម្រា បជូនសាធារណជនអ្នកសារព័ត៌ មាន និងមហាជនអ្នក ប្រើប្រាស់បណ្តាញសង្គមបានជ្រាបថា ==> ឯកឧត្តម សុខ ចាន់ភក្តី អនុប្រធានក្រុមការងារគណបក្សថ្នាក់កណ្តាលចុះមូលដ្ឋានខេត្តក្រចេះ និងជាប្រធានក្រុមការងារគណបក្សថ្នាក់កណ្តាលចុះមូលដ្ឋានស្រុកចិត្របុរី បានដឹកនាំក្រុមការងារ សហការ​ជាមួយឃុំសំបុក មានសទ្ធាជ្រះថ្លានូវក្នុងព្រះពុទ្ធសាសនា នាំយកនូវទានព្រះវស្សា​ចំនួន​ ៤វត្ត​ នៅក្នុងឃុំសំបុក ==> ប្លែកៗៗកំហុសអ្នកណា? លុយរាប់សិបម៉ឺនដុល្លារនិងគ្រឿងអលង្ការជាច្រើនត្រូវបានគេគាស់លួចយកនេះបើតាមការអះអាងពីម្ចាស់ផ្ទះ តែអ្វីដែលគួរឲ្យឆ្ងល់ម្ចាស់ផ្ទះមិននៅជាងមួយខែកន្លះទៅហើយ(ហេតុអ្វីបានទុកប្រាក់និងទ្រព្យសម្បត្តិចោលបែបនេះ)? ==> សម្ដេចតេជោ ហ៊ុន សែន និងប្រធានរដ្ឋវៀតណាម ឯកភាពគ្នាជំរុញកិច្ចសហការជាអ្នកជិតខាងល្អបន្តទៀត

កិច្ចប្រជុំពិភាក្សាការងារ ស្ដីពីការគ្រប់គ្រងល្បែងផ្សងសំណាង និងគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ នៅខេត្តស្វាយរៀង!

កិច្ចប្រជុំពិភាក្សាការងារ ស្ដីពីការគ្រប់គ្រងល្បែងផ្សងសំណាង និងគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ នៅខេត្តស្វាយរៀង!

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

(ខេត្តស្វាយរៀង)÷នាព្រឹកថ្ងៃអង្គារ៤កេីត​ ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៩ ខែកក្កដា ឆ្នាំ២០២៤នេះ​ ឯកឧត្តម ប៉េង​ ពោធិ៍សា​ អភិបាល នៃគណៈអភិបាលខេត្តស្វាយរៀង និងឯកឧត្តម រស់ ភីរុណ អគ្គលេខាធិការ នៃគណៈកម្មការគ្រប់គ្រងល្បែងពាណិជ្ជកម្មកម្ពុជា តំណាងដោយ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្ដីក្រសួងសេដ្ឋកិច្ច និងហិរញ្ញវត្ថុបានអញ្ជើញជាអធិបតី ក្នុងកិច្ចប្រជុំពិភាក្សាការងារ ស្ដីពីការគ្រប់គ្រងល្បែងផ្សងសំណាង និងគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ នៅខេត្តស្វាយរៀង។

កិច្ចប្រជុំេនះមានការអញ្ជេីញចូលរួមពី​ ឯកឧត្តម​អភិបាលរងខេត្ត​ លោកនាយករងរដ្ឋបាលសាលាខេត្ត​ ប្រតិភូ​ គ.ល.ក​ មន្ទីរពាក់ព័ន្ធ​នានាក្នុងខេត្ត​ លោកមេបញ្ជាការកងកម្លាំងទាំង៣​ លោក​ លោកស្រីនាយកទីចាត់​/អង្គភាព​ចំណុះសាលាខេត្ត​ លោកអភិបាលក្រុងស្រុកទាំង៨​ លោកអធិការក្រុងស្រុកទាំង៨​ លោកនាយប៉ុស្តិ៍រដ្ឋបាលឃុំទាំង៨០​ លោក​ លោកស្រីមេឃុំ​ ចៅសង្កាត់​ និងមន្ត្រីពាក់ព័ន្ធជាច្រេីនរូបទៀត។

