ក្នុងនាមអាជ្ញាធរដែនដី នៃអាណាចក្រខណ្ឌព្រែក ព្នៅដែលជាខណ្ឌមួយទើបតែបង្កើតឡើងថ្មី របស់ រាជធានីភ្នំពេញ គេតែងតែសង្កេតឃើញវត្តមាន និង សកម្មភាពបំរើ និងការពារសន្តិសុខសណ្តាប់ធ្នាប់ ជូនប្រជាពលរដ្ឋពីសំណាក់ថ្នាក់ដឹកនាំខណ្ឌ ពិសេស គឺលោក សុខ សម្បត្តិ អភិបាល នៃគណអភិបាល ខណ្ឌព្រែកព្នៅតែម្តង ដែលលោកតែងតែយកចិត្តទុក ដាក់ដោះស្រាយនូវគ្រប់បញ្ហារបស់បងប្អូន ប្រជាពល រដ្ឋក្នុងមូលដ្ឋានដោយមិនមានរើសអើងនិន្នាការ នយោ បាយអ្វីឡើយ ។ តាមការសង្កេតឃើញរាល់ថ្ងៃលោក សុខ សម្បត្តិ ពិតជាមានភារកិច្ចមមារញឹកខ្លាំងណាស់ សឹងតែរកពេលសំរាកពុំបាននោះទេ ។
ក្រៅការត្រួត ពិនិត្យលើឯកសារលុខិតស្នាមបែបបទគតិយុត្តិផ្សេងៗ នៅក្នុងប៊ុយរ៉ូ និងការប្រជុំដាក់ផែនការជាប្រចាំ សប្តាហ៍ លោកអភិបាលខណ្ឌឆ្លៀតពេលចុះតាមមូល ដ្ឋានសាកសួរសុខទុក្ខ និងដោះស្រាយឧបត្ថម្ភតាម លទ្ធភាពជួយដល់ពលរដ្ឋដែលខ្វះខាតជីវភាពក្នុង គ្រួសារ ។ ហើយបញ្ហាចម្បងចំពោះមុខដែលលោក ផ្តោតការយកចិត្តទុកដាក់ខ្លាំងបំផុតនោះ គឺបញ្ហា សន្តិសុខ សុវត្ថិភាព សណ្តាប់ធ្នាប់សង្គមដែលមិន អាចធ្វេសប្រហែសឡើយ ។
ថ្មីៗនេះការប្រជុំដាក់ ផែនការរឹតបន្តឹងផ្នែកសន្តិសុខ សណ្តាប់ធ្នាប់នេះគឺ បានធ្វើឡើងព្រមៗគ្នាទូទាំងខណ្ឌក្នុងរាជធានីភ្នំពេញ ដើម្បីត្រៀមគ្រប់មធ្យោបាយ និងកម្លាំងសមត្ថកិច្ចប្រ ដាប់អាវុធគ្រប់ប្រភេទអនុវត្តបទបញ្ជាក្នុងការទប់ស្កាត់ និងបង្ក្រាបដល់ក្រុមអ្នកតវ៉ាប្រឆាំងប៉ុនប៉ងចង់ផ្តួលរំលំ រាជរដ្ឋាភិបាលស្របច្បាប់ និងជាពិសេសគឺត្រៀមការ ពារសន្តិសុខសណ្តាប់ធ្នាប់ ក្នុងពេលដែលតុលាការ កំពូល បើកសវនាការលើសំណុំរឿងបណ្តឹងរំលាយ គណបក្សសង្គ្រោះជាតិនៅថ្ងទី១៦វិច្ឆិកា២០១៧នេះ ដាច់ខាតត្រូវតែអនុវត្តការងារឲ្យបានជោគជ័យ និង មានប្រសិទ្ធិភាពគឺមិនអនុញ្ញាតិឲ្យមានការជួបជុំប្រ មូលផ្តុំកម្លាំងធ្វើការតវ៉ាប្រឆាំងទោះក្នុងទ្រង់ទ្រាយណា ក៏ដោយ គឺត្រូវតែធ្វើការបង្ក្រាបដោយគ្មានការយោគ យល់នោះទេ ។ ជាក់ស្តែងនៅយប់ថ្ងៃទី១៥ ខែវិច្ឆិកា ឆ្នាំ២០១៧ វេលាម៉ោង ១៩:០០នាទី យប់លោក សុខ សម្បត្តិ អភិបាល នៃគណអភិបាលខណ្ឌព្រែក ព្នៅ បានដឹកនាំកម្លាំងគណៈបញ្ជាការឯកភាពខណ្ឌ ចុះត្រួតពិនិត្យអាវុធជាតិផ្ទុះ នៅគោលដៅមុខបឋម សិក្សាព្រែកព្នៅ ផ្លូវជាតិលេខ៥ សង្កាត់ព្រែកព្នៅ
ដើម្បីរឹតបន្តឹងលើបញ្ហាសន្តិសុខ សុវត្ថិភាព សណ្តាប់ ធ្នាប់ ។ សូមបញ្ជាក់ថា សកម្មភាពរបស់កងកម្លាំង សមត្ថកិច្ចរបស់អាជ្ញាធរខណ្ឌព្រែកព្នៅនេះមិនមែន ជា លើកទី១ទេ គឺបានអនុវត្តជាប្រចាំដូចភ្លៀងរលឹម ៕ ដោយ: សុផល