ទូកចំណាត់ថ្នាក់លេខ១ក្នុងពិធីប្រណាំងទូកខ្នាតអន្តរជាតិ​ និងទូកក្តារបីសន្លឹកនៅខេត្តស្វាយរៀង​ឆ្នាំ២០២៣នេះ បានទៅលេីទូកឈ្មោះ​ ព្រះខ័នមានជ័យបារមីបូព៍ា​ មកពីកងរាជអាវុធហត្ថខេត្តស្វាយរៀង

(ខេត្តស្វាយរៀង)÷នាព្រឹកថ្ងៃអាទិត្យ​ ៧កើត ខែកត្តិក ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី១៩ ខែវិច្ឆិកា ឆ្នាំ២០២៣​នេះ​ ឯកឧត្តម​ ជុំ​ ហាត​ និងលោកជំទាវ​ និងឯកឧត្តម​ ប៉េង​ ពោធិ៍សា​ អភិបាលខេត្តស្វាយរៀង បានអញ្ជេីញចូលរួមក្នុងពិធីបិទកម្មវិធីប្រណាំងទូកខ្នាតអន្តរជាតិ​ និងទូកក្តារបីសន្លឹកនៅទន្លេវ៉ៃគោក្រុងស្វាយរៀង​ និងប្រគល់ពានរង្វាន់ដល់ជ័យលាភីដែលឈ្នះការប្រកួត ក្រោមអធិបតីភាពដ៏ខ្ពង់ខ្ពស់​ ឯកឧត្ដម​ នាយឧត្ដមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស តំណាងដ៏ខ្ពង់ខ្ពស់​ សម្តេចកិត្តិសង្គហបណ្ឌិត ម៉ែន សំអន ឧត្តមក្រុមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា​ និងជាអ្នកតំណាងរាស្ត្រ​មណ្ឌលស្វាយរៀង​ ។

ពិធីនេះក៏មានការអញ្ជេីញចូលរួមពីសំណាក់ ឯកឧត្តម លោកជំទាវ សមាជិកសមាជិកាព្រឹទ្ធសភា-រដ្ឋសភាមណ្ឌលស្វាយរៀង ឯកឧត្តម លោកជំទាវ ក្រុមការងារថ្នាក់ជាតិចុះជួយខេត្ត គណៈអភិបាលខេត្ត ក្រុមប្រឹក្សាខេត្ត ភ្ញៀវជាតិ-អន្តរជាតិ មន្ទីរ-អង្គភាពនានាជុំវិញខេត្ត ក្រុង-ស្រុកទាំង៨ និងបងប្អូនប្រជាពលរដ្ឋយ៉ាងច្រើនកុះករ។

