ទំនាក់ទំនងព័ត៌មាន និងពាណិជ្ជកម្ម Tel: 077 79 79 52 | 088 779 79 52 Email: kamapnews@gmail.com
ទាន់ហេតុការណ៍
ឯកឧត្តម អភិបាលរងខេត្តប៉ៃលិននិងជា គណ:កម្មការរដ្ឋបាលក្នុងតំបន់វិនិច្ឆ័យបាន អញ្ជើញចូលរួមប្រជុំ ចុះបញ្ជីលក្ខណៈជាប្រព័ន្ធ ==> លោក ហុក មុន នាយរងសង្កាត់រដ្ឋបាលជលផលឃុំពាមបាង ស្រុកស្ទោងខេត្តកំពង់ធំ បានច្រើនចោលទាំងស្រុងរាល់ការចុះផ្សាយព័ត៌មានមិនពិតពីសំណាក់ website online មួយចំនួន! ==> កម្លាំងអធិការដ្ឋានក្រុងប៉ោយប៉ែតចុះសម្អាតអនាម័យតាមដងផ្លូវនិងសួនច្បារតេជោ ឈ្នះ ឈ្នះ ត្រៀមអបអរពិធីបុណ្យចូលឆ្នាំខ្មែរប្រពៃណីជាតិ ==> យប់រំលងអាធ្រាត្រទៅហើយសង្ស័យជារឿងគំនុំ មានករណីបាញ់ស្រោចចូលក្នុងផ្ទះជាច្រើនគ្រាប់ ==> កម្លាំងនគរបាលក្រុងប៉ោយប៉ែត ចេញយាម ល្បាតតាមដងផ្លូវ និងទីប្រជុំជន ដើម្បីពង្រឹងសន្តិសុខ សណ្តាប់ធ្នាប់ ជូនប្រជាពលរដ្ឋ!!! ==> ​អភិបាលខេត្ត​ស្វាយរៀង ណែនាំ​ឱ្យ​បង្កើន​ការប្រុងប្រយ័ត្ន​គ្រោះ​អគ្គិភ័យ​នៅ​ឱ​កា​បុណ្យ​ចូលឆ្នាំថ្មី​ខាង​មុខ ==> មន្ត្រីរាជការ និង​មន្ត្រី​កិច្ចសន្យា​ចំនួន​២៧៦​នាក់ ធ្វើតេស្ត​ពិនិត្យ​រក​សារធាតុ​ញៀន​នៅ​សាលាខេត្ត​ស្វាយរៀង ==> ឧត្តមសេនីយ៍ឯក រ័ត្ន ស្រ៊ាង រំលេច​នូវ​គុណធម៌​ចំពោះ​អតីត​លោកគ្រូ អ្នកគ្រូ សាលា​បាក់​ទូក ក្នុងឱកាស​ជប់លៀង ជូន​ដល់​កម្លាំង​អាវុធហត្ថ​រាជធានី​ភ្នំពេញ​! ==> ​រដ្ឋមន្ត្រី​ក្រសួង​បរិស្ថាន ចុះ​ពិនិត្យ និង​វាយតម្លៃ​ដោយ​ផ្ទាល់​លើ​គម្រោង​វិនិយោគ​ទេសចរណ៍​ចំនួន​១៣​កន្លែង ក្នុង​តំបន់ការពារធម្មជាតិ នៅ​ខេត្ត​ពោធិ៍សាត់ ==> ​បញ្ចុះ​ខណ្ឌសីមា ពុទ្ធា​ភិ​សេក និង​សម្ពោធ​សមិទ្ធិផល​នានា នៅ​វត្ត​សាល​វនរ​ង្សី តម្លៃ​ជិត​៥២​ម៉ឺន​ដុល្លារ​, តំណាងរាស្ត្រ មាស សុភា ថ្លែងថា ការកសាង​សមិទ្ធិផល​នេះ ជា​ចំណុច​វិជ្ជមាន នៃ​ការរីកចម្រើន​របស់​កម្ពុជា
0