ឯកឧត្តមអភិបាលខេត្តបានថ្លែងថា​ អនុវត្តតាមបទបញ្ជាដ៏ម៉ឺងម៉ាត់របស់សម្ដេចធិបតី នាយករដ្ឋមន្ត្រី ព្រមទាំងមានការចង្អុល ដឹកនាំដោយផ្ទាល់ពីឯកឧត្ដមអភិសន្តិបណ្ឌិត ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅក្នុងកិច្ចការគ្រប់គ្រងអាជីវកម្មល្បែងផ្សងសំណាង និងការបង្ការ ទប់ស្កាត់ និងបង្ក្រាបល្បែងស៊ីសងខុសច្បាប់គ្រប់ប្រភេទក្នុងភូមិសាស្ត្រខេត្ត រដ្ឋបាលខេត្ត ដែលមាន គណៈបញ្ជាការឯកភាពរដ្ឋបាលគ្រប់ថ្នាក់ជាសេនាធិការ បានខិតខំប្រឹងប្រែងយកចិត្តទុក ដាក់អនុវត្តប្រកបដោយការទទួលខុសត្រូវ ដោយអនុលោមតាមច្បាប់ លិខិតបទដ្ឋានគតិយុត្តជាធរមាន ដើម្បីឈានទៅលុបបំបាត់ឲ្យអស់នូវទីតាំល្បែងស៊ីសង ខុសច្បាប់គ្រប់ប្រភេទក្នុងមូលដ្ឋាន ។

ឯកឧត្តមបន្តថា​ គណៈបញ្ជាការឯកភាពរដ្ឋបាលគ្រប់ថ្នាក់ កងកម្លាំងមានសមត្ថកិច្ច និងអាជ្ញាធរ មូលដ្ឋាន បច្ចុប្បន្ននេះគឺយើងនៅតែបន្តធ្វើការតាមដាន និងត្រួតពិនិត្យជាប់ជាប្រចាំ ទាំងទីតាំងដែលមានច្បាប់អនុញ្ញាត និងទីតាំងគ្មានច្បាប់អនុញ្ញាតដែលបានបិទរួច ក្នុងករណីរកឃើញថាមានលួចលាក់បង្កប់ការលេងល្បែងស៊ីសងខុសច្បាប់ ឬលួចលាក់បើកដំណើរការឡើងវិញដោយខុសច្បាប់ និងអនុវត្តផ្ទុយពីកិច្ចសន្យាកន្លងមក សមត្ថកិច្ចរបស់យើងនឹងចាត់ចែងអនុវត្តវិធានការចាំបាច់នានាតាមគោលការណ៍នីតិវិធី និងឈានទៅអនុវត្តវិធានការច្បាប់តែម្ដង ។

ឯកឧត្តមបន្ថែមថា​ តាមរយៈកិច្ចប្រជុំពិភាក្សាដ៏មានសារៈសំខាន់នៅថ្ងៃនេះ អាជ្ញាធរនៅថ្នាក់ក្រោមជាតិ នឹងពិតជាទទួលបាននូវគោលការណ៍គន្លឹះវិធានការថ្មីៗ និងយុទ្ធសាស្រ្តល្អៗគាំទ្រដល់ការអនុវត្តកាន់តែជោគជ័យថែមទៀត ។ ជាមួយគ្នានេះ សូមស្នើឯកឧត្ដមអស់លោក លោកស្រី និងកិច្ចប្រជុំទាំងមូល សូមយកចិត្តទុកដាក់ស្ដាប់នូវបទបង្ហាញ និងប្រសាសន៍ណែនាំរបស់គណៈអធិបតី ព្រមទាំងត្រូវ ចូល រួម ពិភាក្សា ផ្លាស់ប្តូរទស្សនៈ គំនិត យោបល់ បទពិសោធន៍ និងលើកជាសំណួរឲ្យបានច្រើនធ្វើការ ស្វែងយល់ឲ្យបានស៊ីជម្រៅ សំដៅធ្វើឲ្យការអនុវត្តការគ្រប់គ្រងល្បែងផ្សងសំណាង និងការគ្រប់គ្រងផលប៉ះពាល់ពីល្បែងស៊ីសងខុសច្បាប់គ្រប់ប្រភេទ នៅក្នុងខេត្តរបស់យើង ឲ្យកាន់តែទទួលបានលទ្ធផលវិជ្ជមាន រួមចំណែកលើកកម្ពស់ស្មារតី នៃការអនុវត្តច្បាប់ ដើម្បីភាពសុខដុមរមនា ការរីកចម្រើន និងសេចក្ដីសុខសាន្តរបស់ប្រជាពលរដ្ឋនៅមូលដ្ឋាន ស្របតាមកម្មវិធីនយោបាយ និងយុទ្ធសាស្ត្រដឹកនាំរបស់រាជរដ្ឋាភិបាល៕

Filed in: ព័ត៌មានជាតិ

Recent Posts

Daily Theme designed by Theme Junkie.