លទ្ធផលក្រោយការប្រណាំងគ្រប់ចំនួន៤ជើង ទទួលបានដូចខាងក្រោម ៖
+ ប្រភេទទូកប្រពៃណីខ្នាត អន្តរជាតិ​ ផែនទី១
-​ ចំណាត់ថ្នាក់លេខ១​ បានទៅលេីទូក ឈ្មោះ ព្រះខ័នមានជ័យបារមីបូព៍ា​ ទូកពាក់ស្លាកលេខ១១ មក ពីកងរាជអាវុធហត្ថខេត្តស្វាយរៀង ដោយប្រេីថិរវេលា១១ នាទី០៤វិនាទី០១
­- ចំណាត់ថ្នាក់លេខ២ ៖ទូកឈ្មោះ​ រិទ្ធីសែនមានជ័យ ទូកពាក់ស្លាកលេខ១២​ មកពីកងរាជអាវុធហត្ថខេត្តកំពង់ឆ្នាំង ប្រេីថិរវេលា​១១ នាទី​ ១៥វិនាទី២៤
-ចំណាត់ថ្នាក់លេខ ៣​ បានទៅលេីទូកឈ្មោះ ស.ស.យ.កខេត្តស្វាយរៀង​ ទូកពាក់ស្លាកលេខ ១៣​មកពីខេត្តស្វាយរៀង ប្រេីថិរវេលា១១នាទី ២២វិនាទី០១
+ចំពោះលទ្ធផលផែនទី២
-ចំណាត់ ថ្នាក់លេខ១បានទៅលេីទូកឈ្មោះ អធិរាជឥន្រ្ទីសែនជ័យបារមីដូនពេញ ទូកពាក់ស្លាកលេខ៤៥ មកពីកងរាជអាវុធហត្ថរាជធានីភ្នំពេញ ថិរវេលា១០នាទី ៤៨វិនាទី៧៨។
-ចំណាត់ថ្នាក់លេខ២បានទៅលេីទូកឈ្មោះ​ គ្រុឌមាសតេជោសែនជ័យ ទូកពាក់ស្លាកលេខ៣៨ មកពីកងរាជអាវុធហត្ថខេត្តសៀមរាប ប្រេីថិរវេលា១០ នាទី ៥៥វិនាទី ២១
­ -ចំណាត់ថ្នាក់លេខ៣​ បានទៅលេីទូកឈ្មោះ គ្រុឌសែនជ័យបារមីព្រះនរាយណ៍ ទូកលេខ៣៩មកពីកងរាជអាវុធហត្ថខេត្តកណ្តាល ថិរវេលា១១ នាទី ០០វិនាទី៦២។
+ប្រភេទទូកក្ដារបីសន្លឹកផ្នែកនារី
­ -ចំណាត់ថ្នាក់លេខ១បានទៅលេីទូកឈ្មោះ៧មករាចិត្តតែមួយ ទូកលេខ៥៩មកពីសមាគមទូកខេត្តកណ្តាលថិរវេលា០៧ នាទី ២៧ នាទី ៤៩
­ -​ ចំណាត់ថ្នាក់លេខ២ បានទៅលេីទូកឈ្មោះកំពង់ស្ពានសែនជ័យបារមីទឹកវិល​ ទូកពាក់ស្លាកលេខ៥៨​ មកពីសាលាស្រុករមាសហែក ថិរវេលា ០៨ នាទី ៣២ នាទី ២៧
+ផ្នែក បុរស
­ ចំណាត់ថ្នាក់លេខ១បានទៅលេីទូកឈ្មោះ នាគខៀវមានជ័យ ទូកពាក់ស្លាកលេខ៦៤ មកពីវត្តស្លាកែតខេត្តកណ្តាលថិរវេលា ០៦នាទី ៤៩វិនាទី០៣។
­-ចំណាត់ថ្នាក់លេខ២​ បានទៅលេីទូកឈ្មោះកូននាគឆ្លងដែន ទូកពាក់ស្លាកលេខ៦៣ មកពី​ វត្តស្លាកែត ខេត្តកណ្តាល ថិរវេលា០៦ នាទី៥៣វិនាទី៣២។
­ -​ចំណាត់ថ្នាក់លេខ៣​ បានទៅលេីទូកឈ្មោះ អធិរាជសែនជ័យបារមីយាយដូន​ ទូកពាក់ស្លាកលេខ៦១ មកពី កងរាជអាវុធហត្ថរាជធានីភ្នំពេញថិរវេលា០៧ នាទី០៧វិនាទី២០។

សូមបញ្ជាក់ថា ប្រភេទទូកខ្នាតអន្តរជាតិទាំងពីរផែន ចំណាត់ថ្នាក់លេខ១ ទទួលបានថវិកា ២០លានរៀល លេខ២ ១៥លានរៀល លេខ៣ ១០លានរៀល ប្រភេទទូកខ្នាតក្ដារបីសន្លឹក ចំណាត់ថ្នាក់លេខ១ ទទួលបានថវិកា៥លានរៀល លេខ២ ៣លានរៀល និងលេខ៣ ១លានរៀល ។ ដោយឡែក ទូកដែលចូលរួមប្រណាំងទាំងអស់ ដែលមិនទទួលបានជ័យលាភី ទទួលបានថវិកាឧបត្ថម្ភបន្ថែមចំនួន៥០ម៉ឺនរៀលផងដែរ៕