កិច្ចប្រជុំ​ផ្សព្វផ្សាយ ស្តីពី​វិធាន​ការរក្សាសន្តិសុខ សណ្តាប់ធ្នាប់​សាធារណៈ​និង​សុវត្ថិភាព​សង្គម​ប្រឆាំង​នឹង​ឧបាយកល​ផ្តួលរំលំ​រដ្ឋអំណាច​ស្របច្បាប់​នៅ​កម្ពុជា​(​បដិវត្តន៍​ពណ៌​)

​ដោយ ៖ គេហទំព័រ «កម្ពុជាអភិវឌ្ឍន៍ | Kampuchea Aphiwat​» | www.kap-news.com

Tel: 077 79 79 52 / 088 77 97 952 | WhatsApp= 012 58 04 55

កែប ៖ រដ្ឋបាល​ខេត្ត​កែប នៅ​ព្រឹក​ថ្ងៃទី​១០​ខែវិច្ឆិកា ឆ្នាំ​២០១៧​នេះ បាន​ធ្វើ​កិច្ចប្រជុំ​ផ្សព្វផ្សាយ ស្តីពី​វិធាន​ការរក្សាសន្តិសុខ សណ្តាប់ធ្នាប់​សាធារណៈ និង​សុវត្ថិភាព​សង្គម ប្រឆាំង​ចំពោះ​ឧបាយកល​ផ្តួលរំលំ​រដ្ឋអំណាច​ស្របច្បាប់​នៅ​កម្ពុជា ក្រោម​វត្តមាន​ដ៏​ខ្ពង់ខ្ពស់ លោក កែ​ន សត្ថា អភិបាល​នៃ​គណៈ​អភិបាលខេត្ត​កែប​។​

​ពិធី​នេះ​ធ្វើឡើង​ក្នុង​គោលបំណង​ផ្សព្វផ្សាយ​អំពី​បដិវត្តន៍​ពណ៌​នៅ​កម្ពុជា ឲ្យបាន​ដឹង​ច្បាស់​ដល់​មហាជន ដូចជា​មន្ត្រីរាជការ កងកំលាំង​ទាំង​បី លោកគ្រូ​អ្នកគ្រូ និស្សិត សិស្សានុសិស្ស   បងប្អូន​ប្រជាពលរដ្ឋ​ទូទាំង​ខេត្ត​កែប បានដឹង បាន​យល់​ពី​ល្បិចកល​ផ្សេងៗ នៃ​ការរៀបចំ​ធ្វើ​បដិវត្តន៍​ពណ៌​នៅ​កម្ពុជា ដែល​រៀបចំ​ដោយ​ជន​ក្បត់ជាតិ ក្រោម​ខ្សែរ​ញាក់​របស់​អាមេរិក​។​

