រាជធានីភ្នំពេញ ៖ នៅព្រឹកថ្ងៃព្រហស្បតិ៍ ៨កើត ខែផល្គុន ឆ្នាំរកានព្វស័ក ព.ស២៥៦១ ត្រូវនឹងថ្ងៃទី២២ ខែកុម្ភះ ឆ្នាំ២០១៨ លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានដឹកនាំកម្លាំងប្រជាការពារខណ្ឌបែងចែកជា៣គោលដៅរួមមាន៖
១-ដឹកនាំកម្លាំងគណៈបញ្ជាការឯកភាពខណ្ឌ ចុះរៀបចំសន្តិសុខ សណ្តាប់ធ្នាប់ អនាម័យ ថ្វាយព្រះករុណា ព្រះបាទសម្តេចព្រះ បរមនាថ នរោត្តម សីហមុនី ព្រះមហាក្សត្រខ្មែរ និងសម្តេចម៉ែ នរោត្តម មុនិនាថ សីហនុ យាងពិនិត្យព្រះរាជសុខភាព នៅទីក្រុងប៉េកាំង ប្រទេសចិន។
២-ដឹកនាំកម្លាំងប្រជាការពារខណ្ឌ សហកាជាមួយមន្ទីរសាធារណការាជធានីភ្នំពេញ ចុះបាញ់លាងសំអាតការ៉ឡានៅលើសួនច្បារមុខណាហ្គាវើល ក្រោយពិនិត្យឃើញថាទីតាំងនោះមានការប្រឡាក់ និង ជាផ្លូវគណៈប្រតិភូឆ្លងកាត់ផងដែរ។
៣-បន្តដឹកនាំកម្លាំងប្រជាការពារខណ្ឌ ចុះបាញ់លាងសំអាតការ៉ូឡា និង ច្រាំងទន្លេ ចាប់ពីមុខផ្សាររាត្រី រហូតដល់មុខព្រះបរមរាជវាំង ដើម្បីសោភ័ណ្ឌភាព និង អនាម័យ នៅតាមបណ្តោយសួនច្បារមាត់ទន្លេ ៕
ដោយ កម្ពុជាអភិវឌ្ឍន៍