ខេត្តកំពត ៖ ថ្មីៗនេះលោក ជុំ ប៊ុណ្ណារ័ត្ន មេនគរបាលអន្តោប្រវេសន៍ច្រកទ្វារអន្តរជាតិព្រែកចាក កំពុងប្រឈមនឹងការរិះគន់ យ៉ាងខ្លាំងពីពួកឈ្មួញនាំចូលទំនិញស្របច្បាប់ ទោះបីមានឯកសារបង់ពន្ធជូនរដ្ឋត្រឹមត្រូវយ៉ាងណាក៏ដោយ ក៏ក្នុងទំនិញ១កុង តឺន័រ ឬរថយន្តតូច ឬធុនធំត្រូវតែចំណាយលុយជាច្រើនរយដុល្លារ ទើបអាចនាំទំនិញចូលទឹកដីខ្មែរបាន ។ ប្រសិនបើមិនបង់ លុយទៅតាមការកំណត់របស់ក្រុម នគរបាលអន្តោប្រវេសន៍ ក្រុមមន្ត្រីគយ និងសមត្ថកិច្ចពាក់ព័ន្ធទាំងនោះទេ គឺមិនអាចដឹក ទំនិញឆ្លងកាត់ច្រកព្រំដែនបានឡើយ ។ ប្រការនេះធ្វើឱ្យក្រុមឈ្មួញនាំចូលទំនិញស្របច្បាប់ និងទំនិញវិនិយោគតាមច្រកទ្វារ អន្តរជាតិព្រែកចាក ត្រូវប្រឈមនឹងការលំបាកយ៉ាងខ្លាំង ព្រោះត្រូវក្រុមសមត្ថកិច្ចគាបយកលុយតាមអំពើចិត្ត ។
ប្រភពព័ត៌មានពីមន្ត្រីតូចតាច បានឱ្យដឹងថា អំពើពុករលួយរបស់ លោក ជុំ ប៊ុណ្ណារ័ត្ន មេនគរបាលអន្តោប្រវេសន៍ច្រក ទ្វារអន្តរជាតិព្រែកចាក មានការរិះគន់យ៉ាងខ្លាំង ដោយហេតុថា អំពើពុករលួយយ៉ាងពេញបន្ទុករបស់លោក ជុំ ប៊ុណ្ណារ័ត្ន និង បក្ខពួកកំពុងតែធ្វើឱ្យប៉ះពាល់យ៉ាងខ្លាំងដល់របររកស៊ីរបស់ក្រុមឈ្មួញដែលនាំចូលទំនិញតាមច្រកនេះ ព្រោះអីពួកគេត្រូវ ចំណាយលុយលើតុ និងក្រោមតុកាន់តែច្រើនឡើងៗ ។
សូម្បីតែពលរដ្ឋខ្មែរដែលឆ្លងដែនចូលទៅពិនិត្យ និងព្យាបាលជំងឺនៅ ប្រទេសវៀតណាមក៏ប្រឈមនឹងការលំបាកដែរ ព្រោះត្រូវមន្ត្រីក្រោមឱវាទ លោក លោក ជុំ ប៊ុណ្ណារ័ត្ន គាបយកលុយស្រេច តែអំពើចិត្ត ។
ផ្ទុយទៅវិញរហូតមកដល់ពេលនេះ ក្រសួង និងស្ថាប័នពាក់ព័ន្ធនៅតែធ្វើមិនដឹងមិនឮ ចំពោះអំពើពុករលួយរបស់ក្រុម សមត្ថកិច្ចឈរជើងនៅច្រកទ្វារអន្តរជាតិព្រែកចាក ហើយទុកឱ្យពួកគេប្រព្រឹត្តអំពើពុករលួយកាន់តែខ្លាំងឡើងថែមទៀត ។
ក្នុងចំណោមសមត្ថកិច្ចនៅច្រកទ្វារអន្តរជាតិព្រែកចាក ដែលកំពុងល្បីខាងប្រព្រឹត្តអំពើពុករលួយខ្លាំងបំផុត គឺនគរបាលអន្តោ ប្រវេសន៍ មន្ត្រីគយ មន្ត្រីកាំកុងត្រូលនគរបាលប្រឆាំងបទល្មើសសេដ្ឋកិច្ច និងក្រុមមន្ត្រីស្នាក់ការច្រកទ្វារដែលគិតតែពីរឿងប្រមូលលុយដាក់ហោប៉ៅ ។
ជាងនេះទៅទៀត ក្រុមសមត្ថកិច្ចពុករលួយបានឃុបឃិតឱ្យឈ្មួញមួយចំនួននាំចូលទំនិញគេចពន្ធតាមអំពើចិត្ត ហើយសូម្បីតែតាមរថយន្តក្រុងដឹកជញ្ជូនអ្នកទេសចរណ៍ក៏មានបង្កប់ទំនិញគេចពន្ធ ទំនិញខុសច្បាប់ពីប្រទេសវៀរតណាមយ៉ាងពេញបន្ទុក ។
សារព័ត៌មានយើងពុំអាចសុំការបំភ្លឺពាក់ព័ន្ធអារឿងស្រូវរបស់ លោក ជុំ ប៊ុណ្ណារ័ត្ន មេនគរបាលអន្តោប្រវេសន៍ ច្រកទ្វារអន្តរជាតិព្រែកចាក បាននោះទេនៅពេល ៕