​ទាក់ទង​នឹង​សិក្ខាសាលា​នេះ លោក សោម ពិសិដ្ឋ អភិបាលរង​ខេត្ត និង​ជា​ប្រធាន​ក្រុមការងារ​ទទួលបន្ទុក​ព័ត៌មាន​រដ្ឋបាល​ខេត្ត​កែប​បានបង្ហាញ​ពី​សកម្មភាព​ក្បត់ជាតិ តាមរយៈ​ការធ្វើ​បដិវត្តន៍​ពណ៌​ដែល​យក​គំរូ​តាម​បរទេស​មួយ​ចំនួន​។ ក្នុងនោះដែរ លោក សោម ពិសិដ្ឋ ក៏​បាន​បញ្ជាក់​ដែរ​ថា អង្គការ ក្រៅ​រដ្ឋាភិបាល​មួយចំនួន​ក៏​បាន​ចូលរួម​ជាមួយ គណបក្ស​សង្គ្រោះ​ជាតិ​ដែរ ដោយ​បាន​រៀបចំ​ផែនការ និង​មាន​យុទ្ធសាស្ត្រ​ជា​ច្រើន ដែល​ទទួលបាន​ការបណ្តុះ​បណ្តាល​ច្បាស់លាស់​ពី​អង្គការក្រៅរដ្ឋាភិបាល ឧបត្ថម្ភ​ដោយ​អាមេរិក​ផង​ដែរ​។ សកម្មភាព​ជាច្រើន​ដែល​យកចេញ​ពី​យុទ្ធសាស្ត្រ​បដិវត្តន៍​ពណ៌ ដូចជា បំផុសបំផុល​ឲ្យ​បងប្អូន​កម្មក​រក​ម្មកា​រ​នី​ឡើង​តវ៉ា លោកសង្ឃ​ដុត​ឡាន ដុត​កង់ឡាន ជួបជុំ​គ្នា​ដើម្បី​ធ្វើបាតុកម្ម បិទផ្លូវ បិទ​រោងចក្រ បិទ​ចរាច​រណ៌ បិទ​ផ្ល​វូ​សាធារណៈ​ជាដើម​។​ល​។ សកម្មភាព​ទាំងនេះ​ហើយ​ដែល​គណបក្ស​សង្គ្រោះ​ជាតិ​យក​គំរូរ​តាម​ការធ្វើ​បដិវត្ត​ន៍ណ​ព៌ពី​បរទេស​ទាំង​ស្រុង ។ តាមរយៈ​សកម្មភាព​ទាំងអស់​នេះ​បង្ហាញឲ្យឃើញច្បា​ស់ថា បក្សប្រឆាំង​ចង់​ផ្តួលរំលំ​រដ្ឋាភិបាល​ស្របច្បាប់ ដែល​រៀបចំឡើង​ដោយ​គណបក្ស​ប្រជាជន ជាពិសេស​សម្តេច​អគ្គមហាសេនាបតី​តេជោ ហ៊ុន សែន ដែល​ជា​ប្រមុខ​ដឹកនាំ ។​

​ជាមួយនេះដែរ លោក កែ​ន សត្ថា អភិបាល នៃ​គណៈ​អភិបាលខេត្ត​កែប ក៏​បាន​បញ្ជាក់​យ៉ាង​ដូច្នោះ​ថា ស្ថានភាព​ប្រទេស​កម្ពុជា​បច្ចុប្បន្ន​មិនមែន​ដូច​គណបក្ស​ប្រឆាំង​លើកឡើង​នោះ​ទេ ហើយ សម្តេច​ហ៊ុន​សែន បាន​ឡើង​ធ្វើ​ជា​នាយក​រដ្ឋមន្ត្រី​គឺ​តាមរយៈ​ការបោះឆ្នោត​ដោយ​ឆន្ទះ​រាស្ត្រ​យ៉ាង​ពិត​ប្រកដ​។​ស្ថានភាព​នយោបាយ​នៅ​កម្ពុជា​បច្ចុប្បន្ន កំពុងតែ​មាន​ស្ថេរភាព​ទោះបីជា​គណបក្ស​សង្គ្រោះ​ជាតិ បាន​ឃុបឃិត​ជាមួយ​បរទេស ដើម្បី​រៀបចំ​បដិវត្តន៍​ពណ៌​យ៉ាងណាក៏ដោយ ក៏​មិន​អាច​ទៅរួច​ដែរ ព្រោះ​បច្ចុប្បន្ន​មហាជន​គ្រប់​ស្រទាប់ ពិសេស​ប្រជាពលរដ្ឋ​គាត់​បាន​យល់​ច្បាស់​អ្វី​ដែល​ហៅ​ថា​សន្តិភាព​ដ៏​ពិតប្រាកដ​ទៅហើយ​។​

​លោក​អភិបាលខេត្ត បាន​បញ្ជាក់ទៀតថា កន្លងមក គណបក្សប្រឆាំង​តែង​រក​គ្រប់​វិធី​និង​ល្បិចកល​ផ្សេងៗ ដើម្បី​ប៉ង​ផ្តួលរំលំ​រដ្ឋអំណាច​ស្របច្បាប់​នៅ​កម្ពុជា ដោយ​ក្រុមប្រឆាំង​បាន​ប្រើ​រូបភាព​មូល​បង្កាច់​ផ្សេងៗ ដូចជា​ញុះញង់​ឲ្យមាន​ការរើសអើង ឲ្យ​អ្នកក្រ​ស្អប់​អ្នកមាន បំភ្លៃ​ការពិត ដើម្បី​ឲ្យ​មហាជន​មាន​ការយល់ច្រឡំ ។ លោក​ថា បក្ស​ប្រឆាំង​មាន​បំណង​ដណ្តើម​អំណាច​តាម​ទម្រង់​បដិវត្តន៍​ពណ៌ ហើយ​បើ​ទោះ​ជា​បដិវត្តន៍​ពណ៌​ក្តី បដិវត្តន៍​ប្រជាជន​ក្តី បដិវត្តន៍​អហឹង្សា​ក្តី គឺជា​ទម្រង់​មួយ​រដ្ឋប្រហារ​អំណាច ដែល​ជា​អំពើ​ខុសច្បាប់​ទាំងស្រុង ។ ការដណ្តើម​អំណាច​ដោយ​មាន​បរទេស​ជា​អ្នក​ត្រួត​បញ្ជា​ពីក្រោយ ឬ​ដោយ​ឃុបឃិត ឬ​ត្រូវរ៉ូវ​ជាមួយ​បរទេស ទោះ​តាម​វិធី​បោះឆ្នោត​ក្តី ឬ​តាម​វិធី​ផ្សេងទៀត ក៏​ជា​អំពើ​ខុសច្បាប់ ក្បត់​នឹង​ប្រយោជន៍​កម្ពុជា ហើយ​ការដណ្តើម​អំណាច​ដោយ​ខុសច្បាប់ ដោយ​ឃុបឃិត​ជាមួយ​បរទេស សម្រាប់​ខ្មែរ​គឺជា​អំពើ​ក្បត់​នឹង​កម្ពុជា ហើយ​សម្រាប់​បរទេស​គឺ​ជា​អំពើ​វិទ្ធង្សនា និង​អំពើ​ចារ​កម្ម​។​

​លោក​កែន សត្ថា បាន​បញ្ជាក់​ជា​ចុងក្រោយ​ថា ការធ្វើ​បដិវត្តន៍​របស់​បក្ស​ប្រឆាំង គឺ​ចាប់តាំងពី​មុន​ការបោះឆ្នោត​អាណ​តិ្ត​ទី​៤ ឆ្នាំ​២០១៣​មក​ម្លេះ តែ​មច្ឆិតា​របស់គេ មិនបាន​សម្រេច​ឡើយ ព្រោះ​រាជរដ្ឋាភិបាល​ស្របច្បាប់​របស់​កម្ពុជា មិន​អាច​ផ្តល់ឱកាស​ឲ្យ​ក្រុម​នេះ មក​ផ្តួលរំលំ និង​បំផ្លាញ​សន្តិភាព នៅ​កម្ពុជា​បានទេ ។ ម្យ៉ាងទៀត គណបក្ស​ប្រឆាំង​នេះ នឹង​ត្រូវ​រំលាយ​ចោល​ទាំងស្រុង នៅពេល​ខាងមុខ​នេះ​ហើយ ៕
​ណា​រិទ្ធ​

img20171110re3 (1) img20171110re3 (2) img20171110re3 (3) img20171110re3 (4) img20171110re3 (5)

Filed in: ព័ត៌មានជាតិ

Recent Posts

Leave a Reply

Submit Comment
Daily Theme designed by Theme Junkie.